الموتور بيعمل صوت صفارة

**Ayman Fathalla** · 08-02-2014 01:38 AM

السلام عليكم ورحمة الله وبركاته

انا عندي ابيزا 98 كان فيها مكنة 1000 و اتسقطلها مكنة بولو 1400 قبل ما اشتريها .. المهم الموتور كان شغال عادي فجأة بدأت أسمع زي صوت صفارة او بالظبط صوت الموتور بقى عامل زي صوت موتور الدايو لانوس لما بيصفر .. الصفارة دي بتظهر لما ال rpm بيعلى عن 20 و أكون ماشي بالعربية .. بس لو ممور و واقف و حرقت الصفارة مبتظهرش .. معلومة : ان الموتور مابيسحبش و بردو البوجيهات بتهبب بسرعة و بحتاج اغيرها كل فترة لأنها بتبدأ تقطع بس ده كله كان حاصل من قبل صوت الصفارة .. يا ترى ايه الأسباب !!

شكراً..

**Karim Ibiza** · 08-02-2014 01:46 PM

الصفارة بتكون فى الغالب من سير الدينامو

**hossamalsadik** · 08-02-2014 02:02 PM

اهلا بيك معنا
صوت الصفاره اسبابه اما سير عاوز يتغير او بليه - بلية دينمو او بلية كاتينه الموضوع بسيط
هباب البوجيهات ناتج عن عدم احتراق البنزين بشكل كامل وسليم أما بزياده نسبته بسبب تسيل الرشاشات او ان الهواء نسبته المختلطة معاه نسبته اقل او عدم قدرة البوجيهات على الحرق بسببها او بسبب سلوكها
الحل انك تعمل سرفس تكشف على سلوك البوجيهات و تنضف حساس الهوا وتكشف على حساس الشكمان وتكشف على الرشاشات الى بتكون عاوزه تتنضف واحيانا تتغيير التنضيف ممكن تستخدم منظف دورة البنزين وتحطه على تفويله

بالتوفيق

**Karim Ibiza** · 08-02-2014 03:26 PM

البلى مش بيعمل صوت صفارة سواء كان بلى دينامو او بلى كاتينة

**hossamalsadik** · 08-02-2014 04:35 PM

باشا الراجل صاحب الموضوع من سياق كلامه مش عارف يميز الصوت تحديدا الفكره ان نجبله الى ممكن يعمل الصوت الأقرب لحلته انا ابتديت بالسير ثم البلى - البلي عارف انه بيعمل صوت خشن وبكده نبقى حصرناله مشكلة الصوت
وضحت .

وبعدين مين الى قلك ان البلى ماببيعملش صوت صفاره أحياناً بيكون بخشونه واحيانا بتكون رفيعه

**Karim Ibiza** · 08-02-2014 09:55 PM

المشاركة الأصلية كتبت بواسطة hossamalsadik

باشا الراجل صاحب الموضوع من سياق كلامه مش عارف يميز الصوت تحديدا الفكره ان نجبله الى ممكن يعمل الصوت الأقرب لحلته انا ابتديت بالسير ثم البلى - البلي عارف انه بيعمل صوت خشن وبكده نبقى حصرناله مشكلة الصوت
وضحت .

وبعدين مين الى قلك ان البلى ماببيعملش صوت صفاره أحياناً بيكون بخشونه واحيانا بتكون رفيعه

انا اللى بقولك ان البلى مش بيعمل صوت صفارة
البلى صوت حكة وخشونة لأنه حديد فى حديد
السير الكاوتش مع الحديد يعمل صوت صفارة

وفيه حاجات تانية بتعمل صفارة زى مثلا تنفيس فى جوانات الفرن او المنافولد

وضحت.

**hossamalsadik** · 08-02-2014 10:22 PM

المشاركة الأصلية كتبت بواسطة karim ibiza

انا اللى بقولك ان البلى مش بيعمل صوت صفارة
البلى صوت حكة وخشونة لأنه حديد فى حديد
السير الكاوتش مع الحديد يعمل صوت صفارة
ماجبناش جديد

وفيه حاجات تانية بتعمل صفارة زى مثلا تنفيس فى جوانات الفرن او المنافولد

ده الجديد وممكن
وضحت.

الصفاره اسببها كتير ممكن يسجلنا الصوت ويرفعهلنا نسمعه او زى مقال أ/body7733 وبالمره يعمل سرفس على الكلام الى قلتهوله

**Karim Ibiza** · 08-02-2014 10:27 PM

الجديد انك تقول ان البلى بيعمل صفارة

**hossamalsadik** · 08-02-2014 10:33 PM

لا ده الجيد انك تقول البلى واحتكاك الحديد ببعضه أستحاله يعمل صوت صفير أنما صوته موحد وهوا الخشونه فقط

-

الموضوع: الموتور بيعمل صوت صفارة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

موقع بيعمل بيعمل براويز لصور الاطفال زى اللى فى الاستوديهات

الموتور عندى فى البرافو بيعمل vibration وصوتة عالى

الموتور عندى بيعمل صوت تكتكه

صوت صفارة؟

العجل بيعمل صوت صفارة

الكلمات الدلالية لهذا الموضوع

المفضلات

المفضلات

ضوابط المشاركة