عملت عندهم وثيقه تأمين اجباري 3 سنين وأنا برخص وبعد سنه حبيت أنقل الرخصه لمرور تاني والمرور طلب مني ملحق للوثيقه فيه باقي مده التأمين رحتلهم قالولي الوثيقه مزوره لأنها مش متسجله عندنا! طب ازاي يا جماعه وفيها العلامه المائيه والمرور قبلها قالو منعرفش! رحت للمركز الرئيسي اللي في روكسي وقابلت واحد مدير قالي فعلا الوثيقه دي مش متسجله عندنا. طب أنا كنت شاريها من الكشك بتاعكو. قالي مش هقدر اساعدك بحاجه! المشكله ان كل اللي كان معايا هوه الصوره الكربون اللي بيحتفظ بيها صاحب العربيه لكن الاصل اللي فيه العلامه المائيه البارزه كان في المرور القديم ورفض الموظف يديهولي طبعا.
المهم اضطريت اعمل وثيقه جديده من مصر للتأمين بالسنتين الباقيين في الترخيص وده كان درس اني مشتريش تأمين الا من مصر للتأمين عشان أضمن شركه تأمين وفاتحه في كل حته في مصر.
فخلاصه الموضوع الموظف اللي تبعهم طلع نصاب وهما أكيد كان عارفين قبل مانا أروحلهم لأنه أكيد مش بايعلي أنا لوحدي وباع لناس كتير بس الشركه كانو كأنهم أول مره يشوفو حاجه زي كده وطبعا موقفتش جنب حد من اللي اشترى الوثائق المزوره دي فمفيش خدمه عملاء ولا تحمل مسؤوليه!
المفضلات