استفسار بخصوص سكودا فيليشيا

**من غير اسم** · 16-02-2014 02:22 PM

السلام عليكم,
لو سمحتوا انا عايز نصيحتكم
انا ناوى باذن الله اشترى عربية, وانا بقالى فترة مسوقتش يعنى مش اوى فى السواقة
وبصراحة دورت كتير ولقيت ان الفيليشيا مناسبة من ناحية السعر
فيا ريت تقولولى العربية ديه كويسة ولا تعبانة وايه ظروفها

سيتم النقل الى القسم المخصص سكودا
مشرف ب 5

**Elawany13** · 16-02-2014 02:47 PM

كل عربية ليها مميزاتها وليها عيوبها
والمميزات والعيوب ديه نسبية بتختلف من شخص لآخر
بس بصفة عامة
الفليشيا عربية كويسه

**sakr_skoda** · 16-02-2014 07:06 PM

طيب لما احب اناديك اقولك ايه يامن غير اسم؟؟؟؟؟؟؟؟؟؟؟؟!!!!!!!!!!!!!!!!!!!! !!

**Amr_Azab** · 17-02-2014 01:58 PM

الفيليشيا عربية عملية جدا ومحترمة
اهم حاجة انك متجبش غير واحده حالتها ممتازة
بالتوفيق ان شاء الله

**sakr_skoda** · 17-02-2014 04:12 PM

المشاركة الأصلية كتبت بواسطة من غير اسم

قولى ياااا, هههههه
المهم ايه رايك فى الفيليشيا؟؟؟؟؟

يااااااااااااااااااا انتا هنا فى قسم عشاق الفليشيا تفتكر ممكن نقولك عليها ايه ؟؟؟؟؟؟؟؟؟؟؟؟

نصيحة منى لوجه الله الفليشيا سيارة محترمة وعلى قد احترامك ليها بتحترمك يعنى لازم تجيب فليشيا بنت حلال وحتتعب معاها شوية معلهش اصبر عليه لأنه بتختبرك وبتشوف مدى صبرك عليها بس بعد كدا بجد صعب تفرط فيها **

**Elawany13** · 17-02-2014 04:38 PM

حتى لو كنتم عشاق للفليشا
انتم أكتر ناس عارفين عيوبها
اذكروا العيوب قبل المحاسن
المستشار مؤتمن

**sakr_skoda** · 17-02-2014 04:47 PM

المشاركة الأصلية كتبت بواسطة elawany13

حتى لو كنتم عشاق للفليشا
انتم أكتر ناس عارفين عيوبها
اذكروا العيوب قبل المحاسن
المستشار مؤتمن

والله ياحبيبى انا قلت نصيحتى وممكن تراجع الفاظ كلامى بدائتها بكلمة نصيحة ودى والله اعلم نصيحة خالصه من القلب **وهى ان يبحث عن فليشيا بنت حلال مصانه وليس مهانه ويتابعها اولا باول ويستدرك اعطالها بحرفية وسرعة ووهى سيارة محترمة بجد لا تقل العك والبعككة ما بتكلش معاها لازم الشغل فيها بعقل وفهم مش اى دكتور ممكن يعالجها!!!!

**aw2100** · 17-02-2014 10:45 PM

الفليشيا عربية جدا بس ماتحبش الأستهتار والبخل والاهانه علشان كده بتلاقى اصحاب العربيات الأصليين البخلاء بيهملوها لغاية ماتقع وتيجى حضرتك بعد ماتشتريها تتحمل اهمالهم مده كام شهر تصرف فيهم كام الف جنية وبعد كده لو تراعيها صح تخدمك بكل امن وامان وماتسمعش كلام اللى يقولك الفليشيا بتسخن ده بسبب مية الحنفية اللى بيحطوها فاكرنها لادا وبيبخلو بجركن مية حمراء عليها واهم حاجة فى الفليشيا والعربيات الحديثة دورة التبريد وهات اى عربية 0 وحطلها مية حنفية وشوف حتخربها ازاى
اسوء عيب فى الفليشيا التكييف لو غاوى عربية مكييفه مانصحكش بالفليشيا ممكن تشترى جولف او اوكتافيا
ومبروك على العربية الجديدة !!