لقد فعلها وحش الرينو...أهم موضوع لإظهار أسم المتصل فى بلوتوث الفلوانس فيس ليفت

**m_marmoush** · 26-02-2014 08:40 AM

المشاركة الأصلية كتبت بواسطة ahmedelfeky

هو فعلا مابينقلش اكتر من 250 اسم بالطريقه دي وانا فعلا اضطريت امسح الاسامي اللي مالهاش لازمه عندي عشان كده

أنا جربت الطريقة دى و لقيت إن ممكن تنقلهم على مرتين، المرة الأولى 250 إسم و لما يخلص تبعتلو الباقى، بس الباقى لازم تعلم علية بنفسك إسم إسم

بس شكرا على مجهودكو

**m_marmoush** · 26-02-2014 08:42 AM

سؤال تانى إية الفرق بين الطريقة دى و إنك تعمل UPDATE للأسامى على تليفون العربية، دة غير إن تليفون العربية بيحمل أوتوماتيك الأسامى كلها Mobile phone book

**Hany Saad** · 26-02-2014 10:23 AM

المشاركة الأصلية كتبت بواسطة m_marmoush

سؤال تانى إية الفرق بين الطريقة دى و إنك تعمل UPDATE للأسامى على تليفون العربية، دة غير إن تليفون العربية بيحمل أوتوماتيك الأسامى كلها Mobile phone book

للأسف حضرتك حصل معانا أنا و كذا عضو أن مش كل الأسماء أتنقلت مع العلم أننا علمنا عليهم...و لو عملت update بيغير فى الأسماء النازلة....كنت لما أطفى الكاسيت و أشغله تانى ممكن ألا قى أسماء أتمسحت....

بالطريقة الجديدة بتاعت برنامج Bluetooth phone book الحمد لله رائع جداً جداً و كل الأسماء موجودة و بتظهر كاملة فى الأتصال أو الأستقبال

تمن البرنامج 20 جنيه مصرى و نصيحة فيه منه نسخة مجانية للإختبار فقط...حضرتك بتزلها علشان تطمن أنها متوافقة مع تليفونك و مع كاسيت العربية و لما تطمن بتنزل النسخة الأصلية اللى بفلوس.....

لو حد عايز أى مساعدة فى الموضوع ده أنا تحت أمره خطوة خطوة لغاية لما يظبطه....

الجميل كمان النهارده أنى جربت أتصل عن طريق Viber و لقيت كاسيت العربية شغال تمام حتى فى مكالمات برامج ال VOIP و لكن طبعاً مظهرش الأسم فى هذه الحالة......

**S O P H O S** · 31-03-2014 02:51 PM

مـــبدع بجد

**osamasindbad1** · 01-04-2014 07:42 AM

والله يا جماعه الواحد مش عارف يشكركم ازاي الموضوع ده كان مضايقني اوي ودايما وحوش الرينو بيسدوا في الشده الله يبارك لكم انا مسافر واول ما انزل ان شاء الله ها اعمل الخطوات دي ولو فيه مشكله ها اتواصل معاكم وانا عارف انكم مش ها تخذلوني شكرا يا وحوش

**m_marmoush** · 01-04-2014 12:01 PM

المشاركة الأصلية كتبت بواسطة khaloud71

أنتظرونى فى موضوع أخر لتفعيل خاصية ال ok من بكرة الدريكسيون بس بعد لما أرجع من السفر أن شاء الله...متنسوش تدعولى....

انا الحمدلله اشتريت فليوانس أعلى فئة من اسبوع العربية جميله جدا ماشاءالله و فيها اوبشنز عمال بكتشف فيها كل يوم ... اكتر حاجة بقى غايظانى موضوع عدم وجود زرار الأوك فى دراع البلوتوث ...
فى الكتالوج فى 3 زراير بيقوموا بالموضوع ده الزرار اللى فى البكرة بتاعه الكاسيت و زرار فى ذراع البلوتوث من تحت و زرار البكرة اللى فى الذراع لما بتضغط عليها .. طبعا كدة لازم الواحد عشان يختار اى حاجة يقلب ببكرة الذراع و بعد كدة يمد ايده يدوس اوك فى الكاسيت حاجة مش عمليه خالص , المهم كلمت التوكيل و حولونى على مهندس الصيانه و وصفتله المشكله طبعا ما عندوش اى فكرة عن الموضوع و قاللى اه زرار الاوك موجود فى الكاسيت بس و لو فى الكتالوج موجود فى الذراع تبقى فئه مختلفه طبعا كلام غير مقنع .. هل فى اى حد اكتشف اى حل للموضوع ده ؟ تانى حاجة انا سألته اذا كانت العربية متلينه و لا لأ و اذا كنت اقدر افتح التكييف عادى قبل ال 500 كيلو و أقصى سرعه و كان رده ان العربية متلينه و انى استخدمها عادى جدا فى كل حاجة هل الكلام ده مظبوط بردو ؟ تالت حاجة معلش تاعبكم معايا لسا مستجد مع العربية بقى هاها انا قريت فى كذا بوست ان تحت فتحه التكييف الشمال مفروض فى بكرة بتعلى و توطى اتجاه الفوانيس و واحده تانيه بتعلى و توطى نور التابلوه انا عندى واحده بس بتاعه نور التابلوه مش لاقى بتاعه اتجاه الفوانيس دى هل كل العربيات الفليوانس 2014 كدة ؟؟[/quote]

بكرة الدركسيون لما بتضغطها لجوة بتعمل ok

**ahmedelfeky** · 14-05-2014 06:03 AM

طبعا لسه كل الناس مضايقه عشان مش كل الاسماء بتتنقل بالطريقه اللي في المشاركه دي

http://www.nilemotors.net/Nile/40449...post3875415981

لأن اقصي عدد مسموح بيه هو 250 اسم فقط واللي مزود الطينه بلله ان لما بنختار Select all زي ماهو مشروح بالتفصيل بنلاقي اسماء ايميلات كل هفوه بعتله ايميل من الجي ميل بتاعك واسماء الفيس بووك واسماء اي اكونت انت ضايفه بالتالي هتنقل 250 اسم ممكن 70 في الميه منهم ايميلات اساسا

طيب والحل هم حلين مالهمش تالت

1-انك تستخدم اكونت جي ميل زيرو مش عليه ايه ايميلات وده حل ممل مش عملي

أو

2-الحل التاني تيجي في ساعه تجلي وفضا منك وبدل ماتختار Select all لا هتختار اسم اسم طبعا الايميلات بتبقي باينه مش هنختارها نختار بس الاسماء اللي متأكدين انها تحتها تليفونات والناس اللي عامله joined contact الطريقه دي مش هتنفعهم

وبعدين نبعت الاسماء الدنيا هتبقي تمام الا اذا كان عندك اكتر من 500 اسم ارقام دلوقتي طبعا مش ايميلات ونبقي عارفين واقفين فين ونبعتهم علي مرتين

الاهم قبل مانعمل اي حاجه نمسح التليفون من الكاسيت عشان الاسماء القديمه تتمسح بالتبعيه ونعمل pairing من اول وجديد ونمشي ع الخطوات

**Hany Saad** · 15-05-2014 05:25 AM

المشاركة الأصلية كتبت بواسطة mohamedekhalil

السﻻم عليكم جميعا يا وحوش الرينو
باركولي جميعا الحمد لله استلمت الجميلة يوم السبت ومستني الترخيص حتى اﻻن
بس في حاجة مجناني جدا وهى بكرة المالتي فانكشن لما باضغط عليها ما بتعملش اوك وﻻزم اعمل اوك من الكاسيت يعنى لما تيجيلي مكالمة وعايز اكنسل مبعرفش وده حاجة خنقاني جدا
يا ترى حد صادف المشكلة ديه وهل ليها حل وﻻ ايه
مع جزيل الشكر

الف الف مبروك استاذ محمد و ربنا يباركلك فيها و يكفيك شرها
موضوع الكنسلة موجود و هو عبارة عن دوسة طويلة على نفس زرار الرد.....الزرار الصغير اللى ما بين التعلية و التوطية....دوسه سريعة هترد و دوسة طويلة لما حد يتصل عليك بتكنسل المكالمة او بتقفل عليه وسط المكالمة

مشكلتك هتكون فى الاتصال برقم.... هنا لازم تدوس اوك من بكرة الكاسيت
و المشكلة التانية الويتينج....يعنى لو جاتلك مكالمة تانية و انت بتتكلم الكاسيت بيكنسل عليه اتوماتيك

تحياتى

الموضوع: لقد فعلها وحش الرينو...أهم موضوع لإظهار أسم المتصل فى بلوتوث الفلوانس فيس ليفت

LinkBack

أدوات الموضوع

عرض

-

-

-

-

-

خلاصه الخلاصه -

-

المواضيع المتشابهه

بلوتوث الرينو الفلوانس

عيوب الفلوانس الفيس ليفت .. ال فئة 188

معلومات تهمك عن كاوتش الفلوانس فيس ليفت 2014

صور لتفاصيل الفلوانس فيس ليفت من الداخل

بوجيهات ١٠٠ ألف كيلو فى موتور الفلوانس الفيس ليفت

الكلمات الدلالية لهذا الموضوع

المفضلات

المفضلات

ضوابط المشاركة