تنظيف دورة التبريد لاوكتافيا a4

**omaranes77** · 16-02-2014 11:40 PM

المشاركة الأصلية كتبت بواسطة mo3tazanas

هتغير ماتور قريبا

اية يا باشا التفاؤل دة احنا فيهها يروح بنزينة يكون فيها تنظيف لدورة التبريد ويغير المياة لمياة حمراء

**midoabokhadra** · 17-02-2014 12:23 AM

استاذ معتز انت بتهوول المواضيع وبتكبرها اوي
مواتير اية اللي تتغير هو فرح مواتير
ولا حضرتك عندك مواتير بتبيعها ولا اية
كل حاجة بازن الله ليها حل
انما انك تحوول الموضوع لحارة سد مينفعش

**mo3tazanas** · 17-02-2014 12:33 AM

المشاركة الأصلية كتبت بواسطة omaranes77

اية يا باشا التفاؤل دة احنا فيهها يروح بنزينة يكون فيها تنظيف لدورة التبريد ويغير المياة لمياة حمراء

انا شفت الكلام دة قدام عينى من اسبوع كنت غسلت عربيتى فى البيت غسلة تمام بالمية بس الماية كانت كتير شوية فجت على حساس الفتيس فجيت اداور العربية لقت الفتيس ما بينقلش فرحت لمهندس عندى علشان يشفلى فى اية فاقالى المية جات على الحساس فهنج او عمل ايرور فدخل مسحة بالكمبيوتر وتمام فالقيت واحد بيسقط مكنة عاندة فاوقفت معاة وقعدت ادردش معاة وجيبت المكنة بيكام ؟ وغيرتها لية ؟ قالى على اللى حصل معاة وكان كالتى هو اشترى العربية بتاعتة من سنة ونص وكان فيها ماية حمرا ساعة ما اشتراها المهم خد حجر فى نص العربية من تحت ومش عارف اية كدة وطبعا فاضى المية الحمرا اللى كانت فيها وماكنش يعرف موضوع ان لازم يحط ماية حمرا المهم المعلم لحم الرادياتير وبقى بيحط ماية من الحنفية بعد حوالى سنة العربية سخنت منة والمية بتغلى فى القربة راح للميكانيكى قالة اصل المراوح مش شغالة اصل الثرمثتات بتاع الردياتير اصل اصل هوب ضربت جوان وش سلندر فك المكنة علشان يعمل الجوان لقى مجارى الماية كلها متاكلة وماينفعش يتعمل الجوان ..طب اية العمل قالة هات شورت بلوك ....طب ازاى ياجدع دى المكنة حلوة وسحبها حلو ومابتاكلش زيت وماشية معايا تمام قالة هو كدة ما صدقوش وقام ساحب العربية ومواديها للمهندس اللى انا بتعامل معاة قالة نفس الكلام المكنة دى مش نافعة وراح اشترى الشورت بلوك وكان بيسقطوا .... وشفت انا منظر المكنة بتاعتة القديمة كل مجارى الماية متاكلة بسبب ماية الحنفية طب لية كدة قالك المكن دة الومنيوم مع درجة الحرارة الـ90 والماية اللى ماليانة املاح وبلاوى سودة بتاكل الالومنيوم بشراهة وممكن تتاكد من قالب مكنتك عن طريق فك الكوعة بتاعة الثرمثتات النحلة وتشيلة وتبص وراة المكنة من جوة شكلها عامل ازاى والكلام دة فى ظرف سنة
انها ماية الحنفية ياسادة

**mo3tazanas** · 17-02-2014 12:55 AM

تكملة للموضع
وبعد ما عرفت الحوار اللى حصل للراجل دة فا بقلة الحمد للة انا ما بحطش ماية فى العربية الا الماية الحمرا الهيبو دى قالى معاك ماية منها ..قولتلو اة معاية شوية بقين فى الازازة ..قالى هاتهم ..فتحت الشنطة وجبتهالة فتح الازاز ونزل شوية فى الغطا وقالى شوف قوام الماية عامل ازاى لقيتة فعلا عامل زى الزيت وقعد بقى يشرحلى الكلام اللى انا قولتة فى اول الموضوع انة الماية دى بلاضافة للتبريد ليها وظائف تانية منها تزيت طرمبة الماية مما يؤدى للحفاظ عليها والكلام اللى انا قولتة فى الاول

**mido102** · 17-02-2014 02:49 AM

موديل ٩٨ وشاريها كده فيها مايع عاديه

**Moratoz** · 17-02-2014 10:35 AM

طيب الأمر ما يمنعش اننا ننزل المايه العاديه ونحط مايه حمرا هيبوا والباقي مقطرة ولو ربنا ستر ممكن يكون الموضوع يتلحق ومش لازم نخش علي الموتور علشان نلحق الموضوع والموضوع ما يذيدش

**Amr_Azab** · 17-02-2014 01:41 PM

مبدئيا كده لازم نبقي عارفين ايه الفرق بين المياه العادية و مياه التبريد عموما
( حمراء - خضراء - زرقاء او فوحلقي حتي )
المياه العادية بتحتوي علي نسبة عالية من الآملاح بالآضافة الي الكثير من الشوائب وغيره ودرجة غليانها تقريبا 100 - 120 درجة ودرجة تجمدها 0 درجة
بينما مياه التبريد بتبقي خالية تماما من الاملاح والشوائب ومضاف اليها مواد مانعة للصدأ وماصة للحرارة ودرجة غليانها اعلي بكتير من المياه العادية ودرجة تجمدها أقل بكتير من المياه العادية

وبالتالي لما بحط المياه العادية في العربية بيحصل الاتي : -
1. لابد ان يتم متابعتها يوميا وتزويدها لان الموتور لما بيسخن بيوصل لدرجة حرارة 200 تقريبا وبالتالي جزء من المياه بيتبخر بشكل كبير فالمياه بتنقص بسرعة اكبر
2. نتيجة للآملاح الموجودة بالمياه بيتكون اجزاء كبير من الصدأ في الردياتير وطرمبة المياه والترموستات ومعظم اجزاء دورة التبريد وبيقل عمرها ألافتراضي
3. لو البيئة المناخية ثلجية يبقي المياه كمان حتتجمد بسرعة داخل دورة التبريد

أما لما بنستخدم مياه التبريد في العربية فبيحصل الآتي :-
1. ممكن تتابع المياه كل فترة يعني أسبوعيا مثلا لان نسبة بخرها قليلة جدا وده عشان درجة غليانها عالية جدا عشان تستحمل حرارة الموتور وتمتصها كمان
2. المادة المانعة للصدا المضافة اليها بتحافظ علي جميع اجزاء دورة التبريد وتمنع تكون الصدأ في أي منها وبالتالي العمر الآفتراضي لجميع الآجزاء دي بيبقي كبير جدا
3. لو البيئة ثلجية المياه لاتتجمد لان درجة تجمدها أقل من المياه العادية بكتير جدا

ولنفترض مثلا أن واحد بيحط مياه عادية بقالوا فترة ولتكن سنة
مش معني كده ان الموتور حيبوظ ويضرب من المياه دي فقط لآ طبعا
والحالات اللي بنشوفها فيها وش سلندر مقفع وبلوك ضارب بتبقي نتيجة سخونية شديدة حصلت نتيجة نقص المياه في مرة من المرات او نتيجة برودة شديدة ادت لتجمد المياه بالاضافة لاملاح المياه العادية

يعني ممكن تغير المياه العادية وتبدا تحط مياه تبريد طبقا لموديل ونوع عربيتك وده طبعا بعد تنضيف دورة المياه كويس ومتقلقش علي الموتور طالما مسخنش سخونة مفرطة

-

-

الموضوع: تنظيف دورة التبريد لاوكتافيا a4

LinkBack

أدوات الموضوع

عرض

-

-

-

-

المواضيع المتشابهه

تنظيف دورة التبريد للنوبيرا

اماكن تنظيف دورة التبريد و تنظيف الرشاشات

استفسار بخصوص تنظيف دورة التبريد ... لانوس 2

تنظيف دورة التبريد

سؤال في تنظيف صدأ دورة التبريد بوضع جاز مع المياه؟

الكلمات الدلالية لهذا الموضوع

المفضلات

المفضلات

ضوابط المشاركة