حاجز صنى 2014 من 3 اسابيع وابتديت اقلق من التشوية الرهيب من الناس للعربية

**amirali** · 07-02-2014 04:46 PM

سلام عليكم .. انا عضو جديد وده اول موضوع ليا .. انا جاجز نيسان صنى سوبر صالون من

التوكيل من حوالى 3 اسابيع الا يوم بظبط والمفروض استلم ان شاء الله اخر 3 .. المشكلة دلوقتى

من خلال متابعتى اللى ابتدت من حوالى اسبوعين ابتديت اقلق! اللى يقولك بعد 120 بتبقى ورقة

عالطريق! واللى يقولك دى فضيحة فتاريخ نيسان! بس اللى اخدت بالى منه ان الدفعات الجديدة

مافيهاش مشاكل الفرامل خالص ودى حاجة طمنتنى الى حد كبير .. السؤال دلوقتى للى لسة مستلمين

قريب هل فعلا الدفعات الجديدة اتحلت فيها مشاكل العربية؟ وهل العربية ثباتها عالطريق ضايع

اوى كدة لأن انا بمشى طريق السويس كل يوم وعايز عربية تكون ثابتة؟ وهل مشكلة ان البابين

اللى ادام مش بيتقفلوا غير بالرزع ليها حل ولا لأ لأنى حسيتها فى التوكيل فعلا؟ انا فكرت فى

ال301 بيزلاين بس العربية من جوة فاضية خالص بصراحة وعندى القلق المعتاد من المصريين

ناحية البيجو.. انتوا ايه رأيكوا؟ ياريت اللى لسة مستلم قريب يطمنى

**amirali** · 07-02-2014 04:48 PM

المنتدى ده عقدى من العربية وخوفنى منها بشكل رهيبة بصراحة

**MUSTFA** · 07-02-2014 04:59 PM

للاسف معظم اللى بيقول الكلام ده مجربش يركب العربية ويتاكد م الكلام ده .. بس الاكيد ان ثباتها اقل م الشكل القديم .. وهو ف المجمل عربية كويسه جدا وسعرها معقول

**Dr M.Noaman** · 07-02-2014 05:04 PM

أنا كنت حاطط إيدي ع قلبي طول الفترة اللي فاتت دي بسبب المنتدى .. وبصراحة اللي خلى قلبي يجمد إني لقيت العربية منتشرة بطريقة رهيبة في 3 محافظات سواء المنصورة أو الغربية أو كفر الشيخ ..وقعدت أسأل هنا وهنا لما جمعت 3 ورقات كاملين ع النوتة عشان أراجع كل حاجة وقت الإستلام

أنا جيبتها من السبع في المنصورة بصراحة معاملة كويسة وكل حاجة عايز أركبها هم بيعملوها سواء حساس الركن ولا فرش العربية ولا الدواسات ولا الماكنسة ولا الغطى

العربية محترمة جدا جدا ما شاء الله بأمانة . استهلاكها في البنزين رائع ما شاء الله وواسعة جداااااا وعالية -حسيت بالفرق دا لما ركبت عربية صاحبي اللانسر بوما بعدها- .. نظام الصوت بتاعها جامد وكمان حركات بقى البلوتوث فمش شايل هم تمسك التليفون بإيدك وأنت ع الطريق يا دوب هترد م الدركسيون وتقفل منه

كشفاتها حلوة بصراحة ع الطريق . أول ما جبتها كنت مفكر إن النور العادي دا هو العالي لغاية ما عرفت إني كنت مشغل نور الشبورة بس وماشي عليه :d

بالنسبة للثبات فهي رائعة بصراحة بس أنا عشان لسه ماخرجتش فأقصى سرعة جات 100 وولا تحس بأي حاجة بصراحة وفراملها حلوة وبتعدي فوق المطبات وولا تفرق معايا مهما كان المطب عالي -بالنسبة لأني عربية صاحب والدي تويوتا 2010 كنا بنلف حوالين مطبات معينة في الطريق كدا-

قفلة الباب جربته في المعرض عمل مقاومة كدا فقالي بسبب ضغط الهوا فلما فتحت الشبابيك فعلا اتقفل ع طول

ربنا يرزقك خيرها ويكفيك شرها يا رب بس ماتدورش في المنتدى هنا كتير قوي وتخليه يهزك لأنك مش عارف كل الموجودين وهل فيه غرض ليهم ولا لأ .. انزل الشارع واسأل واحد واتنين راكبينها وحاول تسأل اللي جايبيين السوبر صالون عشان بتفرق في الاستايل والكماليات شوية

**amirali** · 07-02-2014 05:15 PM

المشاركة الأصلية كتبت بواسطة mustfa

للاسف معظم اللى بيقول الكلام ده مجربش يركب العربية ويتاكد م الكلام ده .. بس الاكيد ان ثباتها اقل م الشكل القديم .. وهو ف المجمل عربية كويسه جدا وسعرها معقول

.. تمام ياباشا تسلم

**amirali** · 07-02-2014 05:17 PM

المشاركة الأصلية كتبت بواسطة dr m.noaman

أنا كنت حاطط إيدي ع قلبي طول الفترة اللي فاتت دي بسبب المنتدى .. وبصراحة اللي خلى قلبي يجمد إني لقيت العربية منتشرة بطريقة رهيبة في 3 محافظات سواء المنصورة أو الغربية أو كفر الشيخ ..وقعدت أسأل هنا وهنا لما جمعت 3 ورقات كاملين ع النوتة عشان أراجع كل حاجة وقت الإستلام

أنا جيبتها من السبع في المنصورة بصراحة معاملة كويسة وكل حاجة عايز أركبها هم بيعملوها سواء حساس الركن ولا فرش العربية ولا الدواسات ولا الماكنسة ولا الغطى

العربية محترمة جدا جدا ما شاء الله بأمانة . استهلاكها في البنزين رائع ما شاء الله وواسعة جداااااا وعالية -حسيت بالفرق دا لما ركبت عربية صاحبي اللانسر بوما بعدها- .. نظام الصوت بتاعها جامد وكمان حركات بقى البلوتوث فمش شايل هم تمسك التليفون بإيدك وأنت ع الطريق يا دوب هترد م الدركسيون وتقفل منه

كشفاتها حلوة بصراحة ع الطريق . أول ما جبتها كنت مفكر إن النور العادي دا هو العالي لغاية ما عرفت إني كنت مشغل نور الشبورة بس وماشي عليه :d

بالنسبة للثبات فهي رائعة بصراحة بس أنا عشان لسه ماخرجتش فأقصى سرعة جات 100 وولا تحس بأي حاجة بصراحة وفراملها حلوة وبتعدي فوق المطبات وولا تفرق معايا مهما كان المطب عالي -بالنسبة لأني عربية صاحب والدي تويوتا 2010 كنا بنلف حوالين مطبات معينة في الطريق كدا-

قفلة الباب جربته في المعرض عمل مقاومة كدا فقالي بسبب ضغط الهوا فلما فتحت الشبابيك فعلا اتقفل ع طول

ربنا يرزقك خيرها ويكفيك شرها يا رب بس ماتدورش في المنتدى هنا كتير قوي وتخليه يهزك لأنك مش عارف كل الموجودين وهل فيه غرض ليهم ولا لأ .. انزل الشارع واسأل واحد واتنين راكبينها وحاول تسأل اللي جايبيين السوبر صالون عشان بتفرق في الاستايل والكماليات شوية

فعلا انتشار العربية حاجة كويسة وهى منتشرة جدا عن ال301 ... انا فى واحد عمال يزن على

دماغى ويقولى ازاى تفكس للبومة وتجيب الصنى! انا عامة مش بحب البومة برغم ان سمعتها

كويسة .. طب بالنسبة للكاوتش معاك يا معلم ايه رأيك فيه؟

**Dr M.Noaman** · 07-02-2014 05:23 PM

الكاوتش بيلم زلط وحاجة رخمة يعني .. كنت ناوي أغيره بصراحة بس الوكيل هنا قالي اعمل ضغطه 32 قدام و 30 ورا بالنيتروجين هيكلفك 20 ج شهريا بس هتستريح أكتر ولسه ماجربتش بصراحة

لسه هشوف بقى لو مشى فمش هغير بأمر الله أما لو برده رخم كدا فهغير كمان شهرين كدا بأمر الله

**amirali** · 07-02-2014 05:30 PM

المشاركة الأصلية كتبت بواسطة dr m.noaman

الكاوتش بيلم زلط وحاجة رخمة يعني .. كنت ناوي أغيره بصراحة بس الوكيل هنا قالي اعمل ضغطه 32 قدام و 30 ورا بالنيتروجين هيكلفك 20 ج شهريا بس هتستريح أكتر ولسه ماجربتش بصراحة

لسه هشوف بقى لو مشى فمش هغير بأمر الله أما لو برده رخم كدا فهغير كمان شهرين كدا بأمر الله

اصل انا معايا حاليا افيو وبرده الى حد كبير بيلم زلط بس ماحستش ان الموضوع مزعج للدرجة! يعنى

الكاوتش للدرجة دى بيعمل اصوات فى العربية!

**Mohamed Saber** · 07-02-2014 05:59 PM

بصراحه انا نفسى اجيبها بس الحاجه الوحيده اللى مقلقانى منها خفه الصاج،
ف ياريت حد يطمنى من ان الصاج مش ضعيف للدرجه اللى بيقولوا عليها دى وياريت يكون من احد ملاكها