بسم الله ماشاء الله عليك
بأهنيك علي موضوعك الرائع و مجهودك و اصرارك علي المواصلة بالرغم من ثقتك بأن مافيش حد هايعبرك
لكن أطمئن , لأن الله لايضيع اجر من أحسن عملا
رقم العضوية : 13332
تاريخ التسجيل : 21Jun2008
المشاركات : 3,084
النوع : ذكر
الاقامة : Giza
السيارة: Lanos I -2000
السيارة[2]: Elentra HD 2010
دراجة بخارية: Soon ISA
الحالة :
بسم الله الرحمن الرحيم
كالمعتاد عارف انى هابقى بكلم نفسى
وكالمعتاد عارف ان القسم بتاعنا ما شاء الله التفاعل بتاعه رائع ومفيش حد هايعبرنى
لكن ما علينا
زى الموضوع اللى فات – اللى محدش اخد باله منه
اى شغل حضرتك هاتعمله – هاتعمله على مسئوليتك الشخصيه – انا غير مسئول نهائيا فى حالة وجود اى معلومه خاطئه فى الموضوع بتاعى
نبدء على بركة الله
شغل النهارده اننا هانركب فانوس الاستوب اللى بيبقى موجود فى منتصف الزجاج – وهانركب الفانوس الفابريكه زى الهاى لاين --- high mount stop light ----- طيب ايه لازمته – شكله شيك – يقال انه بيقلل نسبة حدوث الحوادث – كل العربيات اللى امتلكتها فى حياتى لازم يكون فيها لمبة الاستوب ديه – بالاضافه انى فاضى
اى تريقه تحت بند كل ده شغل علشان تنور لمبه – ايه الفضى اللى انت فيه - ............. الخ – احب اقولكم انى ابويا ميت ومينفعش حد يتريق عليه
اللى صنع عربيتك زيه زيك – بلاش تشتغل زى الصنايعيه المصريين المحترمين – اشتغل بنضافه وبهدوووووووووووووووء جدا – ودايما فكر قبل ما تشتغل – لو فيه حاجه مش فاهمنى أسألنى وانا مش هارد عليك – بس يكفيك شرف المحاوله
بجد لو مش فاهم حاجه ادخل دور على النت – وربنا يكرمنا ان شاء الله
المطلوب لتركيب الفانوس
فانوس استيراد (اتنصب عليه وجبته ب 150 جنيه)
4 متر سلك (يفضل ان كل 2 متر يبقوا لون – ويا سلام لو كان لونهم ابيض واسود – 0.5 مللى شعر)
شريط شيكرتون (لو عايز زى الفابريكه يبقى اسود – لو عايز تفرق اختار اى لون – انا عن نفسى بشتغل بالازرق علشان اقدر اعرف شغلى بعد كده)
عده وديه هاتعرفها واحنا شغالين
ونبدأ على بركة الله
أول حاجه هاتفك الكنبه الخلفيه بأنك هاتشيل المقعد الاول بأنك تزق البنز الاسود الصغير اللى باين تحت الكنبه وترفع لفوق – لو لاقيت الكنبه ثابته يبقى فيه مسمارين من ناحية الظهر لازم تفكهم
ثانيا تفك مسند الظهر هتلاقى 4 مسامير تفكهم وترفع الظهر لأعلى وتبعد أحزمة الامان بعيد عن الظهر
ثالثا ومن أول هنا يبدأ الشغل المهم
هاتفك المسمار بتاع حزام الامان وخلى بالك هايكون تحته ورده بلاستك صغيره أوعى تضيع منك
center (1)
بعد كده هاتلاقى 3 كلبسات بلاستيك فكهم بالراحه وبنسبة 90% هايتكسروا معاك ( الحمد لله متكسرش ولا واحد معايا)
اليمين
center (5)
اللى فى النص
center (7)
الشمال (ولا مؤاخذه)
center (8)
يبدأ الشغل الرخم شويه بأنك تفك الهويات اليمين والشمال – هاتفكهم بأنك تفك الكاوتش بتاع الباب وبعدها تبدأ تفك الهوايه - بس بجد خلى بالك جدا وانت شغال – ارخم جزء وانت بتفكه من ناحية الزجاج – رخم بجد
center (9)
بكده انت البورده بتاعتك أو الجزء اللى عند الزجاج بقى حر – فاضل له 3 كلبسات علشان يخرج – المفروض انك ترفعه يطلع معاك - لكن بصراحه انا خفت - فتحت الشنطه وزقيت الكلبسات من جوه الشنطه علشان يفضلوا سلام – مكنش معايا ولا كليبس – فيه خطوه انا عملتها مكنش ليها لازمه – انى فتحت الشنطه وبقلم فيلومستر علمت على مكان الفتحه اللى المفروض انها تبقى تحت اللمبه - بس الخطوه ديه طلع ملهاش لازمه وهاقولكم بعدين ليه
ده شكل الكليبس اللى المفروض حضرتكم تزقوه من الشنطه من جوه
center (10)
اول لما خرجت البورده ومعايا البوكليس والمسطره وبلاوى لاقيت مفاجأه – البورده من تحت متحدد اقطع فيها فين بالظبط
center (11)
بعد كده انت والكتر بتاعك وعييييييييييييييييييييييي ييييييييش – انا قطعتها فى ساعه ونص
center (15)
center (16)
بعد كده فيه مكان المسمارين بتوع الفانوس وهاتلاقى علامه ليهم – لو عندك شنيور يبقى بأصغر بنطه عندك واعمل الخرمين - معندكش بأى مسماره بورمه سنه رفيع وافتح الخرمين
center (17)
center (18)
center (19)
نركب المسمارين علشان نشوف النتيجه بالاضافه علشان فيه 3 اخلااع (3 مربعات لازم تتفرغ) نحدد مكانهم – مع العلم انهم متعلمين برضو فى البورده من تحت
center (20)
center (22)
center (23)
زى الشاطار ابدء فرغ الاجزاء ديه ونصيحه بلاش تعملها بالكامل - يعنى صغرها شويه – بالاضافه متقطعش الموكيت (ما انا لازم احط التاتش بتاعى)
center (24)
تركب الفانوس وتلف قطع الموكيت علشان يبقى متثبت جدا زى الصوره كده
center (25)
وده الشكل النهائى بعد التركيب
center (26)
وبكده ينتهى الجزء الاول – وندخل على الجزء التانى (الكهربا يا ردااااااااااااااااااااله)
ركبنا الفانوس – مش هانوصله الكهرباء – ده حتى تبقى عيبه فى حقنا
الدنيا كلها لسه فاضيه فى العربيه
افتح الشنطه – افتح عند الفانوس – شوف الفيشه اللى راكبه على الفانوس هاتلاقى 4 فرد – اقعد جرب وقيس لغاية لما توصل لأن الفردتين اللى هاتشتغل عليهم هما الابيض والاسود (طبعا انا كنت بقيس بالافوميتر) المفروض القراءه تديك 0.3 – 0.8 فولت لو مشغل نور التابلوه ---- وتديك 12.0 فولت لما تدوس فرامل ---- تروح زى الشاطر من جوه العربيه وتاخد من الضفيره على طول (أوعى تقطع السلك – قشره ولف السلك بتاعك حواليه بإحكام ومتتنيش السلك بتاع الضفيره) – وده المكان اللى هاتاخد منه الوصله الجديده
center (29)
اعزل الشغل بتاعك زى الفابريكه بالظبط
center (30)
مشى السلك بتاعك مع سلك النور بتاع الشنطه الداخلى ويفضل تربطه معاه زى كده
center (31)
ركب بوردتك واستمتع بالشكل بس حطها بس متضغطش عليها
center (34)
دخل احزمة الامان من جوه البورده – واتأكد انها حرة الحركه – بعد كده اضغط على البورده لتحت علشان الكلبسات تركب مكانها تانى
center (35)
ركب الهوايات
center (36)
ثبت احزمة الامان تانى ومتنساش الورده البلاستيك – ركب الظهر – ركب الكنبه
مبروووووووووووووووووووووو وووووووووك
الدروس المستفاده
ولا اى حاجه على الاطلاق – ضيعت 3 ساعات على الفاضى وكل اللى استفادته انى ركبت الفانوس اللى كان نفسى فيه – الزجاج الخلفى كان اتغير قبل كده فى التوكيل وولاد التييييييييييييييت مكنوش مركبين جاكات السخانات فركبتها – كاوتشة الضفدعه كانت مخلوعه من مكانها فركبتها بحتة سيليكون زى ما انتوا شايفين
center (37)
وبكده ابقى خلصت تانى موضوع
فاضل لكم فى ذمتى تركيب الفوج لايت – وتركيب الزينون عليها – وتركيب الطاره المالتى – وممكن تركيب المريات الضم وفعلا نقطع علاقات بعد كده
وطبعا انتوا عارفين ان مفيش حاجه ببلاش فى الدنيا ديه
اذا كنت استفدت بأى حاجه من العك اللى انا عملته ده – أسألك الدعاء لوالدى بالرحمه ولوالدتى بالشفاء ---- طبعا عايز تفتكرنى انا وعيالى بأى حاجه اهو كله فى ميزان حساناتك
أبو مروان -------- أسألكم الدعاء لوالدتى بالشفاء ..... يا رب
رقم العضوية : 20472
تاريخ التسجيل : 28Sep2008
المشاركات : 7,471
النوع : ذكر
الاقامة : Cairo - Alrehab
السيارة: Hyundai - Getz 2007
السيارة[2]: Elantra AD - 2017
دراجة بخارية: -----
الحالة :
بسم الله ماشاء الله عليك
بأهنيك علي موضوعك الرائع و مجهودك و اصرارك علي المواصلة بالرغم من ثقتك بأن مافيش حد هايعبرك
لكن أطمئن , لأن الله لايضيع اجر من أحسن عملا
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
موضوع جميل ومجهود كبير ..
تسلم ايدك ..
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
الله ينور
بس الاستوب شغال ولا مش شغال
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 13332
تاريخ التسجيل : 21Jun2008
المشاركات : 3,084
النوع : ذكر
الاقامة : Giza
السيارة: Lanos I -2000
السيارة[2]: Elentra HD 2010
دراجة بخارية: Soon ISA
الحالة :
شغال طبعا يا باشا حاولت اصوره بس معرفتش
كل مره ادوس فرامل الاقيه منور ..... اخرج من العربيه جرى واحاول اصوره الاقيه مطفى .......
ارجع ادوس فرامل الاقيه منور .... اجرى علشان اصوره الاقيه مطفى
المهم بعد ما ركزت شويه اكتشفت ان الموبيل فاصل شحن علشان كده مش عارف اصوره :)
أبو مروان -------- أسألكم الدعاء لوالدتى بالشفاء ..... يا رب
رقم العضوية : 105851
تاريخ التسجيل : 30Jun2011
المشاركات : 230
النوع : ذكر
الاقامة : Zagazig
السيارة: Sportage 2016
السيارة[2]: 504- - Elantra 2008 -EXCEL 97 FO
دراجة بخارية: Not Yet
الحالة :
شغل زي الفل و 100%
منتظرين باقي الموضوعات الأحترافيه
اشكرك وبالتوفيق
رقم العضوية : 10432
تاريخ التسجيل : 10May2008
المشاركات : 311
النوع : ذكر
الاقامة : CAIRO
السيارة: HYUNDAI new accent 2010 A/T
السيارة[2]: HYUNDAI new accent 2007 M/T
دراجة بخارية: لا يوجد
الحالة :
الله ينور عليك شغل 100 100 ولو عايز اى مساعده انا موجود بشتغل بايدى زيك تمام
MY NAME IS AYMAN
رقم العضوية : 28151
تاريخ التسجيل : 21Dec2008
المشاركات : 5,098
النوع : ذكر
الاقامة : Cairo, 5th Settlement
السيارة: N/A
السيارة[2]: Hyundai Elantra HD
دراجة بخارية: N/A
الحالة :
تقرير هايل وكان نفسي اعمل الستوب من زمااااان.
تسلم الايادي يا باشا
رقم العضوية : 32340
تاريخ التسجيل : 07Feb2009
المشاركات : 625
النوع : ذكر
الاقامة : الأسماعيلية
السيارة: النترا 2008
السيارة[2]: سوزوكى ألتو --تويوتا كرولا
دراجة بخارية: لا
الحالة :
الله ينور عليك
ياريت تقللنا اشتريت الفانوس من فيييين
رقم العضوية : 51283
تاريخ التسجيل : 27Oct2009
المشاركات : 1,515
النوع : ذكر
الاقامة : helwan
السيارة: elantra 2009 auto
السيارة[2]: Sephia
دراجة بخارية: no
الحالة :
الف مبروك وعقبال باقي الشغل وقولي انت جنوطك حديد ولا سبورت؟
المفضلات