الموضوع: اول موقف ليه مع مرزوقه

احنا لسه بنتعرف علي بعض جداد كده انا بتعلم عليها السواقه هيا 2105 موديل 85 بس حالتها كويسه جداا وانا ماشي بيها علي البحر محدش قدي بقا ومظقتت وقلبي في رجلي علشان دي تاني طالعه ليه بيها هوب لقيت الراجل اللي جانبي بيقولي اقف بسرعه لاقيت مؤشر الحرارة نطت زي ما يكون ركبه عفريت مره واحده علي الاحمر وقفت وفتحت الريداتير واحده واحده الاقي مفهوش نقطت مايه حطت مايه ازازه من اللي هيا 6 لتر بلعهم كلهم وفضي برضو لقيت ان في خرطوم اعد يجيب مايه من الجنب كده كل ما افضي في الريداتير هوا يرمي المايه بره المهم مش هطول كلمت الميكانيكي جاه بص عليها قالي ان الخرطوم كان متطببب والطبه وقعت راح سده بجزء من الفوطة بتاعت العربيه لحد ما روحنا الورشه وطببها كويس السؤال اللي انا مش فاهمه بما اني لسه جديد ايه لزمت الخرطوم ده وايه التعديل اللي معمول علشان يلغي بيه الخرطوم ده ويخلي العربيه متسخنش؟؟؟؟

المشاركة الأصلية كتبت بواسطة new_man2010

اهلا بك اخى

بما انك لسه مبتدأ فى عالم السيارات زى حالاتى خد بالك من الاتى:

1. كل يوم الصبح قبل ماتعمل اى حاجه افتح الكبوت واتاكد من الميه والزيوت (فرامل + دبرياج) والزيت طبعا

2. عينك على لمبة البطارية اتأكد انها منوره اول ماتحط المفناح ف الكونتاكت وبعدين بتطفى بعد العربيه ماتشتغل

3. نفس الشئ على لمبة الزيت

4. عينك كل شوية تخطفها على مؤشر الحراره تشوفه فين , وبقيت اللمبات مع البنزين

5. خد بالك تكون عينك وسط راسك وانت سايق ومتشتتش نفسك بأى حاجه مهما كانت ع الطريق لانه فى لحظه هتلاقى عربيه وقفت فجأة قدامك وساعتها مش هتقدر تلم نفسك بسرعه لانك لسه ف الاول ورد الفعل بطيئ .. اكتر حاجه كنت بلعب فى الراديو اقعد اغير المحطات وانسى الطريق ومرتين ربنا سترها وكنت هلبس فى عربيتين

6. خد بالك من العربيات اللى بتعدى من جنبك احيانا مش هتاخد بالك منها وهتفاجأ انه فيه عربيه معديه جنبك ... قبل ماتغير الحاره لازم تنتبه وتبص كويس فى المرايات

7. التقاطعات لازم تهدى فيها وتكون مركز وانت بتعديها

8. الاشارات لازم تتسخدمها طول الطريق (يمين , شمال , انتظار ... الخ)

9. صديقك الوفى فى هذه المرحله هو الدبرياج يعنى لو اتزنقت فى طريق زحمه او فيه مطب عالى وسرعتك ع الاول او التانى اضغط الدبرياج وبعدين البنزين اضغط عليه لحد ماتسمع صوت العربيه ابتدى يعلى تسيب دبرياج بالراحه لحد العربيه ماتتحرك معاك للامام .. الموضوع ده هتحتاجه لو وقفت على مطلع وسرعتك بطيئه جامد

10. ربنا يباركلك فى عربيتك ويكفيك شرها

ربنا يخليك يا باشا ان شاء الله هاخد بالي من النصايح المهمه دي لاني فعلا في حجات مكنتش باخد بالي منها وحجات كانت بتعدي عليه ربنا يكرمك يا باشا