الموضوع: منع استيراد أنصاف السيارات المستعملة

كالعادة قرار بدون دراسة...يعنى الواحد مصدق جاب عربية وبيصرف عليها ويظبطلها قطع غيار مستعمل على جديد ده حتى الجديد بيطلع مغشوش....
كدة بقى الى هيعمل حادثة لا قدر الله هيرمى عربيته
فكرتونى بحومة كوبا الى كانت مانعة استيراد العربيات من الخمسينيات ولسة رافعاه السنة الى فاتت

المشاركة الأصلية كتبت بواسطة maghraby1987

مع احترامي الكامل لرأي حضرتك
لازم ننتج الاول و بعدين نمنع مش العكس
و كمان السيارات السابق ذكرها تجميع محلي و ليس صناعه وطنية

التجميع المحلى عندك نسبه فيه عاليه انتاج وطنى من مصانع مغذيه والنسبه مع الوقت سترتفع مع تطوير الصناعه وجلب الخبراء ودة مع الاستقرار انشاء الله والتجميع دة مشغل الالاف العمال والالاف الورش والمصانع المغذيه فلازم صانع القرار يآخذ فى الاعتبار الكلام . وبعدين التجميع عندك تركيا صناعتها قائمه على التجميع وتستفاد فى تشغيل عمالتها وتتربح المليارات من تصديرها واحنا اولى بالكلام دة الايدى العامله لدينا متوفرة ورخيصه وممكن قوى نسحب السجادة من تركيا ونصدر للخليج وافريقيا وشمال افريقيا واحنا مش اقل منهم . وبقولك القرار وان جاء بسبب الارهاب فهو قرار لمنع نزيف الدولارات فى استيراد زباله وفى الاخير ورش تلحمها وسلامه المركبه والطرق غير مضمونه . عقبال قرارات اخرى قادمه تمنع استيراد فانوس رمضان واجبار رجال الاعمال لتصنعيه بالداخل بلا كلام فاضى

عادى يا جماعة قطع الغيار هاتدخل بس متقطعه مفيش نص أمامى كاملى بس متقطع و ده هايأثر بنسبة ما طبعا على سعر قطع الغيار

بس الموضوع ده مالوش أى لازمة هو قرار هوجائى لواحد عايز يظهر لمن حوله إنه شايف شغله لكن ولا ليه أى لازمة كالعادة للحكومة المطرية

يعني ايه نص امامي متقطع يعني سقطع النص ربعين واهو اصلا النص الامامي ملوش تلتين لزمه غير فالكروسليه يعني الهيكل الامامي

بلاش نحكم بتسرع
فالاخر القرار ملوش علاقة بالمواطن قصدي لخدمة المواطن
!!!! ربنا يستر ما الي بيطلع القرارت دي

يا جماعة اجدع حاجة فينا الزيطة و خلاص .سورى فى الكلمة وبوكرا تشوفوا مصر واى تلميح و خلاص.الناس تقرأ القرار كويس و بعدين تبقى تعلق و تكتب. القرار سمح بالأستيراد داخل المنطقة الحرة ببورسعيد عشان العربيات من بورسعيد مبتطلعش بسهولة تمشى فى شوارع مصر بدون مشاكل+ انه ممنعش استيراد العربيات متقطعة هو بس منع استيرادها نصفيين عشان اللعب الوسخ بتاع التجار فى لحام النصين و بيع العربية على انها عربية سليمة و هى ملحومة من النص بالضبط. و البلاوى ال بلهبل ال بنسمع عنها من عربيات حوادث و مطلوب الورق بس طب و النبى ال حياخد الورق ده بيعمل بيه ايه اكيد مابيطلعش علية بطاطس محمرة ولا طعمية.....................ربنا يرحمنا برحمتوا