الموضوع: مشكله في الفلوينس فيس ليفت !

المشاركة الأصلية كتبت بواسطة mostafa magdy

و انا ماشي في أمان الله .. لاقيت رساله ظهرت لي top up your oil level !
زود الزيت !!!!!
أنا عربيتي عامله 4300 كيلو .. المفروض الزيت بيتغير علي 10000
أنا أترعبت الحقيقه ..
مكنتش مهتم بقياس الزيت مانيوال .. لأن العربيه زيرو و تمام و الحمد لله مفيش مشاكل
بقيس الزيت إمبارح ألاقيه قليل جدا و مش جاي حتي عند المنطفه المشرشره خالص
كلمت التوكيل و انا مفزوع .. و مخنوق منهم .. العربيه من تحت زي الفل و انا الوحيد اللي بسوقها و لا كلت مطب و لا خبطت في حاجه ..
يعني العربيه غالبا طالعه من عندهم ناقصه زيت !!!!!!!!
كلمتهم واحد مهندس كلمني .. كنت مخنوق و متضايق و قلت له المشكله و أنا مش مطمن حتي أخرج بالعربيه تاني ..
قالي هبعت لك كساحه تاخدها من البيت ..
علي فرع أبو رواش ..
طيب هستلم العربيه أمتي ؟
قالي لما نفحصها و نشوف فيه أيه ...
طيب مين هيتكلف كل التكاليف دي ؟
لو طلع عيب صناعه أكيد مش هتتكلف حاجه ..
يعني لو قدروا يلبسوهالي هيبقي تمام و أدفع تمن كساحه من البحر الأعظم لأبو رواش .. و تمن التصليح ..
الوقتي منتظر الكساحه تيجي تاخدها ..
و أتمني تشاركوني بإقتراحاتكم

مصطفى به....أولا أطمن خالص و مفيش حاجة تقلق ان شاء الله....
أعتقد أن مستوى الزيت كان من الأصل مش عالى يعنى مش بين ال l و ال h و بعدين فى مع شوية أستهلاك أو بخر قل حاجة بسيطة جداً و ظهرت الرسالة التحذيرية....

حضرتك لما قست مستوى الزيت كانت العربية بارده و لا سخنة؟؟؟؟؟
لو كانت سخنة يبقى قياسك مش مظبوط و هو فعليا أعلى من ما قست.....

فيه تحت الحتة المشرشرة حرف l .....هل كان الزيت عند هذا المستوى و لا أقل كمان؟

أعتقد أن المستوى كان قليل من الأصل و مخدوش بالهم فى التحضير و مع شوية أستهلاك ظهرت الرسالة التحذيرية علشان تزود....لا تقلق يا كبير على الفلوانس و أن شاء الله مفيش أى تكلفة....هى بس الخضه

المشاركة الأصلية كتبت بواسطة amirz

مفيش حد عندك فى البحر الاحمر بدل المرمطة دى

ههههههههههههههههه البحر ( الأعظم ) مش البحر الأحمر

المشاركة الأصلية كتبت بواسطة saddam

صديقي المواطن
أنا مش عارف إنت ليه طول عمرك مستعجل وبعد متعمل المصيبة تيجي تسأل
هو مش المفروض أنا صحبك ولا شوال بطاطس مخروم هو إنت عمرك سألتني في حاجة وخدت منك أنا فلوس اﻹستشارة
كان الصح بعد منبص عليها من تحت مفيهاش حاجة نحط لتر زيت مع مانع تسريب مش حنخسر 60 جنيه وبعدين لو نقصت تاني يبقه نكلم توكيل حبنا لكن نكلم التوكيل ونتنرفز ونتدايق ونحرق دمنا ونصرف رصيد مكالمات ونتقمص عالعيانين بتوعنا وصدام المواطن مناخدش رأيه ونروح نوزن بره وندفع فلوس كساحات ونضحك التوكيل علينه من هنا ورايح أي إستشارة ححاسبك عليها بربع جنيه جايز إنت مكسوف أعمل ليك حاجة ببلاش
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

أه فيه ناس هنا في المنتدى بتسيح وبتقول أنك بتاخد منهم فلوس مقابل الاستشارات الفنية اللي بتقولها .. وأنك عامل رقم مختصر الدقيقة فيه بجنية ونص .. ومن ضمنهم مصطفى نفسه .

ماشي نزود زيت ونشوف أيه النظام يوم ولا اتنين أو نزود شوية زيت ونروح بيهم التوكيل مثلاً زيادة في الأمان .. ولكن أيه مانع التسريب ده ؟!!! هل قصدك زيت تقيل مثلاً .. دي عربية زيرو يعني المفروض ميكونش فيها الهوا .