الموضوع: العربيه بطلت فجاه وانا ماشي

السلام عليكم
انا حصلي مشكله امبارح
وانا ماشي علي كورنيش المعادي فجاه العربيه بطلت وحلفت انها مش هتدور.
المهم كلمت حد وقالي نتاكد من شويه حاجات ( العربيه فيها بنزين – المارش شغال ولا لأ) وكمان قالي ابص العربيه فيها كهرباء ولا لأ ، المهم قالي افك السلك الخابس في الاسبراتير الواصل بين الاسبراتير والموبينه واخلي حد يدور العربيه وانا اللمس السلك بجسم العربيه ، لو السلك شرز يبقي في كهرباء لو مشرزش يبقي مفيش كهرباء في الموبينه وبكدا يكون المشكله في المشط او في الموبينه.
المهم سحبت العربيه علي البيت وكان معايا عربيه حد اعرفه فليشيا برده ففكيت الموبينه من عنده والمشط وجربت كل الاحتمالات بين المشط بتاعي وبتاعي والموبينه بتاعتي وبتاعته.
ولكن بدون اي تغيير.
المهم كلمت الاخ الفاضل محمد المنسي ( ربنا يكرمه ) فضل معايا علي التليفون وجربنا بعض الحاجات :
1- المارش : نخلي حد يدور وابص علي سير الدينمو ونشوف بيلف ولا لأ ، لو بيلف يبقي تمام ، لو مش بيلف يبقي ترس البيندكس فيه مشكله.
2- نجرب تغيير الموبينه والمشط
3- نجرب نغير البطاريه يمكن في مشكله في البطاريه
4- لشوف اذا كان فيه تسريب للبنزين من الكاربراتير.
وكل حاجه كانت ماشيه كويس ماعدا انا كنت شايف انا في بنزين خفيف حول اقاعده الكربراتير.
والنهارده الصبح كنت بحاول اتاكد ليه الموبينه مش بطلع كهرباء ، فقمت موصل سلكين وراكب فيهم لمبه صغيره بالسلكين اللي موصلين كهرباء بالموبينه ودورت العربيه ولكن اللمبه منورتش ، وكده وصلنا ان فيه مشكله في الكهرباء اللي داخله من الضفيره الي الموبينه.
وكمان النهارده كلمت الاستاذ صبحي راجل محترم جدا وحكيت القصه ليه وقالي ان المشكله كده في الكتاوت(الريلي) بتاع الكهربه الرئيسيه او مشكله في الكونتاكت ( الترمله اللي رايحه من الكوناكت للموبينه يكون فيها مشكله او مهزوزه).
وان شاء الله هجرب النهارده بعد الشغل.
معلش اذا كنت طولت بس انا بحب انقل الموضوع مفصل شويه.
وطبعا بشكرا تاني الاستاذ محمد المنسي علشان سهر معايا امبارح وكان عايز يجيلي البيت يشوف العربيه ربنا يجعله في ميزان حسناته.