الموضوع: الاضواء النهارية Daytime Running Light والفوج الخلفي Rear Fog

المشاركة الأصلية كتبت بواسطة Abu_Hamza

طب ياريييييييييييييييت نفسي أفكفك موتور حته حتهD:

تقرير ممتاز ما شاء الله
المشكله بقى في الناس اللي طول ما انت ماشي عماله تشاورلك وتقولك اطفي النووووور

عنك حق فعلا، كل ممشي الصبح الناس بتشاورلي، بس مع الوقت العربيات بال drl هتزيد و هتبقي طبيعية للناس.

المشاركة الأصلية كتبت بواسطة MOTOR HEAD

مشكور

بس حضرتك بتقول انها بتحد من الحوادث اثناء الشبورة ,الامطار ,الثلوج و الرؤية المتعثرةو ده نادرا اما بيحصل فى مصر فمش مفيده اوى

ثانيا كونها اجباريه فدى حاجه خنيقه الصراحه :(

ليه بس خنيقة، دي بتدي منظر جميل و شياكة، بس انا مش متفق معاك في موضوع الاستخدام بصراحة، احنا عندنا شبورة جامدة جدا خصوصافي اكتوبر و التجمع و طبعا كل الطرق الزراعية، غير طبعا موجات الامطار اللي بتهف علينا فجاءة .

المشاركة الأصلية كتبت بواسطة bassem.naguib

تقرير جميل تسلم أيدك يا باشا .. وأنا عن نفسي أفضل السيارة اللي فيها اتنين فوج لايت خلفي مش واحد بس


مش حنبطل نكش بقى!!! هههههههههههههههه

والاتنين حلوين والله .. والعبره في النهاية من وجهة نظري للارتياح النفسي

2 فوج في مصر افضل

المشاركة الأصلية كتبت بواسطة saddam

صديقي المواطن
شكرا لجهودك اﻹستثنائية في خدمة أعضاء المنتدى الكرام ولا تحرمهم من كل جديد لك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اشكرك صدام باشا ، مداخلاتك دايما متميزة

المشاركة الأصلية كتبت بواسطة Meggieboy

باشمهندس محمد هانى، اسمحلى يا كبير اضيف بعض النقاط لاكتمال الموضوع و هى سلبيات الأضواء النهارية ، طبعاً شويه استهلاك بنزين خفيف علشان هى شغاله طول ما العربية ماشية لكن مش هنا المشكلة، فكرة ال DRL متناسبش اى بلد لأن لو عايزين نبين العربية الصبح او فى الاضاءة الضعيفة طيب ما نشغل احنا الضوء الواطى بمزاجنا لو احتجنا، المشكلة بقى فى النقط اللى جاية:
١- زيادة الابهار فى العين
نتيجة شدة إضاءة ال Led بيعمل ابهار فى العين سواء للقادم فى وشك او اللى انت ماشى خلفه و اضوائك فى مرايته
٢-تقليل وضوح رؤية اشارات الانعطاف نتيجة شده ابهارهم
٣-بدلاً من دورهم فى زيادة وضوح السيارة فى حالات الاضاءة المنخفضة تؤدى اضواء ال drl الى نوع من التشتيت بالنسبة لباقى السائقين او للمرور العادى
٤-تؤدى الى تغيير المنظور للمسافة
جاءت شكاوى من سائقين انهم يرو السيارات المزودة ب DRL سواء القادمة امامهم او عند النظر اليها فى المراة على مسافة غير ما هى عليه..بعضهم اشتكى انها تظهر اقرب و بعضهم اشتكى انها تظهر ابعد و لكنهم كلهم اكدوا انها تظهر المسافة على غير الحقيقة
٥-لا تشجع السائقين على اضاءة الانوار الامامية العالية عند خفوت ضوء النهار او بالليل و ده اخطر و اهم عيب فى رأى
نظراً لما تقدمه من توضيح للرؤية الامامية مما يترتب عليه عدم تشغيل الاضواء الخلفية للسيارة فى حالة الضوء الخافت او بالليل و بالتالى زيادة نسبة الحوادث من الخلف نتيجة عدم رؤية السيارات القادمة خلفك لأضواء سيارتك الخلفية
٦- ال DRL بتبقى واضحة جداً فى مراة السيارة التى امامك و لكنه عاجز عن رؤية ابعاد عربيتك بوضوح نتيجة ابهارهم

علشان كده نصيحة لاى حد عنده DRL من فضلك ما تعتمدش على إضائتهم بالليل او العصر و من فضلك شغل الضوء العالى حتى لو اللى قدامك اتضايق و ذلك لتقليل الحوادث من الخلف...و ربنا يكفينا جميعاً شر الطريق
حبيت انقل البعد الاخر للموضوع علشان يبقى شرحنا مزاياها و عيوبها
تقبل تحياتى.....

كلام جميل جدا اشكرك لاضافته للموضوع، دايما سباق بالمعلومات التقنية المميزة

المشاركة الأصلية كتبت بواسطة M.atef82

ايه الحلاوة دى يابو هانى , شغل عالى مشاء الله ;)

اشكرك يابوحميد

المشاركة الأصلية كتبت بواسطة Karim_Monir

موضوع ومجهود ممتاز يا محمد تسلم ايدك

اشكرك يا استاذ كريم.