لانسر كريستالة99 . معقول تكون باظت ده انا لسه جايبها من يومين

**mohamed galaa** · 16-02-2014 03:52 PM

انا الحمد لله اشتريت النهارده لانسر كريستاله 99 مانيوال . روحت بيها مسافه 4 كيلو مع العلم اول مره اسوق عربيه مانيوال المسافه دي . بس الحمد لله ربنا سترها لحد البيت وطول الطريق كنت ماشي ع الاول والتاني عشان الطريق كان بايظ خااااااااااااالص . بس يادوب وانا قدام البيت العربيه بطلت مني . ادورها مش راضية تدور العدادات منوره والمارش شغال بس العربيه مش بتدور . استنيت بتاع خمس دقايق كده ودارت . جرشت وظبطتها . جيت ادور مدارتش . استنيت بتاع ساعه كده . ع ما العربيه بردت وقامت مدوره من اول مره . لعبت شويه بيها قدام وورا وكده بظبطت الركنه :] انتو عارفين بقي اول يوم معايا عربيه بقي وكده وكنت فرحان بيها بس لما دورتها مدارتش الا لما قرصت ع البنزين شويه وفي ساعات بقرص ع البنزين وبرضو مش بتدور :] ف انا الوقتي عاوز اعرف هو العيب من ايه . هل يا تري عيب بطارية ؟ ولا عيب مني انا عشان شرقت مني مثلا ؟ . مستني منكم الرد ف اسرع وقت
يارب تكون خير ومش مصيبة كبيرة

سيتم النقل الى ورشة نايل موتورز
مشرف ب 5

**Elawany13** · 16-02-2014 04:26 PM

أنا مش خبير
بس من اللى قريته فى المنتدى
ده عيب موبينة والله اعلم
لما بتكون سخنه بتتأخر فى الدوراة ولما بتبرد بتدور على طول
انتظر رأى الخبراء للرد عليك

**mohammedabdallh** · 16-02-2014 05:34 PM

ىاعمل سيرفس كامل وانت هتلاقى الدنيا زى الفل
بوجيهات وفلاتر
وسيور
العيب ده
ممكن يكون موبيينه بوجيهات فلاتر

**M.Elgergawy** · 16-02-2014 07:48 PM

كل اللي بتقوله ده معناه ان العربيه شرقت منك

Sent from my GT-I9300 using Forum Runner

**abogoda** · 16-02-2014 07:53 PM

المشاركة الأصلية كتبت بواسطة mohammedabdallh

ىاعمل سيرفس كامل وانت هتلاقى الدنيا زى الفل
بوجيهات وفلاتر
وسيور
العيب ده
ممكن يكون موبيينه بوجيهات فلاتر

العربية المستعملة قبل ما تركبها لازم تعمل سيرفيس كامل

**mohamed galaa** · 16-02-2014 09:56 PM

الشكر للساده الاعضاء كتير . ومتشكر جدا ليكم انتو بجد شرحتو قلبي جدا جدا وان شاء الله انا ناوي اعمل سيرفيس قريب بس الدنيا تروق عشان المطر وكده . ومتشكر جدا جدا ليكم