بالصور طريقه ظبط تاكيهات الفليشيا

بسم الله الرحمن الرحيم
بقالى فتره موضوع التاكيهات ده واكل دماغى وبما انى ابتديت اعمل بعض الحاجات بايدى .. فقررت انى اظبط التاكيهات .. وكانت التجربه كالتالى .
اول حاجه نسمى الله ونصلى على سيدنا النبى علشان ربنا يوفقنا ..
تانى حاجه لازم العربيه تكون بارده ويفضل ان تكون بايته من الليل ويتم العمل صباحا (انا عملت الموضوع الساعه سته ونص علشان دوشه الشارع ) .
-يتم رفع السياره من الجانب الامامى وتعشيق الفتيس على الغيار الخامس
-كما بالصوره رقم واحد يتم فك عدد 2 صاموله بتوع غطا وش التاكيهات بمفتاح عشره
http://nileup.com/up/uploads/nilemotors_13919558871.jpg
- بعد كده هانفك وش الاسبراتير علشان مايضايقناش واحنا بنرفع الغطا ..وبعد كده نرفع الغطا بالراحه ونشيك بالمره على الجوان بتاعه ممكن يكون عايز يتغير .
http://nileup.com/up/uploads/nilemotors_13919558883.jpg
وبعد كده نبدأ بقى الشغل اللى بجد.

الصوره دى فيها ترتيب اليساتم من 1الى 4 وههوكالتالى (1342)
كمان موضح مكان البنزين والعادم
كمان مكان الصاموله ال12 اللى فى قلبها المسمار العاده اللى بنربط منه مقاس التاكيه ربط او فك
http://nileup.com/up/uploads/nilemotors_13919558884.jpg
اول حاجه هانحير البستم رقم 4 (العادم طالع والهواء نازل ) عن طريق لف العجله للامام وبعد كده هانظبط تاكيه رقم 1 بنزين 20 وعادم 25 .. وتاكيه 2 بنزين فقط 20 .. وتاكيه 3 عادم فقط 25 .
بعد كده هانحرر البستم بتحريك العجله للامام 360 درجه ونبدأ نحير البستم رقم 1(برضه العادم طالع والهواء نازل ) .
ونظبط التاكيه رقم 4 بنزين 20 وعادم 25 و تاكيه 2 عادم فقط 25 وتاكيه 3 بنزين فقط 20 .
طبعا الكلام ده كله بالفيلر وده موجود فى التوفيقيه من اول 10جنيه لحد 80 على حسب . انا جبت واحد كويس ب20 وظبطت بيه ...
فى النهايه احب اقدم الشكر للاخ منسى لانه كان عامل موضوع زى ده وانا استفدت منه جدا ..
http://www.nilemotors.net/Nile/331345-a.html
انا بعتذر بشده لانه طريقتى فى الشرح مش اد كده .. ولكن بما انى اتعلمت الكتير من المنتدى ده ومن الناس المحترمه اللى فيه ..حابب انى انقل تجربتى المتواضعه فى ظبط التاكيهات واللى كنت فاكر انها صعبه .. وللعلم على قد ماهى صعبه على اد ماهى ممتعه لما تعمل حاجتك بنفسك .. انا جربت اظبط مره والتانيه .. وبعد ماكان صوت التاكيهات بينقر و صوت الموتور عالى ..الحمد لله صوت الموتور هدى كتير وجارى التجربه لبضع ايام وربنا يستر ويسهل.

الله ينور عليك ياشرقاوى انا عملت فعلا كدا وظبط التاكيهات بس الموتور على الارض وانشاء الله لما اسقط الموتور فى العربية حشيك عليهم تانى بالفيلر ****

وهذه مساهمة منى مبسطة للغاية لضبط التاكيهات**

البستم رقم 4 فى النقطة الميتة العليا وذالك بفك البوجيه البستم رقم 4 ووضع مفك رفيع مكانة وتحريك العجلة حتى نشعر بان البستم فى اعلى نقطة له وهى (ن/م/ع) النقطة الميتة العليا وبترتيب الصبابات من ناحية الاسبرتير
الصباب رقم 1عادم (0.25) والصباب رقم 2 بنزين (0.20) والصباب رقم 7بنزين (0.20) والصباب رقم 4 عادم (0.25)**

البستم رقم 1 ادارة عجلة السيارة حتى يصل البستم رقم (1) الى (ن/م/ع) بنفس الطريقة المتبعة مع البستم رقم (4)
صباب 5 عادم (0.25) ** صباب 6 بنزين (00.20)**صباب 8 عادم (0.25) صباب 3 بنزين(0.20)

اسف جد ضبط تاكيهات البنزين بالفيللر على (0.25) وليس (0.20) وبالعكس العادم (0.20) وليس (0.25)

الله ينور عليك

مبدئيا جهد مشكور وتسلم ايدك
بس انا عندى استفسار بسيط

زمان لما كان معايا الفيات 132 2كامة كانت التاكيهات عشان تتظبط كان الميكانيكى بيشيل الاطباق التخينة ويقيس الاطباق التانية من عندة لحد ما يلاقى المناسب ويركبة وياخد القديم ودة كان الطبيعى

يا ترى فى عربيتك نفس الفكرة ولا فية طريقة تانية لانى فعلا معرفش
بس انا حبيت اشارك بالموضوع عشان انا بحترم كل واحد بيجتهد ويعمل حاجتة بايدة

ظبط التاكيهات البنزين علي ٠،٢٠ والعادن علي ٠.٢٥ وممكن تظبط العادم والبنزين علي مقاس واحد ٠.٢٥

انا ظبط التاكيات على 15 والفيلر مزنوق فى العادم والبنزين بعد تجارب كتيرة قوى ودى الظبطه اللى ادتنى اقوى عزم واقل صوت للتكايات واقل حرارة للموتور وخلت العربية بتمشى بالبنزين ال80 من غير ماتسقف ده طبعا لو لاقيته !!

اقتباس:

---

المشاركة الأصلية كتبت بواسطة sakr1964

اسف جد ضبط تاكيهات البنزين بالفيللر على (0.25) وليس (0.20) وبالعكس العادم (0.20) وليس (0.25)

---

انا كنت فاكر كده فى الاول ياعم صبحى ..بس لقيت التاكيهات بترزع جامد عكست الموضوع برضه نفس الترزيع .. سألت اخونا الاستاذ وليد وقال انه بيظبط على 15 بس انا كنت عايز اعرف بنزين وعادم ولا بنزين فقط .. وبصراحه ظبط تاكيهاتى على 0.15 بنزين وعادم .. والنتيجه مذهله ... مش بس مفيش نقر للتاكيه كمان صوت الموتور وطى جدا ..كمان الموتور بارد حتى مع التحريق على الغيارات ..شىء لايصدق .

على العموم انا مازلت فى طور التجربه والايام اللى جايه هاحاول احرق جامد على الغيارات واشوف عزم الموتور ..وربنا يسهل ويستر .

اقتباس:

---

المشاركة الأصلية كتبت بواسطة aw2100

انا ظبط التاكيات على 15 والفيلر مزنوق فى العادم والبنزين بعد تجارب كتيرة قوى ودى الظبطه اللى ادتنى اقوى عزم واقل صوت للتكايات واقل حرارة للموتور وخلت العربية بتمشى بالبنزين ال80 من غير ماتسقف ده طبعا لو لاقيته !!

---

تمام كده .. انا كمان ظبط التاكيات على 15 بنزين وعادم ..ولغايه دلوقتى كله تمام
شكرررررررررررررا جزيلا للاهتمام.

اقتباس:

---

المشاركة الأصلية كتبت بواسطة المنسي

ظبط التاكيهات البنزين علي ٠،٢٠ والعادن علي ٠.٢٥ وممكن تظبط العادم والبنزين علي مقاس واحد ٠.٢٥

---

لو تم الظبط على 0.25 للاتنين ..استهلاك البنزين بيزيد والكلام ده عن تجربه

اقتباس:

---

المشاركة الأصلية كتبت بواسطة zarif

مبدئيا جهد مشكور وتسلم ايدك
بس انا عندى استفسار بسيط

زمان لما كان معايا الفيات 132 2كامة كانت التاكيهات عشان تتظبط كان الميكانيكى بيشيل الاطباق التخينة ويقيس الاطباق التانية من عندة لحد ما يلاقى المناسب ويركبة وياخد القديم ودة كان الطبيعى

يا ترى فى عربيتك نفس الفكرة ولا فية طريقة تانية لانى فعلا معرفش
بس انا حبيت اشارك بالموضوع عشان انا بحترم كل واحد بيجتهد ويعمل حاجتة بايدة

---

اولا اهلا بيك فى قسمنا العزيز
ثانيا تاكيهات الفيات اطباق والمعلومه دى انا عارفها من ايام ال128 الله يرحمها (ورتنى الويل والله) لكن تاكيهات الفليشيا متقدمه شويه فبتبقى راس عصافير بيتم ظبط خلوصها مع المكابس اللى تحتها عن طريق مسمار عاده وصاموله .
والتاكيهات اللى موجوده فى العربيات الاحدث بيتم ظبطها تلقائيا عن طريق الزيت ..حاجه وردنارى خالص .

مره تانيه اهلا بيك ..وشكرا لتقديرك وردك.

اقتباس:

---

المشاركة الأصلية كتبت بواسطة adhmmaamon

لو تم الظبط على 0.25 للاتنين ..استهلاك البنزين بيزيد والكلام ده عن تجربه

---

انا مجربتش بصراحة علي ٠.٢٥ بس انا كنت قريتها المعلومة علي منتدي اجنبي وهتلاقيها في تالت مشاركة ليا في موضوع ظبط التاكيهات بس بصراحة بحييك علي شجاعتك

اقتباس:

---

المشاركة الأصلية كتبت بواسطة adhmmaamon

اولا اهلا بيك فى قسمنا العزيز
ثانيا تاكيهات الفيات اطباق والمعلومه دى انا عارفها من ايام ال128 الله يرحمها (ورتنى الويل والله) لكن تاكيهات الفليشيا متقدمه شويه فبتبقى راس عصافير بيتم ظبط خلوصها مع المكابس اللى تحتها عن طريق مسمار عاده وصاموله .
والتاكيهات اللى موجوده فى العربيات الاحدث بيتم ظبطها تلقائيا عن طريق الزيت ..حاجه وردنارى خالص .

مره تانيه اهلا بيك ..وشكرا لتقديرك وردك.

---

معلومه لحضرتك التاكيات اللى على شواكيش دى قديمه جدا وفى كل المواتير القديمه كل المواتير الأحدث الكامة على اطباق فوق التكايات وده لتقليل صوت الموتور وموجود فى موتور الفليشيا ال1600 الأنجكشن وده بيدى عزم وقوه للموتور !!

يعني ياجماعه نظبط التاكيهات علي 15 كلها ولا هتبقي محمله زياده ؟؟

http://i.imgur.com/8qybq.png
للناس اللى بتسأل على ظبط التاكيهات على فيلر كام الصورة اللى فاتت من manual
workshop

موضوع جميل وشرح هايل تسلم ايدك ياكبير

انا من يوم ماشتريت العربية مظبط تاكيهات مرة واحدة

أنا عاوز اخوض التجربة يمكن تخلي صوت الموتور هادي شوية

أنا هتوكل على الله واتبع الخطوات والشرح واشتري الفيلر

بس اخر كلام اظبط عادم وبنزين الاتنين على 15

اقتباس:

---

المشاركة الأصلية كتبت بواسطة aw2100

انا ظبط التاكيات على 15 والفيلر مزنوق فى العادم والبنزين بعد تجارب كتيرة قوى ودى الظبطه اللى ادتنى اقوى عزم واقل صوت للتكايات واقل حرارة للموتور وخلت العربية بتمشى بالبنزين ال80 من غير ماتسقف ده طبعا لو لاقيته !!

---

الله ينور عليك يا استاذ وليد حضرتك تقصد 15 دي بنزين وعادم

يعني الاتنين على 15 وهل بالفعل دي انسب وضع للتاكيهات لاني عاوز صوت الموتور يبقي هادي شوية ومش عاوز استهلاك بنزين

انا ايام ما كنت بودى العربيه للمكانيكى رحت فى مره وديت العربيه علشان اظبت التكيهات
والميكانيكى الدكتور يعنى ظبتها كلها على 15 بس الصراحه العربيه سعتها بقت تمام والسحب والعزم بتعها
والحمد لله من ساعتها وقولت لو جيت اظبتها بعد كده هعملها انا جبت فيلر من الحرفيين مع العده وربنا يسهل لو جيت اظبتها هبق افكر انا واعملها ان شاء الله
المهم احيك اخى على التجربه والشجاعه
بالتوفيق ان شاء الله

اقتباس:

---

المشاركة الأصلية كتبت بواسطة أحمد جودة

موضوع جميل وشرح هايل تسلم ايدك ياكبير

انا من يوم ماشتريت العربية مظبط تاكيهات مرة واحدة

أنا عاوز اخوض التجربة يمكن تخلي صوت الموتور هادي شوية

أنا هتوكل على الله واتبع الخطوات والشرح واشتري الفيلر

بس اخر كلام اظبط عادم وبنزين الاتنين على 15

---

بص ياعم احمد .
انا جربت ال25 وال20 ..بس بصراحه ال15 كانت احسن حاجه .. صوت الموتور من غير مبالغه مبقتش سامعه لو قافل الكبوت الا لما اوطى ودنى على الكبوت علشان اسمعه ..كمان الموتور قعد وقت اكبر من الاول لحد ماحرارته جابت ال90(انا مركب ترموستات اسبانى 82-92) والمروحه اشتغلت بالظبط 10ثوانى وبعدين بطلت..
جمد قلبك ..انت عارف انا لما دخلت المنتدى مكنتش فاهم اى حاجه فى اى حاجه ..ودلوقتى برضه مازلت بجتهدنسيت اقولك البنزين والعادم الاتنين مظبطهم على 0.15 .. ربنا يوفقك

اقتباس:

---

المشاركة الأصلية كتبت بواسطة adhmmaamon

اولا اهلا بيك فى قسمنا العزيز
ثانيا تاكيهات الفيات اطباق والمعلومه دى انا عارفها من ايام ال128 الله يرحمها (ورتنى الويل والله) لكن تاكيهات الفليشيا متقدمه شويه فبتبقى راس عصافير بيتم ظبط خلوصها مع المكابس اللى تحتها عن طريق مسمار عاده وصاموله .
والتاكيهات اللى موجوده فى العربيات الاحدث بيتم ظبطها تلقائيا عن طريق الزيت ..حاجه وردنارى خالص .

مره تانيه اهلا بيك ..وشكرا لتقديرك وردك.

---

اشكرك على التوضيح لانها كانت ملتبسة معايا وكنت فاكرها زى الفيات

واكرر احترامى لكل شخص بيشتغل بايدة وبيجتهد