الموضوع: بخصوص سعة البطارية وعلاقتها بالدينامو أتساءل ؟

المشاركة الأصلية كتبت بواسطة ayam7

سيدى الفاضل /
لازم نعرف فى الاول ان الموضوع ينقسم الى جهد وتيار ومقاومة ،
الجهد وهو فرق الفولت مابين طرفي الدينمو والتيار وهو كمية الكهرباء المستهلكة
حسب قدرة المقاومة والمقاومة هى مدى ممانعة الحمل للتيار الكهربى
طيب نرجع لسؤالك لما تركب بطارية أصغر من الموصى بها طالما دائرة rectifier تمام
وفولت الخرج مظبوط هتشحن البطارية ولما يوصل الفولت على طرفى البطارية
لنفس قيمة فولت خرج الدينمو سيتوقف الشحن للتعادل وكلما
إستهلكت تيار من البطارية سيعاود الدينمو الشحن لكن كم الاحمال على البطارية
سيكون أكبر وهتلاحظ الكلام دة فى تشغيل احمال متعددة فى نفس الوقت
طيب لو ركبت بطارية أكبر من الموصى بها سيتم ايضا ً عملية الشحن عندما يتساوى الجهد على طرفى الدينمو
والجهد على طرفى البطارية لكن سيلاحظ ان الاحمال المتعددة تعمل بكفاءة
اذا البطارية تعتبر حمل على الدينمو يستهلك تيار الدينمو حتى يتساوى فروق الجهد على اطرافهم
وتقوم دائرة الكترونية بتنظيم الجهد وتوحيد التيار المتغير المتجه للبطارية
وكذلك ممانعة رجوع التيار من البطارية الى الدينمو فى حالة إنخفاض جهد الدينمو عن البطارية
وتقوم البطارية بتشغيل كافة الاحمال فى السيارة بالجهد المستمر

نفس اللى انا قولته ببساطه التعبير عن الفرق حيكون فى زمن الشحن

المشاركة الأصلية كتبت بواسطة rotanamasoud

نفس اللى انا قولته ببساطه التعبير عن الفرق حيكون فى زمن الشحن

أنا لم أسأل وأقول هل هناك فرق فى زمن الشحن للبطارية الصغيرة والكبيرة مع نفس الدينامو بديهى جدا ان البطارية الأكبر تستغرق وقت أطول لكى تشحن

ولكن سؤالى كان واضح أيضا هل معنى أن البطارية صغيرة عن البطارية الموصى بها للسيارة أن الدينامو سيشحنها زيادة ... وقام العضو الفاضل بالتفسير أن المسألة متعلقة بجهد الشحن وهو أن الدينامو يظل يشحن حتى يصل إلى فرق الجهد المعروف وهو 12.4 تقريبا ثم يمنع عنها الشحن وأنه غير مرتبط بسعة البطارية

وأشكرك أيضا لتوضيحك السابق

MohammedAladel
حضرتك عارف ان الغرض الافاده يمكن انا مركزتش تماما فى السؤال وببدء ديما بالمعلومه مبسطه لان فى ناس فى المنتدى ابيض فى الكهرباء

شوف يا اخي اكيد طالما البطارقية اقل من الموصي بها هيكون التأثير كالتالي
1.شحنها هيكون اسرع من ناحية الزمن ( ميزة ) والتالي عيوب
2.درجة حرارتها هتكون اعلي اثناء الشحن ﻻن امبير ( مش فولت ) شحن الدينامو اعلي قليﻻ من المفترض
3.قدرتها علي تحمل احمال السيارة اقل .مثﻻ اضواء السيارة اقل بريق ..صوت الكاست و خاصة لو عندك سستم صوتي
4.زيادة درجة حرارتها اثناء الحمل اي التحميل عليها
5.اسرع في التفريغ يععني تفضي بسرعة
6.عمرها الافتراضي هيكون اقل
7.قلة امبير البطارية يقلل حرارة الدينامو ميزة لصالح الدينمو
8.قلة امبير البطارية يجعل المحركات الكهربية ابطئ في السرعة المفترضة زي زجاج الكهربة .المساحات. ...الخ
9.الشعور بانك تقود سيارة مرهقة بطيئة الاستجابة واداء السيارة مش بالمستوي اللي متعود عليه
النصحية عند شراء بطارية انك تشتري بطارية نفس الحجم باعلي امبير ممكن و تاخد بالك من الشئ دة
1. الامبير ah يكون اعلي حتي الموصي به مثﻻ عندك الموصي به 62 ah اشتري 72ah
2. A (en ) مثﻻ عندك الموصي به مثﻻ 610 en. اشتري اعلي مثﻻ 710 en
طبعا ﻻزم تكون لها ضمان و نوعية جيدة...ده عن تجارب شخصية ...هترجع وتقولي ان علو اﻻمبير ممكن يأثر علي السيارة هرد عليك اقولك العيب الوحيد في علوي اﻻمبير فقط مدة شحنها و دة فارق زمني بسيط جدا حضرتك مش هتشعر بيه وﻻ هىعرفة و مميزاتها عكس عيوب البطارية ذات الامبير اﻻقل
الشئ اﻻخير ﻻزم تعرف مها كانت جودة الماركات فان لكل شئ عمر افتراضي
بالتوفيق

شئ كمان اخدت بالي منه في سؤالك ان البطارية اﻻقل امبير من الموصي بها الدينامو هيشحنها اكتر ؟
الاجابة اكيد ﻻ ....ليه ﻻ
1.نظريات شحن البطاريات عامة سواءً نظريات قديمة او حديثة مبنية علي نظرية التشبع بمعني عندما تصل البطارية الي فولت و امبير معين يتم فصل دائرة الشحن عن البطاريه مثلها مثل اللاب توب او الموبيل ......الخ و قديما كانت النظرية مبنية علي راليهات اي كتاوت .لما يصل حمل البطارية للحمل المقنن من الشركة المصنعة للسيارت يحدث ان تسطيع تشغيل راليه معين فيقوم بفصل الشحن عن البطارية والنظريات الحديثة اصبحت الكترونيا بالاضافة الي راليهات
2.نظريات دايما تراعي ان درجة التشبع ﻻ تصل للحد اﻻقصي لامبير البطارية....بمعني ان هناك نسبة تفاوت ..بمعني اوضح نسبة امبير فصل الشحن عن البطارية يساوي او اعلي قليلاً عن نسبة امبير المارش مع المبينة لضمان دوران المحرك بعد ذلك احمال السيارة الاخري تعمل علي الدينامو معني كدة ايه الباشمهندس ؟ ان اذا افترضنا جدﻻ ان المارش يعمل ب12 فولت بقدرة 40 امبير و بوبينة البوجهات 3 امبير و كمبيوتر السيارة 2 امبير . ...إذا المجموع 45 امبير لادارة المحرك في الثواني اﻻولي..بذلك نقدر نفهم و نحدد مبدئيا نسبة اﻻمبيرات التي عندها يتم فصل شحن الدينامو عن البطارية و هي من 45 امبير مبدئيا لكن ﻻ but no ﻻزم نحسب كمان احمال السيارة بشكل اجمالي من اضاءة و مساحات و ابواب ....الخ مثﻻ اجمالي جميع الاجهزة دي 12 فولت 10 امبير/ساعة .بذلك اجمالي احمال السيارة جدﻻ 45+ 10 = 55 هنا نقدر نحدد بشكل عام ان الدينامو يفصل شحن عن البطارية عندما تصل قدرة البطارية الي 55 امبير/ساعة
كدا احنا فهمنا نظرية فصل الشحن بشكل عام ...لكن السيارات حسب تيكنولوجيا الموجودة فيها و الامكانيات كل الاحمال بتحسب بدقة لكن مش 100% لكن دايما عند اختيارهم لامبيرات البطارية بيراعو نسبة تفاوت و غالبا بتكون اكثر من المطلوب بنسبة حوالي من 15 :20 %
سيارتك موصي بها 72 امبير وانت اشتريت 62 كدا نسبة التفاوت المفروض تكون موجودة ....اترفعت عنك او انت تنازلت عنها فاصبح عندك يادوب نسبة الشحن اعلي قليﻻ عن نسبة التفريغ مما يؤدي الي ارحة الدينامو فقط وارهاق البطارية بالتحديد و ضعف عام لاداء السيارة....ارجو من الله ان قدرت اوصلك اما احببت ان اوصلهولك

في شئ تاني احب ان اضيفة لو تكرمت و هو كيف نحافظ علي البطارية قدر الامكان و الكلام دة بناءً عن خبرة ﻻني اقيم في دولة شديدة البرودة و الموضوع البطاريات دة مش جديد ..... اوﻻ سيارتي ديزل مش بنزين عشان احافظ علي البطارية اعمل ايه وخصوصا انا غاوي كهربة و الكترونيات..اول شئ نسئل اهل البلد و بعدين نشغل دماغنا
اول شئ نصحوا بشراء بطاريات الماني الصنع نفس الحجم باعلي امبير ممكن ah و en ..ان كانت البطارية ملهاش صندوق من المصنع نعملها زي الجاكت من فل حراري عشان نعزلها من البرودة ...الخ
المهم فكرت بردو من ناحيتي ليه ما اخففش بعض اﻻحمال الثانوية من السيارة ...المهم غيرت جميع لمبات الصالون و الابواب و الشنطة و اللي فوق النمر بلمبات ليد led بكدة لغيت كتير من اﻻحمال و اصبح حمل البطارية علي اﻻشياء الضرورية فقط ...و ما شاء الله من ساعتها ابدا ما عنيت وادور العربية عادي في درجة برودة 20 تحت الصفر.
بقيت انفذ اﻻفكار دي للاصدقاء و كدا.. فحبيت اشارك بالمعلومة دي يمكن حد يستفاد منها
لو اي استفسار ....ان شاء الله نشارك بكل سرور
بالتوفيق ان شاء الله