الموضوع: هى السخونية تعمل كدة؟ (تغيير بلوكة موتور)

السلام عليكم

معلش الموضوع طويل شوية بس معلش اتعبوا معايا شوية فى قرايته لأن الموضوع مش سهل

امبارح كنت عملت موضوع سألت فيه عن صوت فى الموتور
http://www.nilemotors.net/Nile/404097-2006.html

عايز بس أقول حاجة....لما اشتريت العربية من 3 أسابيع بالظبط (يوم السبت 18يناير) وأنا جايبها فى الطريق العربية سخنت جدا والحرارة جابت على الآخر ووقفت بيها على كوبرى المطار وزودتلها مية ووديتها الحرفيين وصلحت المروحة (المقاومة اتحرقت وأنا جاى بيها ففصلت المروحة)


المهم ان لما سمعت صوت التخبيط فى الموتور ده يوم الأربعاء قلت هروح للميكانيكى الصبح رحت عند القاضى فى الحرفيين, رحتله الصبح بدرى قال لى على العصر كدة هنفك وش السلندر ونشوف فيه ايه جوا, يا إما حاجة بسيطة يا إما هنغير وش السلندر.... طب بكام وش السلندر يا عم قال لى يعمل له 4000 جنيه, سألته طب الوش ده مايتعملش فيه أى حاجة قال لى لا!!!!!
المهم مشيت وكلمته على العصر قال لى أنا جربت حاجة كدة وطلعت العربية أجربها وهنشوف, رحت رايحله قالى لى أنا قرصت على ترس ال(مش عارف اسمه ايه) المهم ان صوت التخبيط وطى فعلا بس مارحاش
قال لى تمشى عليه (الترس) لحد ما يخلص خالص ولا ايه؟ قلت له لا نغيره أنا جاى أصلا وناوى أغير كل الكلام ده (الترس والكاتينة)
المهم فك الترس والكاتينة وجبت مجموعة الكاتينة الأصلى من عند عمران (ترس وبليتين ومسمار معرفش اسمه), وخدت الترس استيراد من عند القاضى (قال لى انه ب700 والجديد ب 1300)
ركبنا الحاجاة ودورنا.......ولقينا التخبيط زى ما هو, قال لى يبقى لازم نفك الوش......فك الوش ومالاقاش فيه حاجة قال يبقى هنشيل الوش ونبص من تحت, شال الوش وبص على البساتم وفضل يحركها بإيده قال لى فيها بوش (وكان فيه صوت تكتكة مع الهز الجامد لبستم واحد من البساتم بس كان فى 2 أو 3 بيتحركوا معاه لما بس بالعافية)
المهم قال لى البلوكة انت محتاج تغير بلوكة ونودى الوش للخراط يظبطه (رغم انه قال انه مابيتعملش فيه حاجة) وبالمناسبة الصنايعى اللى فتح الموتور قال ان وش السلندر مافيهوش حاجة وعشان كدة فك تحت, وبعد كدة قال لى ان الوش شغال بنسبة 70% (مش فاهم حاجة)
سألته عن العمرة قال لى عمرة العربية دى مابتعيش, قلت له هى مش المشكلة فى البساتم مانغير البستم نفسه قال لى ماهو طالما البساتم فيها مشكلة يبقى الكرنك فيه مشكلة
المهم أنا مارتحتش للكلام بصراحة وحسيت انى بيتلعب بيا سألته لو قفلنا العربية ومشيت بيها شوية هايحصل حاجة, قال لى لا بس صوت الخبط مستمر وممكن تلاقيها جابت منك موتور بعد كدة الفكرة انى ماكنتش عامل حسابى أصلا على القصة دى
قلت له قفلها دلوقتى, وهو بيقفل الموتور سألنى هتاخد الترس بتاعنا ولا هتركب الترس بتاعك (بناءا على سؤال واحد من اصحاب الورشة)...سألته الترس لو ركب فيه حاجة قال لا بس ماتمشيش عليه كتير, قلت له خلاص ركب الترس بتاعى, المهم ركب الترس وجينا ندور العربية مش عايزة تدور ولقيت اللى قال له على موضوع الترس بيسأله انت ركبت الترس بتاعهم؟؟ أهى جابت صباب!!!!!
قلت له انت مش قلت الترس مش هايعمل حاجة؟ قال لى اه بس نصيبك كدة!!!! المهم قلت له طب ركب ترسك كدة ركبنا الترس وجاب بطارية ندور لأن بطاريتى كانت نامت من محاولات التشغيل
المهم ركبنا الترس بتاعه وحاولنا ندول الموتور وشوية والموتور دار بص صوت تخبيط فظيع وأول ما أشيل رجلى من على البنزين العربية تبطل, وبعدين لقيت رسالة Check Gearbox ولمبة الإستوب والABS منورين
سألت الصنايعى قال لى عشان العجل اللى قدام مرفوع (مش عارف كلام ده صح ولا غلط) المهم ان شوية ودخان فظيع خارج من الشكمان طبعا انا جالى ذهول
ايه ده يا عم قال لى الموتور كبسه بيهرب..... وأصل المية جت على الزيت لما فكينا الموتور والمية هاتتبخر مع الشغل وصنايعى تانى فى الورشة معدى قال لى انت مش فكيت والموتور كان مطبع فطبيعى هيدخن
طبعا انا حصلت لى حالة اكتئاب فظيعة ومابقتش عارف أعمل ايه
وطبعا العربية مابقاش ينفع تتحرك من عنده وبقى لازم يتغيرلها بلوك ومافيش حل تانى


أنا بصراحة مش عارف الإحساس اللى جالى ده انى بتعامل مع ناس مش فاهمة حقيقى ولا الحرارة ممكن تعمل كل ده فعلا والتوصيف اللى حكاه حقيقى
هل الحرارة فعلا ممكن تأثر بعد 3 أسابيع؟ أنا ماشى بالعربية 3 أسابيع العربية مابتسخنش الحمد لله وماشية مافيهاش أى مشكلة (بقالها كام يوم بتتأخر فى الدوران بس ومش على طول يعنى ساعات تدور من تانى أو تالت محاولة)

المشاركة الأصلية كتبت بواسطة omaranes77

انا بردو اشتريت بلوكة مع انا البساتم تمام بس عشان اريح دماغي عشان عندي المية كانت بتروح علي الزيت والحرارة عليت جدا وإن شاء الله بعد ما تعمل البلوك تبقي تمام

يارب