كماليات للانوس

**ABO MALEK** · 17-04-2014 09:45 PM

ما شاء الله رامى عامل مجهود ممتاز فى الموضوع ده.
الزينون كلفك كام يا رامى؟

**zerox2010** · 18-04-2014 12:46 AM

طيب ياباشا انا عاوز اركبها عندى فى لانوس 1 هى سعرها بكام ؟ وكنت عاوز اعرف فى زينون لكشافات الشبوره بس وبكام ؟

**رامي مصطفى** · 18-04-2014 02:38 PM

المشاركة الأصلية كتبت بواسطة starlanos

والله يارامي حضرتك راجع محترم

ربنا يبارك في حضرتك ده من اصلك الكريم

**رامي مصطفى** · 18-04-2014 02:44 PM

المشاركة الأصلية كتبت بواسطة ABO MALEK

ما شاء الله رامى عامل مجهود ممتاز فى الموضوع ده.
الزينون كلفك كام يا رامى؟

ربنا يكرم حضرتك
الزينون ب550ج وتركيب ب 40ج
طبعا فيه زينون من أول 250ج الى ما شاء الله بس نصيحه هات زينون عالي بس
انا ناوي استري لمبتين زينون عالي بس و افك ايللي عندي (اللمبات بس انما الجهاز واحد للإثنين)
عشان بلاقي صعوبه في تشغيل الواطي وانا ماشي جوه البلد بحس الناس كلها بتبصلي بأرف

**رامي مصطفى** · 18-04-2014 03:05 PM

المشاركة الأصلية كتبت بواسطة zerox2010

طيب ياباشا انا عاوز اركبها عندى فى لانوس 1 هى سعرها بكام ؟ وكنت عاوز اعرف فى زينون لكشافات الشبوره بس وبكام ؟

65ج الليدات والزرار ب 60ج
هوا نفس الزينون تركبوا في الكشافات الكبيره او على الشبوره
عندك في اللانوس1 هيبأى جميل في الشبوره (الفوج) لأن عندنا الشبوره صغير اوي مش هيبأى قوي عشان كده ركبتوا في الكشافات الكبيره

**moustafa.adel** · 07-04-2016 05:12 PM

المشاركة الأصلية كتبت بواسطة رامي مصطفى

عنيا بص حضرتك انا جبت الفوجات دي 70ج من الهادي في المنصوره في الحسينيه

حضرتك هتلبس العفريته وتنزل تحت العربيه عند الفوجات بتاعت العربيه هتلاقي مسامير بورمه عاديه بتتفك بمفك دي بتاعة الفبره ايللي على الشبوره مش الاووظ ايللي بتتفك بمفتاح دي بتاعت الشبوره

هتضطرتوسع شويه فوق الشبوره عشان الليدات تبات جوا ب cutter
هتبيت الليدات وهتلاقي مسمارين بيربطو الليدات من ورا ورجع الفبره بالليدات هتمشي السلك مع سلك الشبوره من تحت الفانوس ثم من ورا علبة الفلتر ثم من فتحه صغيره بتوصل جوه الطبلوه
بعدين تكون جايب مفتاح الشبوره بتاع اللانوس القديمه ب60ج زي ده

هتفك درج الطبلوه وتستقبل السلك ايللي انتا معديه من صدر العربيه وتمشيه ناحية زرار الانتظار
على الجانب الاخر فيه طبه شمال الساعه هتفكها ازاي بأااااا؟ طبعا مش هقولك فك الكاسيت ولوحة التكييف لأ
تحت الدريكسيون فيه علبه كده مربوطه بأربع مسامير (لو ماوصلتلهاش قولي اصورهالك) هتفك المسامير وتمد ايدك هتوصل للطبه ليها نفس الكلبسين ايللي في الزرار شوفه وفك الطبه منها
الكهربا هتاخد سلك موجب وسالب من الكاسيت عشان تنور مع الكونتاكت يبأى كده عندك اربع سلوك تمد ايدك وتخرجهم من فتحة الطبه ايللي فاكيتها او لو وصلت سالب الليدات بالعربيه من عند الليدات مش مشكله هتوصل السلوك بالزرار وكله تمام ده شكل الزرار بعد التركيب وشكلها والليدات منوره ومش منوره

وده شكل النور بتاع الليدات بالليل وبكره ان شاء الله هصورهالك بالنهار ونورها جامد جدا(انك تشوفه بالنهار بس مش تعتمد عليه كإضاءه بالليل

شغل ممتاز و عايز أعمله عندى بس مش عارف أعدى سلك من الكبوت للصالون و فكيت درج التابلوه و السلك مش بيوصل خالص فياريت توضحلنا بالصور

**رامي مصطفى** · 08-04-2016 03:37 PM

يااااه حضرتك فكرتني باللذى مضى
والله العربيه مش معايا دلوأتي علشان اصورها
بس هيا سهله حضرتك من الكبوت وانت واقف امامه على الشمال في صدر العربيه هتلاقي طبه جلد اخرمها ودكك السلك فيها اهم حاجه السلك يكون تخين لان المشكله ان ورا درج التابلوه خراطيم التكييف فالسلك بيتوه بينه حضرتك مد ايدك لغاية ماتوصل لصدر العربيه من ناحية درج التابلوه هتوصله
معلش والله العربيه مش معايا

**moustafa.adel** · 08-04-2016 03:56 PM

المشاركة الأصلية كتبت بواسطة رامي مصطفى

يااااه حضرتك فكرتني باللذى مضى
والله العربيه مش معايا دلوأتي علشان اصورها
بس هيا سهله حضرتك من الكبوت وانت واقف امامه على الشمال في صدر العربيه هتلاقي طبه جلد اخرمها ودكك السلك فيها اهم حاجه السلك يكون تخين لان المشكله ان ورا درج التابلوه خراطيم التكييف فالسلك بيتوه بينه حضرتك مد ايدك لغاية ماتوصل لصدر العربيه من ناحية درج التابلوه هتوصله
معلش والله العربيه مش معايا

ياباشا أنا متشكر لذوق حضرتك و ردك عليا. أنا فعلا عملت كدة بس السلك مش عارف اوصلة من جوة عشان زى ماحضرتك قولت خراطيم التكييف بتعاكس و الحتة دى مزنوقة جداا و استخدمت سلك ناشف كمان و مفيش فايدة على العموم ححاول تانى و شكرا تانى ليك و بعد إذنك لو فية حاجة فى الحوار دة حبقى أسألك و ربنا يجعلة فى ميزان حسناتك.

**رامي مصطفى** · 09-04-2016 01:40 AM

المشاركة الأصلية كتبت بواسطة moustafa.adel

ياباشا أنا متشكر لذوق حضرتك و ردك عليا. أنا فعلا عملت كدة بس السلك مش عارف اوصلة من جوة عشان زى ماحضرتك قولت خراطيم التكييف بتعاكس و الحتة دى مزنوقة جداا و استخدمت سلك ناشف كمان و مفيش فايدة على العموم ححاول تانى و شكرا تانى ليك و بعد إذنك لو فية حاجة فى الحوار دة حبقى أسألك و ربنا يجعلة فى ميزان حسناتك.

تحت امر حضرتك كلمني ع طول
٠١٠١٨١٤٤٤١٦