ان شاء الله هاشتري لادا .... 20 الف ممكن يجيبو اية , محتاج نصايحكم

**moonish_galaxy** · 10-02-2014 01:29 PM

[color="rgb(75, 0, 130)"]السلام عليكم و رحمة الله و بركاتة

ان شا ءالله هشتري اول عربيه ليا و ان شاء الله هاتبقي لادا (2105 او 2107)
و معايا حوالي 20 الف و عاوز اعرف منكم ايه ممكن اشتريه بالسعر ده
و ايه الي اخلي بالي منة و افحصة كويس لما اشتري لادا

و لكم مني جزيل الشكر و الامتنان [/color]

**mirra** · 10-02-2014 02:12 PM

المبلغ ده ممكن يجيبلك لادا 2105 موديل 94 او 95 و ان شا الله تكون بحاله جيده.

**hassanin_lada** · 10-02-2014 04:26 PM

لازم تاخد معاك واحد خبير وامين يعني مايبعكش
لان حالة العربية اهم حتي من مودلها
يعني ممكن عربية موديل1980 انضف من عربية موديل 2008

**محمد ابو المجد** · 10-02-2014 08:01 PM

اهم حاجة يا باشا قوايم العريبه ميكونشي فيها بارومة والشاسيه طبعا مفهوش بارومة او لوحه ثانيا الفرش بتاعها ثالثا الكاوتش والماكنة والبطارية وجرب تسوقها يعني تشوف عفشتها كده

**J A G U A R** · 13-02-2014 10:24 PM

السعر ده يجيب 2105 موديل تسعينات حاله نظيفه

**velkouf** · 23-02-2014 12:08 AM

المبلغ دة يجبلك لادا 2105 موديل 95 وتكون نضيفة كمان

**goldengold4** · 10-03-2014 01:20 PM

على فكرة الناس اللى بتقول انى المبلغ ده يجيب 2105 و تكون نضيفة انا معترض على الكلام دة لانى انا معايا 2105 لسه جايبها و لفيت كتير قبل ما اجيبها و اللى فى الرينج 20 لحد 23 بيكون فيها شغل او محتاجة حاجات تتغير حتوصلك لحد 25 او 26 إلا لو ربنا كرمك بواحد بيتقى الله و ممكن يبيع العربية اللى ب 24 و 25 يبيعهالك ب 22 و 23 أو 21 بالكتير
انا على فكرة بقولك ده عن تجربة شخصية مش زى بعض الناس اللى حيقولك ده بيقول كدة علشان يعلى سعر العربية و الكلام ده و نصيحة بجد خد معاك سمكرى بيفهم بجد و تكون واثق فيه علشان يكشف على العربية و يشوف فيها هاجة متغيرة ولا لاه (يعنى مغيرة ربع ولا نص) و كمان البارومة لانها مشكلة ممكن تخليك تغير انته حجات كتير و تصرف عليها و بعد كدة ودى العربية عند ميكانيكى يرفعها و يشوف الماكينة و الجيربوكس و الفرامل و الخراطيم و المساتر لانى كل دى حاجات صغيرة مبتبنشى إلا من خلال واحد فاهم و علشان انته تغيرها حتجمع معاك فلوس كتير ممكن توصلك لمبلغ اكبر من الى انته كنت عامل حسابك تحطة فى العربية
دى تجربتى و يارب اكون أفدتك