الموضوع: مساعده بخصوص السيات ابيزا 1994

بسم الله الرحمن الرحيم
طبعا الف شكر يا باشا علي ردك المتواضع و ذوقك
انا كنت عايز اجيب كاسيت كويس بطقم سماعات و عايز اغير في شكل التابلوه فعلا بس لقيت ان تركيب التابلوهات الاحدث فيه مشاكل كتير
فمش عارف بقي اجيب تابلوه جديد بتاع موديل عربي احدث ولا اجيب التابلوه بتاع موديل العربيه !
كمان العربيه محتاجه طقم فوانيس امامي و خلفي

و مش عارف فرش الابواب لو فكرت اغيره هيكون تكلفته في حدود كام

ولك جزيل الشكر يا باشا

ملازم اول مهندس / محمد سعد

بسم الله الرحمن الرحيم
طبعا الف شكر يا باشا علي ردك المتواضع و ذوقك
انا كنت عايز اجيب كاسيت كويس بطقم سماعات و عايز اغير في شكل التابلوه فعلا بس لقيت ان تركيب التابلوهات الاحدث فيه مشاكل كتير
فمش عارف بقي اجيب تابلوه جديد بتاع موديل عربي احدث ولا اجيب التابلوه بتاع موديل العربيه !
كمان العربيه محتاجه طقم فوانيس امامي و خلفي

و مش عارف فرش الابواب لو فكرت اغيره هيكون تكلفته في حدود كام

ولك جزيل الشكر يا باشا

ملازم اول مهندس / محمد سعد

اهلاً بيك فى المنتدى معانا ،
بالنسبه للكونسوله الى فى النص بتاعة التكييف هى مشكله شائعه فى عربيات كتيره ، مش عارف ليه ؟؟ مع ان العربيه معايا من ساعه ماجبتها والحمدلله الجزء ده سليم زى الفل ، بس لو الموضوع مضايقك كده ممكن تشتريه لوحده عامل 350 جنيه عند السراج فى الحرفيين ، لسه كنت سائل عليه قريب ، وهو بتاع الـ 98 مش ال 94 ، هو تقريباً نفس الشكل بس الفرق فى باب الطفايه والولاعه ، يا اما تشترى بقى تابلوه كامل ، بس انا مش مأيد الرأى لو التابلوه الى عندك اصلاً كويس

بالنسبه للفوانيس الفوانيس الخلفيه الاتنين عند السراج عاملين 200 لـ 250 جنيه ، انت وشطارتك معاهم فى الفصال
الفوانيس الاماميه مش عارف بصراحه ، بس الاشارات عامله 35 جنيه ديبو ، كويسين مركبهم عندى قريب

فرش الباب مش هتلاقى بتاع ال 94 كتير ، هتلاقى ال 98 اكتر ، وهو اشيك بصراحه
هتلاقيه بـ 450 جنيه لو فاضى ، لو هتجيبه كله بأكر الباب والازاز هيعمل تقريباً 550 جنيه ، بس خلى بالك ، لو الفرش بتاعك 94 يبقى لازم تجيب الفرش الجديد كامل علشان الاكر مختلفه ومش بيركبوا على بعض
وحاول كمان تخليه يفكهم من على باب علشان تاخد الكلبسات الى بتثبتهم فى الباب معاه ، لانى سمعت فيهم ارقام غريبه 10 جنيه الكلبس وحاجات كده

بالنسبه للسماعات والكاسيت فدى بقى على حسب الشخص ، ممكن واحد يجيب سماعات سيمفونى بـ 150 جنيه جنيه
وكاسيت يواس بى زيه بـ 200 جنيه ويبقى مبسوط جداً بيهم ، فيه ناس تانيه بتركب عده صوت بتمن العربيه ، فدى بقى عايزه من حضرتك تحدد امكانياتك والى انت محتاجه بالضبط من ناحيه الصوت وجودته

على العموم لابيزا ممتعه جداً وحاجتها متوفره فوق ما تتخيل لدرجه انك ممكن ترجعها فابريقه بكل حاجتها الاصليه وكل الكماليات كمان بس انت تحدد ايه الى ناقصك او تاعبك فى العربيه فى ليسته وتضبط فيها واحده واحده كل لما وقتك وامكانياتك تسمح ، ومع الوقت هتعرف خباياها واحده واحده

واهم حاجه متهملش فى الصيانات الدوريه وانشاء الله تتمتع بيها

ربنا يخليك و تسلم علي ردودك اللي بجد تفيد

بس انا اقصد فرش الباب اللي هو الجزء اللي بيبقي جوه العربيه البلاستيك المكسي المشمع ده كنت عايز اعرف تمنه كام كله يعني للاربع ابواب من غير اي حاجه تانيه لان الاكر الحمد لله سليمه هيا و الزجاج و ينفع اجيب واحد فيه زراير الزجاج الكهربا جاهز ؟!
و لو جبت تابلوه جديد مثلا هل ممكن ادخل التابلوه القديم في البيعه !

الحتت البلاستيك اللي بتبقي في اخر عتبه الباب من جوه العربيه يا تري دي كمان بتتغير ؟

انا اسف تحس ان الاسئله كتير لاني جديد و مش بفهم في العربيات اووي

تقبل شكري و ممنون جدا بحضرتك علي مساعدتك

انا عايز اجيب تابلوه من غير عدادات اجيب اني تابلوه احسن ؟
و هل فيه فوانيستركب للابيزا زي الجولف مثلا

مين بيبيع تابلوهات و بكام
لاني سمعت 2000جنيه و كلام غريب