الموضوع: Cd pioneer 8550

انت بتسجل عنوانك بالتفصيل وتليفونك على موقع الشراء فالبتالي بمجرد وصول طلبك شركة الشحن بتكلمك علشان توصلك او بيجيلك على العنوان بدون اتصال بس في الغالب الكل بيتابع بالتليفون علشان كدا دا اهم حاجه تكون مكتوبه في بياناتك على موقع الشراء زي امازون او اي باي
ممكن بيبعتلك عن طريق اي شركة شحن من الشركات المعروفه وبالتالي بيبعتلك رقم بوليصة الشحن تقدر بيها تدخل على موقع الشركه وتتابع الطرد بتاعك فين مثلا زي dhl اما لو حاجه صغيره او تكلفة الشحن قليله جدا بيبعتلك طرد بالبريد العادي من الدوله اللي هو فيها مثلا لو من امريكا بيبعتلك عن طريق usps ودا البريد الامريكي العادي وبتستلمه من اقرب مكتب بريد تابك لعنوانك
لازم يكون فيه مصاريف وكنت موضح التكلفه في مشاركه كنت كاتبها في نفس الموضوع دا قبل كدا
مثلا كنت جايب قميص من الصين ووصلني على مكتب البريد اللي في منطقتي بعد حوالي شهر حصلوا مني حوالي 40 جنيه تقريبا كانت ضريبه على جمرك و 3 جنيه ارضيه البريد بيحصلها مقابل التخزين حتى التسليم و 3 جنيه كمان اتصالات على اساس انه بيكلمك يعرفك ان طردك عندهم وعليه مصاريف وطبعا دا مش بيحصل لازم تتابع بنفسك مكتب البريد كل اسبوع مثلا

موجود في استراليا 9550 سعره 227 دولار شامل تكلفة النقل يعني حوالي 1590 جنيه وبعد اضافة مصاريفه في مصر ممكن يوصل سعره 2000 جنيه
ايه رايكم سعر مناسب ولا غالي

المشاركة الأصلية كتبت بواسطة mony10

موجود في استراليا 9550 سعره 227 دولار شامل تكلفة النقل يعني حوالي 1590 جنيه وبعد اضافة مصاريفه في مصر ممكن يوصل سعره 2000 جنيه
ايه رايكم سعر مناسب ولا غالي

متاسف السعر 277 دولار يعني حوالي 1940 جنيه يعني ممكن عند الاستلام اجمالي التكلفه تكون من 2300 ل 2500 جنيه ايه رايكو غالي ولا هو دا سعره

تعرفو ا فيه فرق في السعر كبير بين 9600 و 9550 يعني على الاقل 50 دولار فرق 9550 اغلى من 9600

لو بتختار بين 8550 وسعره عند اوتو ماركت 1490 و 9550 ودا هيجي من استراليا هيكون سعره ما بين 2300 الى 2500 جنيه تختار ايه
احنا اتفقنا ان 9550 افضل بس هل لدرجة انك تدفع من 800 ل 1000 جنيه زيادة عن 8550
اعتقد اني هشتري 8550 فرق السعر كبير بينه وبين 9550 وفرق الامكانيات اقل بكتير جدا غير اني لو هطلبو من اوتو ماركت هيوصل خلال يومين او تلاته بالكتير اما لو هطلب 9550 من استراليا هيوصل خلال 20 يوم تقريبا
ايه رايكو موافقين ولا حد عنده راي تاني

المشاركة الأصلية كتبت بواسطة mony10

متشكر علي مساعدتك بس السؤال انت بتطلب منهم الحاجه وهو يجيبها ولا بتقوله الموقع الفلاني عليه حاجه انا عايزها اشتريهالي وخلاص
سبب سؤالي ان انا عندي حساب paypal وبشتري احيانا حاجات بيه بس انا عايز اشتري ٩٦٥٠ ومش عارف اجيبه منين هل يعرف يتصرف في الموضع دا ولا لأ
ولو ممكن توضحلنا نسبته بيحسبها ازاي هل مبلغ ثابت علي اي عمليه ولا بنسبه معينه من قيمة الشراء

بعد ما تعمل حساب على ادفعلى و تعمل اوردر جديد بتدخل الweb page بتاعة المنتج اللى عايزة و كل التفاصيل زى المقاس أو اللون مثلا, يعنى هما بيشتروا بس اللى انت محدده بالتفصيل.
و هما بياخدوا 5% ليهم من تمن المنتج بما فيه تكلفة شحنه لحد المكتب بتاعهم فى امريكا و بحد ادنى 5 دولار للأوردر كله لو طالب اكتر من حاجة
و موقعهم عليه برنامج بتحط فيه بيانات الطلب و يحسبلك تمنه لحد ما يوصلك

المشاركة الأصلية كتبت بواسطة mony10

اعتقد اني هشتري 8550 فرق السعر كبير بينه وبين 9550 وفرق الامكانيات اقل بكتير جدا غير اني لو هطلبو من اوتو ماركت هيوصل خلال يومين او تلاته بالكتير اما لو هطلب 9550 من استراليا هيوصل خلال 20 يوم تقريبا

أنا مقتنع بكدة
على فكرة أنا اشتريت حاجات من أمريكا زىalpine 5-channel amplifier و سلوك Rockford fosgate RCA بس الكاسيت نفسه اشتريته من مصر أسهل و أرخص
سؤال: لما حضرتك اشتريت لبس من برة و استلمته من مكتب البريد, دفعت تقريبا 40 % من تمنه جمارك ؟

اولا متشكر لرد حضرتك وعرض رايك
بخصوص القميص اللي كنت شاريه كنت دافع ٤٠ جنيه ضرايب علي رسوم و ٣ جنيه ارضيه لحساب مكتب الريد لتخزين القميص لحد الاستلام و ٣ جنيه اتصالات علي اساس ان هما بيتصلو يبلغك ان حاجتك وصلت وعليها تكلفه