السؤال التقليدى لأصحاب الخبرة: استفسارات بخصوص الفلوانس و السيراتو و أيهما أفضل ؟

**Dr.a.osman** · 15-02-2014 03:45 AM

بصوا يا أخوانا أنا قربت اتجنن خلاص بسبب حيرتى الشديدة ما بين الفلوانس الفيس ليفت ب188000 أو النيو سيراتو ب179000!!
أنا مش بتكلم في الكماليات لأن الاتنين قريبين من بعض لكن أنا بتكلم عن تجربة القيادة بالنسبة للعربيتين، مين الأحسن؟ أنا سوقت الفلوانس بس معرفش كان انطباعى غريب حبتين من الفتيس ال cvt ، ماحستش أن العربية responsive معايا!!! هوا الcvt سواقته كده؟؟؟ أنا عارف أنها عربية عائلية بس برضه حتى العربيات العائلية ساعات بتحتاج تلاقيها تحت رجليك عشان تسعفك من المفاجآت. دي النقطة اللى مضايقاني من الفلوانس. بالنسبة بقى للسيراتو أنا ماسوقتهاش للأسف، أخبار العفشة ايه؟ مش قصدي اذا كانت ناشفة ولا ﻷ ﻷني كان معايا سيراتو 2010 جنط17 وكانت ناشفة . أنا عايز استفسر عن مدى تحمل العفشة بتاعتها للنقر و المطبات المصرية الأصيلة ﻷن ال سيراتو اللي كانت معايا خلتنى أصرف كتير على العفشة و عقدتنى من الكورى عامة. رأي حضراتكم ايه فى النقط السابق ذكرها خاصة و بشكل مجمل أيهما أفضل؟؟؟

**Dr.a.osman** · 15-02-2014 11:12 AM

ايه الأخبار ياجماعة؟ محدش رد عليا!! محتاج مساعدتكم ضروري!

**devil_storm** · 15-02-2014 12:21 PM

المشاركة الأصلية كتبت بواسطة dr.a.osman

بصوا يا أخوانا أنا قربت اتجنن خلاص بسبب حيرتى الشديدة ما بين الفلوانس الفيس ليفت ب188000 أو النيو سيراتو ب179000!!
أنا مش بتكلم في الكماليات لأن الاتنين قريبين من بعض لكن أنا بتكلم عن تجربة القيادة بالنسبة للعربيتين، مين الأحسن؟ أنا سوقت الفلوانس بس معرفش كان انطباعى غريب حبتين من الفتيس ال cvt ، ماحستش أن العربية responsive معايا!!! هوا الcvt سواقته كده؟؟؟ أنا عارف أنها عربية عائلية بس برضه حتى العربيات العائلية ساعات بتحتاج تلاقيها تحت رجليك عشان تسعفك من المفاجآت. دي النقطة اللى مضايقاني من الفلوانس. بالنسبة بقى للسيراتو أنا ماسوقتهاش للأسف، أخبار العفشة ايه؟ مش قصدي اذا كانت ناشفة ولا ﻷ ﻷني كان معايا سيراتو 2010 جنط17 وكانت ناشفة . أنا عايز استفسر عن مدى تحمل العفشة بتاعتها للنقر و المطبات المصرية الأصيلة ﻷن ال سيراتو اللي كانت معايا خلتنى أصرف كتير على العفشة و عقدتنى من الكورى عامة. رأي حضراتكم ايه فى النقط السابق ذكرها خاصة و بشكل مجمل أيهما أفضل؟؟؟

لازم حضرتك تجرب السيراتو الجديده علشان تحكم صح و عموما عفشه السيراتو الجديده هي عفشه الالنترا بالضبط فلو حضرتك جربت الالنترا يبقي تمام

اللي يقولك عفشه السيراتو الجديده ناعمه حرير متصدقوش لانها مش كده هي بس انعم شويه من القديمه و تعتبر متوسطه النعومه يعني عاديه مش ناعما و لا ناشفه و من ناحيه التحمل بص علي الالنترا

طبعا انا بتكلم عن العفشه بس لان السيراتو احسن من الالنترا في حجات تانيه كتير ذي الباور و العزل و الخامات و الاوبشن

مين احسن بقي هي ولا فلوينس فدي تختلف من واحد للتاني علشان كده بقولك روح سوقها ذي ما سوقت الفلوينس و بعدين حتعرف تقرر صح ... عن نفس انا افضل السيراتو و عجباني جدا لكن ممكن انت يكون رايك مختلف

**Dr.a.osman** · 15-02-2014 12:59 PM

المشاركة الأصلية كتبت بواسطة devil_storm

لازم حضرتك تجرب السيراتو الجديده علشان تحكم صح و عموما عفشه السيراتو الجديده هي عفشه الالنترا بالضبط فلو حضرتك جربت الالنترا يبقي تمام

اللي يقولك عفشه السيراتو الجديده ناعمه حرير متصدقوش لانها مش كده هي بس انعم شويه من القديمه و تعتبر متوسطه النعومه يعني عاديه مش ناعما و لا ناشفه و من ناحيه التحمل بص علي الالنترا

طبعا انا بتكلم عن العفشه بس لان السيراتو احسن من الالنترا في حجات تانيه كتير ذي الباور و العزل و الخامات و الاوبشن

مين احسن بقي هي ولا فلوينس فدي تختلف من واحد للتاني علشان كده بقولك روح سوقها ذي ما سوقت الفلوينس و بعدين حتعرف تقرر صح ... عن نفس انا افضل السيراتو و عجباني جدا لكن ممكن انت يكون رايك مختلف

كلام حضرتك سليم من حيث اني لازم أجرب السيراتو قبل القرار النهائى. بس برضه سؤال الناس اللي استخدمت العربيتين فترة من الزمن مهم خصوصا اني بسأل عن حاجة مبتظهرش غير مع الاستخدام اليومى العربيه ألا وهو العفشة. أنا عجباني السيراتو من حيث الشكل وأعتقد أنها عربية صعب تزهق من ركوبها كل يوم. على الناحية التانية الفلوانس أعتقد اكتر اعتمادية و قوة تحمل. هي دي النقطة اللي محيرانى.

**engherc** · 16-02-2014 11:27 PM

باشا انا امتلكت فلوانس من ٢٠١٠ الى ٢.١٢ وكان معايا قبلها أوكتافيا كان يعيب الفلونس الموديل ده حاجتين الموتور بالفتيس كانوا اضعف شوية على حجم العربية و التكييف كذلك كان بياخد وقت خاصة ان العربية كانت كحلي انا سمعت ان الكلام ده اتحسن مع الموتور و الفتيس و التكييف الجداد في الفيس ليفت بس عامة كعربية هي ركوبة قريبة جداً من الألماني علما أني عملت بيها في السنتين ١٠٠٠٠٠ كيلو اما بالنسبة للسيراتو ف انا مع احترامي الشديد مهما غليت و ذودوا فيها اوبشنز فهتفضل برضو حاسس انك راكب كوري بس كوري ب ١٨٠ الف جنيه اللي هو تمن بي ام ٣١٨ موديل ٢٠٠٩

**noapology** · 16-02-2014 11:40 PM

بص حضرتك لو هتقارن بالسحب يبقي اي كوري هيكسب طبعا بس اللي عايز اقولوا ان استجابتها من السكون ممتازه جدا لكن لو ماشي علي سرعه وعايز تشد هتبقي اقل هتبقي عايز تتعود علي الفتيس وازاي تخليه ينقل بس سحبها من وجهه نظري متوازن مهواش زي الكوري ولا بطه زي الاوكتافيا مثلا سوق حضرتك السيراتو وسوق الفيس ليفت والعربيه اللي مستريح في ركوبها توكل علي الله و مش مهم حاجه تانيه طالما انتا راضي

**Dr.a.osman** · 17-02-2014 02:23 AM

المشاركة الأصلية كتبت بواسطة noapology

بص حضرتك لو هتقارن بالسحب يبقي اي كوري هيكسب طبعا بس اللي عايز اقولوا ان استجابتها من السكون ممتازه جدا لكن لو ماشي علي سرعه وعايز تشد هتبقي اقل هتبقي عايز تتعود علي الفتيس وازاي تخليه ينقل بس سحبها من وجهه نظري متوازن مهواش زي الكوري ولا بطه زي الاوكتافيا مثلا سوق حضرتك السيراتو وسوق الفيس ليفت والعربيه اللي مستريح في ركوبها توكل علي الله و مش مهم حاجه تانيه طالما انتا راضي

تسلم يا باشا على المعلومة. انا سوقت السيراتو النهارده طبعا كعادة الكورى العربية استجابتها رهيبة بس زى ما حضرتك قولت يمكن الموضوع محتاج تعود على سواقة الفيس ليفت خصوصا انا مرتاح نفسيا اكتر للفيس ليفت لأنى عايز عربية سفر و أعتقد أن الفلوانس في النقطة دى تتفوق بمراحل عن السيراتو.

**Dr.a.osman** · 17-02-2014 02:36 AM

المشاركة الأصلية كتبت بواسطة engherc

باشا انا امتلكت فلوانس من ٢٠١٠ الى ٢.١٢ وكان معايا قبلها أوكتافيا كان يعيب الفلونس الموديل ده حاجتين الموتور بالفتيس كانوا اضعف شوية على حجم العربية و التكييف كذلك كان بياخد وقت خاصة ان العربية كانت كحلي انا سمعت ان الكلام ده اتحسن مع الموتور و الفتيس و التكييف الجداد في الفيس ليفت بس عامة كعربية هي ركوبة قريبة جداً من الألماني علما أني عملت بيها في السنتين ١٠٠٠٠٠ كيلو اما بالنسبة للسيراتو ف انا مع احترامي الشديد مهما غليت و ذودوا فيها اوبشنز فهتفضل برضو حاسس انك راكب كوري بس كوري ب ١٨٠ الف جنيه اللي هو تمن بي ام ٣١٨ موديل ٢٠٠٩

شكرا يا باشا على الرد. والله فعلا لما سوقت السيراتو النهاردة كان انطباعى أن كيا صنعت عربية أفضل كتير من الموديل السابق لكن برضو حضرتك عارف ركوبة الكورى اللي تخليك حاسس بكل صغيرة وكبيرة على الطريق وده مش مريح إطلاقا على السرعات العالية. أعتقد الفلوانس تتفوق فى كده. سؤال تانى حضرتك، أخبار التكييف فى الفيس ليفت ايه؟

**miceg** · 17-02-2014 08:36 AM

التكييف ثلاجة بشهادة كل المالكين للفيس ليفت
الفلوانس ماتور وفتيس من نيسااااااان
يعني مبقاش فيه عقد الخواجه
نيسان من أفضل الشركات في صناعة المواتير تحديدا