شكرا ليك علي التقييم الحيادي
عرض للطباعة
شكرا ليك علي التقييم الحيادي
انا بس مستغرب ازاى تبدّل الاوبل بدى،طبعا محدش بيتعلم ببلاش بس انا معايا اوبل و بفكر ايه اللى ممكن اركبه بعدها عشان محسش بفرق!!
كتر الف خيرك على نقلك تجربتك بكل امانة
انت كدة حزرت الجميع
وربنا يعوضك خير ويرزقكك افضل منها
طيب ايه رئيك فى اللى اشتراها من حضرتك ب 72000 هل يا ترى هتزعله نفس الزعل
يعنى لما يركبها ويستمتع شويه بكماليتها وييجى يبيعها مش هيخصر فيها كتير ؟
موضوع قديم من 10 سنين بس احب اضيف كلمه واقفه في حلقي :)
تخيل حضرتك العربية الصيني دي بتتباع حاليا مستعمله بكام على المواقع؟
بـ 100 الف الى 160 الف !!!!!!!! ^__^
عربية صيني وبعد عشر سنين استهلاك لها بيبيعها باكثر من تمن شراءها !!!!!! ^__^
الكلام ده مش موجود في عربيات كتير كوري وياباني او اوروبي
انا بسخر من ملاك الكورولا 2007 اللي بيبيعوها دلوقت ب250 الف يعني ربع مليون والله تخيييييل ضعف تمنها بعد 11 سنه ع الارض!!!!
وده اللي خلى ناس كتير تعتقد ان في كنز دهب مدفون في احد العربيات دي والكل بيبحث عنه او يمكن تكون عفشتها دهب خالص واحنا منعرفش بالتالي سعرها يعلى مع الوقت!!!
بتوع الجمل متغاضين عن كافة عيوبها بيتحججوا بانها عربية اعتماديه "الاسطورة" وافضل من الكورولا الحاليه وعشان كده سمحوا لنفسهم بالجشع انهم يطلبوا اضعاف سعرها بعد 11 سنه من استهلاكها!!!! ^___^
طيب بتوع الصيني بيتحججوا بايه بالظبط؟!!!!
بعد كل السنين دي من الاستهلاك ولا يقدر يتحجج بحاجه كل العمليه مجرد جشع بجح
بيبص على اسعار باقي العربيات الجديده يعرف ان الاسعار زادت يقوم يروح مزود سعر القتيله بتاعته ويقولك ماهي لسه الارخص بينهم واحمد ربنا!!!
طيب يا سيدي المعيشة والاسعار زادت والدنيا وحشه هل ده يسمحلك انك تغش الناس وتبيع حاجه مستهلكه سنين بسعر اغلى من سعرها الاصلي!!!!
ده لا دين ولا اخلاق ولا ادب ولا اي شئ يسمح بكده والله.
الموضوع ده اذاني نفسيا واللي هيحصل في الشعب قريب مش من شوية بل هو حق وعدالة سماوية.
في حملة اسمها #خليها_تصدي قريت عنها لمواجهة الجشع ده ولكن حتى لو مفيش حملات انا متأكد انهم هيلطموا السنتين الجايين انهم مرضوش يبيعوا بسعر منطقي موضوعي يرضي ربنا
والايام بيننا ..واسف على احياء الموضوع
والسلام عليكم