الموضوع: حاجز صنى 2014 من 3 اسابيع وابتديت اقلق من التشوية الرهيب من الناس للعربية

يافندم ادخل اي منتدي 99.9% من العربيات فيها مشاكل
و تذكر دائما ان الكمال لله وحده
و معلش في الكلمه ديه عربيه ثمنها 110 الف في زمن الفيرنا الاوتو ب 92

فوق الميه حرام تاخد تقفيل مصرى خليك فى المستورد انظف ...
اكسنت - ستروين اليزيه - ريو حاجات محترمه واحسن لك من التقفيل بقى مش اد كدة
http://im34.gulfup.com/aRWvO.jpg
http://im34.gulfup.com/iqDOt.jpg

المشاركة الأصلية كتبت بواسطة omar11

موضوع الباب ده في الاول بس بعد كده هيطبع و هتحس انو بيقفل عادي و الفرامل انا عامل 5000 و تمام معايا اما الثبات فهو مش اد كدة انا كل يوم علي طريق السويس بردو انت بس لما تعدي بين عربيتين علي الطريق بسرعة هتحس بموضوع الخفة ده

يعنى تفتكر اخف من الافيو؟

المشاركة الأصلية كتبت بواسطة ashrafwolf

يافندم ادخل اي منتدي 99.9% من العربيات فيها مشاكل
و تذكر دائما ان الكمال لله وحده
و معلش في الكلمه ديه عربيه ثمنها 110 الف في زمن الفيرنا الاوتو ب 92

عندك حق انا عملت مسح ذرى للمنتديات كلها مليانة مواضيع مشاكل عن العربيات بما فيها

البيجو اللى كنت بفكر فيها شفت ناس كاتبة شكاوى كتير عنها كل العربيات فعلا فيها مشاكل

المشاركة الأصلية كتبت بواسطة ibrahimsaad

انا كنت زيك كده قبل مااشترى العربيه ومقلق جدا وخصوصا بعد ماسمعت موضوع الصاج الخفيف وكمان بعد ماشفت حادثه ليها على سرعه 60 ك فعلا تحس ان صاجها ضعيف بس على فكره دا فى كل العربيات الجديده بيخفوا الصاج الخارجى علشان يمتص الصدمات وبيركزوا على الامان الداخلى لمقصوره الركاب

المهم انا صليت الاستخاره كثير جدا ولدرجه ان كان نتيجه الاستخاره ان كنت الاول باشترى جيلى امجراند وبعدين بعد ماحجزت قلقت فحجزت رينو ستيب واى وبعدين قلقت فقمت حاجز byd f3

ولكن بسبب الاستخاره لغيت كل ده وسحبت فلوسى وقمت حاجز الصنى الشكل الجديد وبعدين ارتحت نفسيا

العربيه ماشاء الله عامله انتشار كبير جدا خصوصا عندنا فى كفرالشيخ ماشاء الله كثيره جدا وانا شخصيا لغايه دلوقت عامل 500 ك مفيش ولا مشكله قابلتنى معاها اللهم الا باب السائق الامامى لازم اقفله جامد علشان يقفل وسوف اخبرهم فى الصيانه بس انا كان معايا فيرنا وكان الباب بيقفل من لمسه يمكن علشان لسه العربيه جديده او يمكن فيه حاجه عايزه تتظبط هااشوفه فى الصيانه غير كده مفيش مشاكل

بخصوص الكاوتش هو فعلا بيلم ظلط بس انا كل شويه بنضفه من الكاوتش هى طبعا حاجه سخيفه بس مش مشكله تعيب العربيه لانك ببساطه تقدر تغيره حتى لو بعد فتره انا شخصيا مش هغيره دلوقت خالص ومش مديه اهتمام اصلا

نيجى بقى لمميزات العربيه

واسعه جدا جدا والجالس ورا هيقعد بكل حريه ماشاء الله
شنطتها واسعه
العزل فيها جيد جدا صوت الموتور كان عالى فى الاول ابتدى يهدى وصوته حلو ناعم
لو قافل الزجاج مش هتسمعه خالص
التكييف كويس
الثبات ماجربتوش لان اقصى سرعه جبتها 100 لانى لسه بلين بس اعتقد انه مش هيكون وحش لانى على ال 100 بحس كانى ماشى على 60 لو معايا الفيرنا
الفرامل ممتازه انا مش حاسس باى مشكله معاها زى مالناس اشتكت منها يمكن لان الدفعات الجديده تم حلها
استهلاك البنزين فى البدايه كان وحش بس يمكن لانها لسه بتلين لكن ابتدى يقل بعد فتره وكل شويه بيقل واعتقد بعد ال 5000 ك هيتظبط ويبقى عادى

السحب طبعا مش زى المانوال والكل عارف كده لكن مش وحش بالعكس انا مش حاسس بيه مشكله والتسارع عندى ماشاء الله كويس

وتقدر كمان تستخدم غيارات المانوال 1 - 2 لو من هواه الجرى والتسارع

ميزه الاوفر درايف فى المطالع والمنحدرات وعند الشد

اهم حاجه بقى حاسسها وكنت بعانى منها هى المطبات انا كنت باكل المطبات مع الفيرنا وكانت بتبهدلنى رغم انى كنت باخدها بالمحايله ومعظم العربيات بتعانى من حكايه المطبات دى

فى الصنى عملوا معادله العلو عن الارض مع الاحتفاظ بالثبات

بصراحه انا باخد اجدع مطب دلوقت بكل راحه وسهوله وانا سعيد ولا بحس بيه

كمان ارتفاع الكراسى فى المقصوره بتحسسك انك راكب عربيه مش سيدان تحس كانك راكب مثلا ماتريكس او عربيه عاليه

بصراحه العربيه ممتازه جدا وبتحقق كل شئ معادله سعر ورفاهيه وراحه

يبقى فقط اسعار قطع غيارها ودى فى معظم الجديد مش هى بس

يعنى بالنسبة لك هى احسن ولا ال 301 ولا البومة مثلا؟

المشاركة الأصلية كتبت بواسطة ibrahimsaad

هو مش مشكله للدرجه دى هو بس لانه جديد لازم تقفله جامد بس

دا بالنسبه للباب اما لو تقصد خفه العربيه لا طبعا مفيش مقارنه ولا فرق ياراجل مع الافيو خالص

مش عارف مش مقتنع بحوار الباب لأن مش كل العربيات الجديدة لازم الباب يترزع عشان يقفل...

الافيو معايا على الطريق مراجيح مولد النبى فمعتقدش ان الصنى فعلا اسوء منها فى النقطة دى