ماتريكس 2011 فصلت كهرباء !

**ahmed2009us** · 16-02-2014 04:28 AM

عندى سياره ماتركس 2011 كنت ماشى بيها واخت مطب حلو من مطبات مصر الغاليه
توقف السياره عن الحركه تماما و رفضت الدواره خالص خفت لحسن يكون سير التقسيمه اتقطع ولا حاجه وقلت ابعد عن لعب الصنيعيه واختها ورحت بيها التوكيل
الحمد لله مهندس الاستقبال طلع فاهم فتح الكبوت وضغط على حاجه كده معرفش اسمها ايه المهم الى فهمتو منو ان العربيه مصمه لما تاخد خبطه جامده تفصل كهربا علشان لو حصلت حاجه او حاجه باظت ميحصلش مشكله اكبر
فقالى انو كده فصل السوتش ولازم تدخل العربيه على الجهاز علشان يبرمجو تانى طبعا الحمد لله حمت ربنا كتير بس بقى عايز افهم منك ايه الى حصل وهل فعلا السوتش ده فصل وعمل ولا ده مجرب انو فصل كهربت العربيه ورجعها تانى ولو لقدر الله حصل الموقف ده تانى بعد ماشغل العربيه اروح بيها التوكيل ولا ايه رئيكم ؟

تم تعديل عنوان الموضوع ونقلة لقسم هيونداى .

11:56 am
2014/2/16
1 ب

**wael61** · 16-02-2014 09:36 AM

بص يا باشا
فيه زرار جنب الموتور من فوق ده وظيفتة يفصل الكهرباء من العربية ودى حصلت معايا بس لانى عارفه دوست عليه ومشيت بعدها اما موضوع البرمجة ده الله واعلم ولو عايز تشوف صورة الزرار
---------------------
هنا

**aliabdo** · 16-02-2014 09:49 AM

معتقدش ان فى حاجه اسمها برمجه بعد ما تشغل السويتش تاني بس عموما ابقى روح عشان تطمن على العربيه مش اكتر

**mazeen** · 16-02-2014 11:02 AM

الموضوع ده موجود فى الماتريكس بس ماتقلقش وامشى عادى ولوعايز تتطمن افصل كابل البطاره 5 دقايق علشان الكنترول يعمل ريستارت

**Samir Elshahawy** · 16-02-2014 11:57 AM

السويتش ده موجود عندك في كتالوج العربية و أعتقد أنه بيعمل ريسيت كمان لما العربية تسخن و تقف نتيجة الحرارة

عموما الموضوع تم وضع رابطه في فهرس موضوعات الماتريكس - قسم الاعطال للأستفادة و الرجوع أليه عند الحاجة
http://www.nilemotors.net/Nile/303480-a.html

**banboty** · 01-01-2015 01:59 PM

المشاركة الأصلية كتبت بواسطة samir elshahawy

السويتش ده موجود عندك في كتالوج العربية و أعتقد أنه بيعمل ريسيت كمان لما العربية تسخن و تقف نتيجة الحرارة

عموما الموضوع تم وضع رابطه في فهرس موضوعات الماتريكس - قسم الاعطال للأستفادة و الرجوع أليه عند الحاجة
http://www.nilemotors.net/nile/303480-a.html

قسم الاعطال مفيهوش الموضوع , ممكن حضرتك تحط لنا صورة السويتش او المفتاح ده .

وبعد اذنك تقول لنا هل هوا موجود في كل العربيات و لا الماتريكس بس؟؟

**mramzy** · 01-01-2015 04:09 PM

خلف بوق الانذار وجنب المساعد الشمال بالظبط

**1000 مبروك** · 01-01-2015 05:39 PM

لو حد يقدر يصوره
يبقى جزاه الله خير

**تامر راغب** · 02-01-2015 12:57 AM

مفيش حاجة إسمها يبرمجها تانى ده بس علشان ياخد فلوس وبس

دول ناس استغلالية والله - سواء مهندس محمد المغربى أو مهندس محمد التانى وفيه واحد تالت إسمه تقريبا عبدالرحمن

مابيفهموش أى حاجة إلا لما يعمل أمر شغل الأول ويكتب فيه كل تنتوفه بتسأله عليها علسان كل جواب له تمنه

حسبى الله ونعم الوكيل بجد

الزرار ده موجود على اليمين ورى الموتور - وممكن تضغط عليه بنفسك وعيش

دى حاجة كويسة من حاجات الماتريكس على فكرة علشان ماتحصلش مشكلة جامدة

بالتوفيق