الموضوع: Cd pioneer 8550

المشاركة الأصلية كتبت بواسطة body7733

بصراحه انا اخر مرة شوفته كان من فترة ولما حاولت اسالك عليه كذا محل بالتليفون قالولى مش متوفر
وفى اوتو ماركت سألتلك عليه قالى هينزل واحد جديد على شهر 3 تقريبا موديله 9600 على ما اتذكر
اصبر اسبوعين وهات الموديل الجديد افضل
تحاتى،،،

متشكر لمساعداتك المتكرره وكمان انك تتصل بالتليفون تسالي على الموديلات المتاحه وعند مين دا كرم اخلاق منك وبكرر ليك شكري

طبعا بحكم اني زهقت من اللف على المحلات والسؤال بالتليفون واسمع الرد الطبيعي معرفش الموديل دا او مفيش او ياااا دا موديل قديم جدا دخلت على موقع التسوق اي باي ودورت على 9600 الوحيد اللي قالي ممكن يجيبلي الموديل دا اوتو ماركت بس استنى شهر قولت لا اجيبه انا بمعرفتي واكون من اول الناس اللي ركبته
المهم لقيته موجود بس غالي شويه لقيت ناس كتير عارضاه من 350 دولار لحد 185 دولار طبعا غير تكلفة الشحن لمصر واللي لاحظته ان كلهم من امريكا
المهم راسلت اتنين وطلبت منهم ان اجمالي التكلفه بالشحن لمصر تكون 200 دولار يعني حوالي 1400 جنيه
طبعا دا سعر جميل جدا مقارنه بسعره لما ينزل هنا بس اللي هيحصل لما اروح استلمه هيكون فيه مصاريف تانيه بمعنى لو مفيش جمرك بحكم ان دا للاستعمال الشخصي هيكون فيه ضريبه 10% من السعر وطبعا عندهم في الجمرك تسعيرة الاجهزه كلها او 10% من السعر المقبول ليه بحكم انه حاجه جديده وممكن لسه سعره مش معروف او 10% من الفاتوره المرفقه معاه ان وجدت وبشرط يكون السعر المكتوب مقبول ليهم
في انتظار الرد من الاتنين اللي بعتلهم هل هيقبلو عرضي ولا لأ
عموما هو الفرق بيني وبينهم مش كبير في اسوا الاحوال ممكن اقبل بالسعر اللي هما عارضينه السعر هيزيد حوالي 100 جنيه
انشاء الله هعرفكو الجديد اول باول
متشكر لكل واحد ساعدني او حتى حاول

على فكرة الموديل دة مش هيشغل محطات راديو فى مصر
لو خدت بالك الموديلات فى مصر كلها اخرها 50 مثلا 9550
المحطات هناك فردى بس عكس عندنا
فمثلا لو عايز تجيب 100.6 الراديو هيجيبلك 100.5 او 100.7 بس
و لو الراديو مش فارق معاك, الجهاز هيتعبك فى بيعه بعد كدة

فى شركة اسمها ادفعلى أنا بتعامل معاها من 2010
The World is Just A Click Away! - Edfa3ly
https://www.facebook.com/edfa3ly?fref=ts

بيشترولك أى حاجة عايزها من أمريكا, خصوصا لو محتاج paypal

المشاركة الأصلية كتبت بواسطة moe86

على فكرة الموديل دة مش هيشغل محطات راديو فى مصر
لو خدت بالك الموديلات فى مصر كلها اخرها 50 مثلا 9550
المحطات هناك فردى بس عكس عندنا
فمثلا لو عايز تجيب 100.6 الراديو هيجيبلك 100.5 او 100.7 بس
و لو الراديو مش فارق معاك, الجهاز هيتعبك فى بيعه بعد كدة

انا فعلا ملاحظ ان موديلات اللي بتنزل للمنطقه العربيه والاسيويه بيكون في رقم الموديل ٥٠ وامريكا واوروبا تقريبا بدون ٥٠ بس ما توقعتش ان يكون فيه فرق مهم زي اللي حضرتك وضحته
اما بالنسبه للبيع في الغالب انا معظم حاجتي باستعملها لحد ما اجيب اخرها وارميها في الاخر واحيب غيرها
عموما متشكر جدا للتوضيح وجاري اعادة البحث من جديد

المشاركة الأصلية كتبت بواسطة Ahmod

انت قصدك انك هتشتريه من على ال Amazon او ال Ebay ؟؟ لو فعلا ياريت تشرحلنا طريقة الشراء لاني عايز اشتري برضوا حجات من هناك

الموضوع بسيط جدا انت بتعمل الاول حساب علي موقع paypal طبعا لازم يكون عندك حساب في البنك ومعاك فيزا بتشتغل دولي اما بالنسبه لرصيدها مش مشكله المهم ساعة تنفيذ اي عملية شراء تكون مغطي المبلغ المطلوب في حساب الفيزا
الخطةه التانيه بتعمل حساب علي موقع الشراء الي عايز تشتري منه ولما تختار اي سلعه عايز تشتريها بيسالك هتدفع ازاي بتختار paypal يقولك دخل الميل اللي انت مسحله علي paypal وتمم موافقات عملية الدفع
اي عملية شراء عن طريق paypal بتم عن طريق الميل بتاعك اللي انت مسجله عليه بمعني انك بتستعمل الميل كانه رقم حساب ولما تمم اي عملية شراء بيبعتاك علي الميل بتاعك وطبعا البنك بيبعتلك رسائل علي التليفون باتمام عملية الدفع والنبلغ المدفوع وطبعا بيتم حساب العمله علي سعر البنك

المشاركة الأصلية كتبت بواسطة Moe86

فى شركة اسمها ادفعلى أنا بتعامل معاها من 2010
The World is Just A Click Away! - Edfa3ly
https://www.facebook.com/edfa3ly?fref=ts

بيشترولك أى حاجة عايزها من أمريكا, خصوصا لو محتاج paypal

متشكر علي مساعدتك بس السؤال انت بتطلب منهم الحاجه وهو يجيبها ولا بتقوله الموقع الفلاني عليه حاجه انا عايزها اشتريهالي وخلاص
سبب سؤالي ان انا عندي حساب paypal وبشتري احيانا حاجات بيه بس انا عايز اشتري ٩٦٥٠ ومش عارف اجيبه منين هل يعرف يتصرف في الموضع دا ولا لأ
ولو ممكن توضحلنا نسبته بيحسبها ازاي هل مبلغ ثابت علي اي عمليه ولا بنسبه معينه من قيمة الشراء