محتاج رأيكم 406

**casper_600** · 07-02-2014 10:17 PM

السلام عليكم يا إخواننا الاحباء المحترمون

عايز 406
لقيت عربيه ذهبي اللون 406 موديل 2001
حالتها ممتااااااازه من كل النواحي بس محتاجه السروجيه بتاعت البيبان تتخيط وتتقيف كويس وخلاص والعربيه عامله 150000
ومتغير الفتيس بتاعها عرفت بعد كدا ان الموديل دا في عيب فتيس وبيتغير والراجل مغيره والعربيه كلها تمام مش رشه سقف ورشه الباقي نظافه ومافيهاش اي خبطات ناقصلها كفر المرايه اليمين موتورها لونه اسود وعليه بيجو ومالوش صوت والعربيه بصراحه متصانه

شفت واحده كمان بيجو 406 موديل 2005 سماوي بس بصراحه متهانه
رفرف يمين قدام متخبط وكله دق عليه والبويه واقعه
رفرف شمال ورا داهل كله لجوه علي هيئه خبطه ماشيه بالعرض كأن حاجه بحرفها كبسته لجوا
الاكصدامات ملخلخه وكشاف الشبوره متثبت بمسمار
كحته جامده رفرف شمال قدام
جنط الاستبن مش اصلي وانما لونه اسود مش زي الجنوط
مرايه ضم شمال مكسوره كلها ورابطها في الباب بسلك
القزاز مكسور
الكشاف الامامي يمين فارق عن الكبوت شويه مختلف عن الشمال
دراع الاشاره لا يرجع وحده بعد لفت الدركسيون
الكارتيره اللي تحت متكسره كلها بل وكمان لقيت نقط من زيت الباور سالته قالي ان الماسوره.مكانها ورا الاكصدام الامامي يتاعت الباور وانها اتشرخت منه بعد ماطلع فوق رصيف وهو بيركن
العربيه معاها مفتاح واحد متكسر ومش شغال سألت عن التاني قالي انه أخذها بواحد بس
الكاوتشات اللي ورا غير اللي قدام
الكاسيت مش بيلقط إشارات
وكمان لاحظت ان دراع المساحات مش بيلف للتلات مراحل انا قصدي معرفتش اخليه أوتو عشان اجرب حساسات المطر
الراجل قالي ان ريحه العادم مش طبيعيه عشان محتاجه حساس شكمان
العربيه من جوا حلوا وبفرشها والمرايه التعتيم

سؤال
ايه رايكم
هل ال 2005 ممكن تتلم بس بسعر مش.كتير يعني للدرجه
هل.ممكن اصلحه واركبها
انامبتدئ في البيجو

علي فكره ال 2005 ماشيه ١70000
وايه افضل المراكز

ال2005 معروضه بردوا بسعر متواضع قريب من الإمكانيات. شويه
ها
انتوا شايفين ايه
؟؟؟؟
اشكركم

**mostafa afifi** · 07-02-2014 10:42 PM

بص شوف ال 2005 اكشف عليها فتيس و موتور و عفشه لو لاقيتهم سلام اتوكل علي الله فيها........مع ان اللي بيهتم بالعربيه غالبا بيهتم بيها كلها و اعملها مقايسه بحيث انها ماتعديش75 و ال 2001 كويسه بردو بس انت لو بتاع جري و شد خليك في ال2005 عشان موترها اقوي شويه حتي العداد 260 انما لو الجري مش فارق معاك .......يبقا خليك في ال 2001 لو فابريكه كلها اكشف و اتوكل علي الله و جيبها و جربها علي الطريق المفروض تجيب معاك 180-200 بسهوله انا عربيتي 2002 و عامله 240 الف و بجيب 210 عادي و ماغيرتش في الفتيس غير الحساسات بس يعني المفروض بالفتيس الجديد تقفل العداد =d ربنا يوفقك في اختيار العربيه انشاءالله

**casper_600** · 08-02-2014 11:04 AM

طيب اعرف لو سمحت
هعمل ايه في الاكصدامات اللي متلخلخه من الاطراف والكشاف اليمين اللي لما بقف قدام العربيه الاقي انه اقل مستوي من الشمال الا لو رفعت الاكصدام بأيدي
وكمان الحساي بتاع الشكمان اللي مغير ريحة العادم علي كلام الراجل طبعا وكمان اعمل ايه في المرايه الضم الشمال اللي مربوطه وشكلها واقع خالص
ممكن اعرف هرش العربيه فين واحسن احسن سمكري اتعامل معاه
اناعايز افرح بالعربيه وانا محوشلها بصراحه
طيب والكاوتش الاستبن لونه اسود مش زي باقي الجنوط

**Ahmed Saad** · 08-02-2014 11:44 AM

بص يا باشا مقولة وقالها أجدادنا زمان هتركب عربيه متهانه هتهينك هتركب عربية متصانه هتصونك انا عندي اركب 504 حاله ممتازه وماركبش 508 متهانه من الاخر خليك في ال 2001 طالما أنها حالتها كويسه احسن من 2005 اللي هاتصرف عليها دم قلبك غير حرقه الدم مع الصنيعيه وخللي بالك البيجو قطع غياره مش رخيصة فالأفضل الحاله النضيفه ثانيا في ميكانيكي أستاذ في البيجو وبالذات 406 عند سوق السيارات خلف محطه الغاز الطبيعي اللي بعد بنزينه شل الراجل ده كان بيصلح عربيه بتاعت واحد صحبي بيجو 405 رؤا ايراني وكنت معاه لقيت عنده 406 كتير بيصلحهم وكمان 407 وعنده انصاص استيراد فلو كده توكل على الله في ال 2001 وربنا يكرمك وينولك الأصلح والافضل

**casper_600** · 08-02-2014 09:27 PM

يا الف خساره الراجل بتاع ال 2001 رجع فى كلامه مش عارف ليه مره واحده و قالى انا هأجل البيع ربنا يسامحه بقى
المهم انا اعمل ايه دلوقتى انوى اخد 2005 و لا اييييييييييييييييييييييه

**Ahmed Saad** · 09-02-2014 12:29 AM

المشاركة الأصلية كتبت بواسطة casper_600

يا الف خساره الراجل بتاع ال 2001 رجع فى كلامه مش عارف ليه مره واحده و قالى انا هأجل البيع ربنا يسامحه بقى
المهم انا اعمل ايه دلوقتى انوى اخد 2005 و لا اييييييييييييييييييييييه

يا باشا نصيحة من اخ أبعد عن ال 2005 دي علشان متهانه وهتصرف عليها جامد وعمرها ماهتتظبط معاك وهتجيبها متهانه هتفضل طول عمرها متهانه نصيحه أبعد عنها ودور شويه على عربيه حالتها نضيفه هتلاقى كتير أن شاء الله

**casper_600** · 09-02-2014 06:47 PM

فعلا كلامك صح اناهسمع لنصيحتك وان شالله ادور على الافضل وهبلغكم بالجديد
شكرااااااااااا اخي الفاااضل الخبره

**casper_600** · 10-02-2014 12:50 AM

طيب لو سمحت
عربيه 2001 حاله جيده جدااا رشه برا نظافه
دواخل فابريكه
الموتور ماشي 245000 كتير صح؟؟
بس من اول يد والحاله نظيفه ايه رايكم وسعرها يعمل كم
سؤال
هل ممكن اركب عدادات ال 2005 علي 2001؟؟
هل ممكن اركب الحساسات الضوء والمطر بردوا؟؟
وايه رايكم في ال 2001 وهل الفتيس ممكن يكون متغير بتاع العربيه دي