الموضوع: لقد فعلها وحش الرينو...أهم موضوع لإظهار أسم المتصل فى بلوتوث الفلوانس فيس ليفت

جربت كل الحلول و للاسف ولا حاجة نجحت عندي في Note3 .. بس دلوقتي قعدت ادور و لقيت اسهل حل نهائي للموضوع ده و هو برنامج بتنزله من Play Market اسمه Bluetooth Phonebook وظيفته انه بيعدل في الفون بوك الرئيسية للموبايل (PBAP) عند النقل بالبلوتوث و يمنع اي duplication او اسماء بدون ارقام و كده .. البرنامج ب2$ و حجمه اقل من 1ميجا بس بصراحة فعال 10000%

المشاركة الأصلية كتبت بواسطة esam_ayad

هل الأسماء العربي لازم تتحول لإنجليزي علشان الكاسيت يقراها عدل وماتطلعش رموز غير مفهومه ولا عادي تفضل عربي زي ماهي؟؟؟؟؟؟؟؟؟؟؟؟؟

لازم انجليزى ياباشا العربى لايظهر

المشاركة الأصلية كتبت بواسطة meggieboy

طبعاً المحترم sofiman كان أول واحد أشتكى أن بلوتوث الفلوانس بينزل فيه الأسماء اللى فى التليفون تمام و لكن وقت الأتصال أو أستقبال مكالمة بيظهر رقم دون أسم و طبعاً دى حاجة بايخة جداً....و أنا وعدته بالأهتمام و وعد الحر دين عليه.....

لما أستلمت العربية من يومين و وصلت التليفون....ظهرت معايا نفس المشكلة و لكنها كانت غريبة حبتين....و دى ملاحظاتى
-بعض الأسماء بتظهر و بعدها لأ و بتظهر كأرقام مع أنها متخزنة أسماء.....
-الموضوع ملهوش علاقة بطول الأسم لأن ظهرت عندى أسماء طويلة جداً و ملت الشاشة كلها؟؟!!!

رحت التوكيل أنهارده و للأسف لقيتهم فى الموضوع ده بالذات بطة بلدى.....أنظف من الصينى بعد غسيله....

المهم و بما أن العبد لله ليه فى المواضيع دى جامد و بما أن لا يأس مع الحياة و لا حياة مع اليأس و لازم نفهم المشكلة علشان نحلها.....
ضربت كباية الشاى المتينة و قعدت أقلب فى الأرقام اللى أتصلت بى النهارده و اللى بعضها ظهر أسماء و بعضها ظهر أرقام و أشوف أيه ممكن يعمل الconflict ده.....
-فى الأول قلت يمكن فيه كذا رقم متخزن تحت نفس الأسم زى mobile و home و ده هيلخبط التليفون و لكن للعجب لقيت متصل ظاهرلى كأسم مع أن متخزن تحتيه رقمين أرضى و موبايل.....

و بعدين خطرت فى بالى فكرة...أمتى التليفون بهيس و بيطلع رقم بدل أسم مع أننا مخزنين الأسم؟
الأجابة: لما نخزن رقم واحد تحت أسمين مختلفين....فى هذه الحالة التليفون بيهيس و بيظهر الرقم دون الأسم....
فقلت نطبق الفكرة دى بس بأسلوب أخر......
فى البداية أنا تليفونى سامسونج s3 و نازل عليه سوفت وير jelly bean أخر إصدار
لو كلنا قلبنا فى ال contacts بتوعنا هنلاقى الأتى:
مثلا لو مخزن أسم ahmed adham
هتلاقى ahmed adham و تحتيه التليفونات
و هتلاقى ahmed adham و تحتيه gmail
و هتلاقى ahmed adham و تحتيه hotmail
و هتلاقى ahmed adham و تحتيه account ال whatsapp
و هكذا......
و كل دول لنفس الشخص و لكنهم منفصلين...يعنى لو عملت search فى موبايلك عن ahmed adham هيظهرلك 4 مرات

كل المطلوب من سعتك أنك تظبط موبايلك الأول: قولى إزاى؟؟ أقولك أنا بأه إزاى....
عن طريق أنك تقف على ahmed adham اللى متخزن تحتيه التليفون و تدوس على options و تختار join contacts و تربط الأربعة ahmed adham تحت حقل واحد فقط أو contact واحد فقط.....
بحيث لما تعمل search فى موبايلك عن ahmed adham يظهرلك مرة واحدة فقط و تحتيه كل شىء

و هكذا بالنسبة لباقى الأسماء......

ثم تنزل يا وحش على الجميلة الفلوانس و تختار update من قائمة التليفون اللى فى الكاسيت.....و بعدين تعمل أحلى أتصال و يظهرلك أحلى أسم و تدعيلى أحلى دعوة.....

تمت التجربة بنجاح ساحق.....
متنساش أن سعة التخزين لكاسيت الفلوانس هى 500 أسم فقط.....
و الشىء الجميل أنك لو مخزن رقمين تحت نفس الأسم...رقم mobile و التانى work مثلا...عند أستقبال المكالمة بيظهرلك أسم المتصل و من أنه رقم mobile و لا work
أحبيبتى أفلوانس......

أنتظرونى فى موضوع أخر لتفعيل خاصية ال ok من بكرة الدريكسيون بس بعد لما أرجع من السفر أن شاء الله...متنسوش تدعولى....

مجهود رائع تستحق الشكر عليه

المشاركة الأصلية كتبت بواسطة ahmedelfeky

ياخي احنا مش ملاحقين علي المفاجاءات قلبي الصغير لا يتحمل كده مصر كلها هتجيب فلوانس مستنني بشوق وشغف لموضوع البكره ده لانه الحاجه الوحيده في ام العربيه اللي انا مش فاهمها

بالنسبه لموضوع الاسماء انا قابلتني المشكله دي في الاول يعني مش كل الاسماء كانت بتظهر في اسماء كانت متسيفه ع الجهاز بتظهر ارقام بس من غير اسماء هقولكواعلي اللي عملته بالظبط وانا تليفوني s3 واعتقد ان الاندرويد كله واحد نظام التشغيل عندي جيلي بيين برضه لان موضوع update contacts ده لا يحدث كل الاسماء الجديده

1- اعمل delete للتليفون من كاسيت العربيه عشان تتمسح بالتبعيه كل الاسماء المحفوظه سابقا.
2-بالنسبه للتليفون وانت فاتح الاسماء اختار اوبشنز ثم خيارات settings وعلم صح علي اول اختيار only display contacts with phones وانزل لتحت هتلاقي حاجه اسمها contact sharing settings وهي دي مربط الفرس


اضغط عليها هيظهرلك كلمه settigs تاني زي الصوره دي



اضغط علي كلمه setting هتلاقي اختيارين اختار منهم share individual name cards وخلي الاختيار ده
هو اللي active زي الصوره دي



3-نروح لكاست العربيه ونعمل اضافه للتليفون من غير مانعمل ابديت للاسماء ولا اي حاجه وهنا دور كاسيت العربيه معانا انتهي

4-نرجع للاسماء تاني ونختار قائمه او options ثم نختار import & export



هتظهر الصوره دي



نختار اخر اوبش share namecard via

ثم نختار تحديد الكل او select all زي الصوره



هتظهر الصوره دي



نختار بلوتوث و just once

ويطلعلك الاجهزه اللي مقترنه مع جهازك قبل كده



تختار كاسيت العربيه بعدها هتلاقي علي طول علي شاشه الكاسيت مكتوب downloading contacts please wait سيبه يعيش هيغيب حوالي 5 او 10 دقايق حسب عدد الاسماء عندك وماتحاولش تستخدم اي حاجه من وظائف الكاسيت لحد مايخلص بتظهر رساله علي كاسيت العربيه تقول download finish وطبعا تقدر تتابع عدد الاسماء اللي بتتبعت و هل اتبعتت كلها ولا لأ من الموبايل نفسه وانسي اي مشكله تانيه مع الاسماء

ممتازة دى برضه يا احمد باشا تشكرعلى مجهودك الرائع