النجده يا اصحاب كليو 1400 2001

**عماد السيد** · 15-02-2014 09:53 PM

السلام عليكم ورحمة الله وبركاته
انا لسه جايب العربيه من اسبوعين وطلعت عيني ويادوب مشيت معايا يومين بالظبط ولقيت المارش اتحرق
روحت للكهربائي وجبتله مارش جديد وبعد مركبه العربيه مش لاقطه الموتور خالص
يادوب تدور الكونتكت ومش بتشغل العربيه
قالي يمكن العيب في البوجيهات ... غيرنا بوجيهات مشتغلتش
قال يمكن العيب في حساس الكرنك .. جبنا واحد جديد وبرده نفس المشكله
قال يمكن الفيشه بتاعة الحساس .. غيرنا بجديد برده نفس المشكله
قال يمكن حساس الكاما .. غيرناه .. برده نفس المشكله
وفي الاخر بيقول يمكن الكمبيوتر بتاع العربيه
اللي انا شوفته ان رشاشات البنزين مش لاقطه كهربه خالص ولا الموبينات وصلالها كهربه فعلا من الكمبيوتر .. الكونترول
دلؤتي عايز اعرف المشكله هنا ايه .. يا تري عايز فك شفره ولا الكونترول كله بايظ ولا ايه
ويا تري لو روحت التوكيل ايه النظام هيغير كل عدة الدواره ولا هتبقا برمجه بس ولا مروحش التوكيل واروح لحد ميكانيكي يشوفلي موضوع الكمبيوتر علشان التوكيل غاليين اوي في اسعارهم

**abasabnfernas** · 15-02-2014 10:42 PM

عندك لمبة حمراء بتنور اول ما تفتح الكونتاكت و بتطفى بعد 3 ثوانى فهل هذا يحدث معك ؟

**medohai510** · 15-02-2014 11:04 PM

أولاً مبروك العربية وربنا يكفيك شرها ويعطيك خيرها
ثانياً .... واضح أنك وقعت فريسة لميكانيكي مش فاهم في العربية
نصيحة تخدها لحد من ميكانيكية الرينو المعروفين أو مركز معتمد أو التوكيل علي مقدار مقدرتك المالية
لأن أسباب عدم دوارة العربية الميكانيكي الفاهم كويس في العربية بيعرفها بسهولة ولو مشكلة كبيرة الجهاز يكشف عليها في ثواني
ربنا معاك