معروص عليا أوبل 2008 فيكترا ؟؟ ايه رايكم يا اهل الخبرة؟

**amr_shaaban** · 19-02-2014 12:34 AM

العربية سودا اوتوماتيك كاملة من غير فتحة سقف و صاحبها بيتكلم ف97 ... العربية علي كلامة فابريكة و ماشية 105000 ..... العربية دي مش منتشرة اوي و مش بشوفها كتير في الشارع يا تري ليه؟؟ و ليا شوية اسئلة؟
- العربية دي الماني الماني ولا متقفلة في مصر ولا ايه؟
- قطع غيارها متوفرة ولا؟
- ادائها موتور و فتييس تمام ولا فية مشاكل معروفة؟
- تكيفها نظامة ايه في حر بلدنا ده؟؟
- العفشة ناعمة ولا طوبة؟
- هيا ولا جيتا 2008 ؟

يا ريت رد ملاكها و اهل الخبرة
و شكرا

**Dr-Daly** · 19-02-2014 01:50 AM

http://www.nilemotors.net/Nile/404022-6.html

التقرير المفصل ده هتلاقي فيه معلومات مفيدة جداً هتساعدك في أسئلتك وبالتوفيق
متنساش تكشف عليها كويس كمبيوتر في مركز محترم عشان تطمئن علي حالة الموتور والفتيس

**بيشوى_رمزى** · 19-02-2014 03:12 AM

اكشف عليها الاول

**Abdo Taha** · 19-02-2014 08:14 AM

اكشف عليها كويس جدا الاول و اكشف على الفتيس طقم دبرياج و كنترولات و قواعد و طبعا حالة الموتور و العفشة و الكهرباء العربية كويسة جدا و قطع غيار معمرة و يفضل حضرتك تقرأ التقرير المفصل بصفحاته اللي دكتور محمد دالي ادالك اللينك بتاعه

**haisam ali** · 19-02-2014 11:24 AM

المشاركة الأصلية كتبت بواسطة amr_shaaban

كلمت الميكانيكي بتاعي عقدني منها ..... بيقولي من قدام اغلبها الومنيوم و حاجتها غالية و قليلة و و بتخسر جامد في البيع و انها غير مطلوبة اصلا !!!
من الاخر بيقولي ابعد عن الالماني من الاساس

بيقولي خليك في الالنترا او سيراتو

السلام عليكم ياغالى .... السؤال هنا بيقول وانت هتسمع كلامه ...؟ ومعلش يعنى ايه من قدام كلها المونيوم...؟؟؟؟

**inspiron** · 19-02-2014 11:28 AM

المشاركة الأصلية كتبت بواسطة amr_shaaban

كلمت الميكانيكي بتاعي عقدني منها ..... بيق
من الاخر بيقولي ابعد عن الالماني من الاساس

بيقولي خليك في الالنترا او سيراتو

حضرتك متأكد إن ده ميكانيكي سيارات !!! ولا فني تسليك بيارات صرف صحي ؟؟ مع إحترامي لشخص الفني القدير

**Abdo Taha** · 19-02-2014 02:11 PM

سؤال بسيط لحضرتك انت عايز ركوبة و لا عايز عربية تقضي بيها حالك و تمشيها و تتخلى عن الرفاهية و الامان و تبيع و تريح دماغك و بعدين هى مش عربية سيئة كده و الله حضرتك لو سقتها و قعدت معاك كام شهر صدقني ما هتعرف تنزل من عليها الا على بي ام فئة خامسة كمان العربية قطع غيارها الاصلي بتركبها و تنساها انا من رأيي تعمل استخارة الاول و تشوف الاصلح ليك وربنا هيقدملك اللي فيه الخير و على فكرة سعرها مش هينزل اكثر من كده و خصوصا ان الاسعار غليت