الموضوع: مشكلة حيرتنى وزهقتنى وفكرت ابيع العربيه بسببها

السلام عليكم ورحمة الله وبركاته

عربيتى هيونداى اكسنت 1500 انجكشن هيدروماتيك موديل 99
اشتريت موتور استيراد وكان محتاج طقم شمبر وكان سحبها تعبان وفى صقفه
بعد فتره عملت الشمبر وبقى الموتور تمام اوى وزى الفل ولما غيرت جوان وش السلندر وانا بعمل الشمبر ركبت العربيه بسم الله ما شاء الله عليها سحبها فظيع جدااااااااا وكنت مبسوط منها اوى
اخدها منى واحد صاحبى وراح مشوار رجع بيها بتسخن وفيها جوان وش سلندر والسبب ان الترموستات اللى فى الكوعه قفش وصاحبنا بطلها وزودها ميه فى الردياتير المهم غيرت جوان ومسحت وش السلندر ف المخرطه مسح بسيط اوى لا يذكر وركبت جوان دبل وظبطت العربيه ومشيها كان محترم جدا بردو بس بعد فتره رجعت ريما لعادتها القديمه والسحب بقى زفت اووووووى ومن غير سبب غيرت طلمبة بنزين وفلتر بنزين وطقم رشاشات وفلتر هوا ومنظف انجكشن وغيرت طقم البوجيهات بالسلوك وشيكت على التقسيمه وزيت الفتيس واتطمنت على الدينامو والبطاريه بالمره وكله تمام الحمد لله ومع ذلك بردو السحب غلس ورخم وغتت اوى ولو قرصت عليها بتسحب بس بسمع صوت صقفه شديده اوى شاكك فى الفتيس نفسه يكون عزمه بقى ضعيف والله اعلم انا زهقت من كتر المصاريف واستغلال الصنايعيه على ما اعتقد انى مقصرتش معاها ف حاجه وغيرت كل الحاجات اللى كان ممكن يكون السبب منها
انا اسف طولت عليكم بس لازم اوضح الصوره كامله عشان اللى يساعدنى يكون فاهم انا عملت ايه منتظر تفاعلكم معايا وعرض الحلول وجزاكم الله كل خير

اولا بالنسبة للفتيس خارج الموضوع نهائيا

الفتيس اما شغال او حتا لو الفتيس مفهوش زيت ملوش علاقة الفتيس بره السحب .

بس التصقيف ده ممكن يكون من الاسطوانه او من ترس الفولان لو مش مستوي .

ثانيا بالنسبة للبنزين 80 ده مشكلة كبري لو هتحطه يبقا خلط 92 .

جرب تحط بنزين 92 و معاه منظف عام لدورة البنزين علي التفويلة لو معملش حاجه روح قيس كبس الموتور و ممكن يكون تجليخ وش السلندر مشكلة لانه كارثة اصلا و الجوان الدبل مش بيركب الا في حاجات معينه و لزم الميكانيكي يقيس ارتفاع وش السلندر مع الجوان الدبل هيكون اد ايه علشان هوا كده بيلعب في نقطة حساسة جداااااااااا لو زودها 1 م او نقصها يبقا خرب الدنيا