الموضوع: مكونات الصني وبلد المنشأ

المشاركة الأصلية كتبت بواسطة ibrahimsaad

بالفعل يافندم كلامك صح ولكن بعض الناس بتبقى عايزه كل حاجه كامله بنسبه 100% ودا تقريبا صعب جدا لازم يكون فيه حاجه ناقصه لان الكمال لله

وعايز اضرب مثل بسيط لبعض الناس

ليه الواحد وهو شاب بيبقى عايز يمشى مع بنات حلوين مزز يعنى زى مابيقولوا لكن لما بيجى يتجوز بيدور على واحده محترمه مامشيتش مع حد ؟
واحيانا وفى معظم الاحيان بيتجوز بعدها كلاسيك بدون حب ولكن بعد الجواز بيجى الحب نتيجه العشره

انا بالضبط بطبق المثل ده صحيح الواحد بيبقى نفسه يجيب احسن عربيه فى الدنيا فيها كل حاجه لكن منين ؟ دايما بيبقى فيه ميزانيه مرتبط بيها فاللى بيحصل ان الواحد بيدور على افضل الحلول المناسبه للمبلغ والشكل والامكانيات واكيد هيكون فيها حاجات مش كامله فهل هيرضى الانسان بده ولا هيفضل يبص لغيره ويتطلع

اكيد كل واحد اعلم بامكانياته وظروفه ومتطلباته من العربيه وايه اللى هو عايزه منها وبناء عليه بيتم اخذ القرار واكيد هيكون فيه مفاضله بين اشياء يحبها تكون موجوده واشياء موجوده بالفعل

انا شخصيا اخترت الصنى رغم انهم بيقولوا عليه دكر بط واللى يقول عضه كلب ههههههههههههههههههههههه
لكن فى المقابل اداء وسعر وامكانيات وراحه

فياريت كل واحد يسال ويعرف ويصلى استخاره ويقرر هو عايز ايه من العربيه عايز شكل ولا اداء ولا امكانيات ولا قوه ولاكذا ولا كذا ... ثم يكون القرار

تمام معاك حق حضرتك :)
بس والله الصني شكلها مش وحش لدرجة عضة الكلب ودكر البط ههههههه ربنا يباركلك فيها يارب وتجيب احلى منها ان شاء الله :)

استاذ Hanytoto12

معلش قدر الله وماشاء فعل

فعلا العين حق وانا كمان اخدت عين حكه فى جانب الباب الخلفى الايمن وحكه من تحت العربيه فى الفتيس بس الاخيره الحمد لله ربنا ستر فيها ولولا انى محصنها كويس كان ربنا يلطف العين فعلا حق وربنا يكفينا شرها يارب

العربيه رغم انها دكر بط وعضه كلب زى ماناس بتقول لكن فيه برده ناس كثير حباها وبتحسدها وانا احيانا ناس بتسألنى وانا ماشى جبتها بكام وعامله ايه وعايزين يشتروا زيها