الموضوع: كيا ريو خليجى 2014 ولا نيسان نيو صنى2014 سوبر صالون

المشاركة الأصلية كتبت بواسطة ibrahimsaad

فيه مثل مصرى بيقول شوف الجار قبل الدار

ونصيحه منى قبل ماتشترى اى عربيه شوف صيانتها وقطع غيارها الاول قبل العربيه واماكن انتشارها

بس انا جقيقى مش عارف هو ده يخلينى اركب عربية انا مش مقتنع اوى بشكلها و تقفيلها و اتغاضى علشان منتشرة و هى الوحيدة المتاحة فى الفئة السعرية دى و لا اركب الاقل انتشارا فى مقابل جودة اعلى و تقفيل افضل وثبات و يفضل عندى مشكلة او ممكن نسميها تخصص اعلى فى الصيانة و قطع الغيار

انا لو مكانك هختار الريو من غير تفكيرعربيه تقفيل كوري مش هتلاقي عيوب الصناعه بتاعت التقفيل المصري كمان محدش اشتكي منها شكلها جديد وومقبول حجمها حلو في الزحمه فيها كماليات ممتازه وانصحك بالهاتش باك هتلاقي الثبات افضل وبالتوفيق ان شاء الله

أخي العزيز .. موضوع مودرن أو أوتو سمير ريان أو غيرة مش مهم طالما هتفعل الضمان بعد كده مع نيسان وتأمن عليها طبعا (ضمن القسط) وأنا شخصيا جبتها من القرش الميرغني.

موضوع التقفيل المصري مش زي ماالناس مصوراه وببساطة المرسيدس والبي إم دابليو بتتقفل في مصر ولكن المعيار هو معايير الجودة.. وده موجود في نيسان اليابانية إللي مش هتغامر بإسمها وللأمانة وأقسم بالله عربيتي زي الفل وخد بالك إنهم لو فيه تعليقات بتتظبط والموديلات إللي من أول مانزلت 2014 محدش إشتكي منها وانا مثال... أنا بس مش عاوز حد يقلقك ويقوللك تقفيل مصري وكده. المهم معايير الجودة يا أفندم.

رأيي برضه إبعد تماما عن بيجو أو الفرنسي عموما لأكثر من عامل وأولهم التكنولوجيا اليابانية أعلي طبعا وقطع الغيار غالية بجد وسعر البيع مش زي مانت متخيل لأن ببساطة موديل 301 مش بيتعمل غير لينا ومالوش سوق بره... عموما إنت برضه حر

أخيرا مازلت عند رأيي في الكوري إللي الكل عارف إن عوامل الأمان بتاعته ضايعة ولكن يتبقي الشكل إللي الناس ممكن تلعب عليه وبكل حيادية الكيا أحلي شكلا (وليس مضمونا).. وطبعا إنت حر وربنا يهيألك الخير ليك.

سلام عليكم ...
انا متشكر جدا على ردود حضراتكم جمعيا والله وفعلا مساعدة كريمة من حضرتكوا
انا الحمد لله استقريت على النيسان السوبر صالون ان شاء الله

وربنا يكرم ان شاء الله ويكون اختيار موفق
انا ان شاء الله هروح احجز عند مودرن موتورز فى الدقى جنب شغلى الايام الجاية بس هما قالولى التسليم للسوبر صالون بعد 3 شهور فا هل فى وكيل تانى ممكن يكون بدرى شوية
شكرا مره اخرى للجميع وللاستاذ هانى خصوصا على ردوده الوافية

المشاركة الأصلية كتبت بواسطة ibrahimsaad

افتكر انى رشحت له بيجو او ستروين ومقلتش صنى
مش عارف ليه حضرتك لازمته ايه كلامك ده

انا بعرض وجهات النظر بامانه وله حريه الاختيار

انا شخصيا اشتريت صنى رغم انى كنت اقدر اجيب البيجو للسبب اللى قلته

استاذى اعتقد ان حضرتك فهمتنى غلط
انا كل اللى فى دماغى ان انا فعلا بفكر فى الكلام اللى قلته و عايز اخد رايكم
مش مقصود توجيه اى كلام لانتقاد راى
و اعتذر لو حمل كلامى معنيين

المشاركة الأصلية كتبت بواسطة mgaballah

سلام عليكم ...
انا متشكر جدا على ردود حضراتكم جمعيا والله وفعلا مساعدة كريمة من حضرتكوا
انا الحمد لله استقريت على النيسان السوبر صالون ان شاء الله

وربنا يكرم ان شاء الله ويكون اختيار موفق
انا ان شاء الله هروح احجز عند مودرن موتورز فى الدقى جنب شغلى الايام الجاية بس هما قالولى التسليم للسوبر صالون بعد 3 شهور فا هل فى وكيل تانى ممكن يكون بدرى شوية
شكرا مره اخرى للجميع وللاستاذ هانى خصوصا على ردوده الوافية

ان شاء الله اختيار موفق انا معايا السوبر صالون وعامل 2200 ك ما شاء الله عليها الحمد لله حتي الأن بدون مشاكل والفرامل كويسة جدا جدا الصالون واسع ومريح عوامل الأمان زي الفل 2 اير باج abs والكماليات تستاهل فرق السعر العدادات البلوتوث الطاره المالط الأسبويلر وكمان الجنوط دي لوحدها سعرها 5800 ف التوكيل والتكييف التاتش ومؤشر الحراره وده مهم جدا اما بالنسبهل للثبات بصراحه انا وصلت لسرعة 150 وكانت ثابته بس انا مزودتش عن كده وانا مش هتكلم عن عربيات تانيه

المشاركة الأصلية كتبت بواسطة mgaballah

سلام عليكم ...
انا متشكر جدا على ردود حضراتكم جمعيا والله وفعلا مساعدة كريمة من حضرتكوا
انا الحمد لله استقريت على النيسان السوبر صالون ان شاء الله

وربنا يكرم ان شاء الله ويكون اختيار موفق
انا ان شاء الله هروح احجز عند مودرن موتورز فى الدقى جنب شغلى الايام الجاية بس هما قالولى التسليم للسوبر صالون بعد 3 شهور فا هل فى وكيل تانى ممكن يكون بدرى شوية
شكرا مره اخرى للجميع وللاستاذ هانى خصوصا على ردوده الوافية

رقم اوتو ايجبت 16666 اسأل برضه عن ميعاد التسليم