شرخ فى الزجاج الامامى - لو هغير الزجاج الامامى أى نو زجاج افضل؟؟؟

**johnior** · 19-02-2014 01:27 PM

عندى شرخ فى الزجاج الامامى للعربية نيو اكسينت 2010. عايز اعرف حد شرخ المسموح بيه للحقن علشان لو زاد عن الحد ده انا هحتاج اغير الزجاج. ولو مضطر انى اغير الزجاج اى نوع افضل وعند مين بالاضافة ان محتاج شماسة كمان فى الزجاج.

**moe gawad** · 19-02-2014 02:57 PM

بص روح عدل على جريش فى العاشر , او ممكن تروح عند السباعى فى ميدان صلاح الدين,
دول احسن ناس وافضل اسعار للزجاج,

**mohamed salhin** · 19-02-2014 03:14 PM

انا عندى برضو شرخ فى العربيه بس اكسنت مود 2005 الشكل القديم وانا عاوز ارفع صورة بس مش عارف المهم انا من الاقصر ورحت لواحد اسمه خالد وقالى الزجاج لازم يتغير والسؤال لو اتغير الزجاج هيركب زى الاول ؟ وايه افضل نوع للزجاج علما انا عندى الفابريكه

**johnior** · 19-02-2014 03:15 PM

طب جريش هيكون علية كلامة جريش. اما بتاع صلاح الدين هل هيكون علية علامة هيونداى ومش هقول هو بس نفس مواصفات الزجاج اللى كان موجود؟

**lad** · 19-02-2014 03:17 PM

حاول متغيرش الاصلى و حاول تحقنة بعد الاصلى بصراحة مفيش

**johnior** · 19-02-2014 03:25 PM

عايز اقول لحضرتك معلومه انا نسيت اقلوها وانا اسف لكده بعد سنتين من شرا العربية طوبه جابت لى الزجاج كله وبقى خريطة ما بقيتش عارف عارف احقن ايه ولا ايه.... المهم اضريت انى اركب جريش عند محل من المحلات هو كويس بس تقفيل الشغل ما كانش عاجبنى... المهم دلوقتى محتاج اعرف منين اجيب حاجه كويسة وأمنه وبسعر مقعول مش الفات يعنى. مع العلم ان الشنقره والشرج اللى عندى بالعرض تقريبا 50 سم فى نص الزجاج وبالطول 30 سم ومتقاطعين مع بعض فى النقره اللى ف ىالنص.

**johnior** · 19-02-2014 03:49 PM

منتظر رأيكم

**mummy_47** · 19-02-2014 04:18 PM

المشاركة الأصلية كتبت بواسطة johnior

عايز اقول لحضرتك معلومه انا نسيت اقلوها وانا اسف لكده بعد سنتين من شرا العربية طوبه جابت لى الزجاج كله وبقى خريطة ما بقيتش عارف عارف احقن ايه ولا ايه.... المهم اضريت انى اركب جريش عند محل من المحلات هو كويس بس تقفيل الشغل ما كانش عاجبنى... المهم دلوقتى محتاج اعرف منين اجيب حاجه كويسة وأمنه وبسعر مقعول مش الفات يعنى. مع العلم ان الشنقره والشرج اللى عندى بالعرض تقريبا 50 سم فى نص الزجاج وبالطول 30 سم ومتقاطعين مع بعض فى النقره اللى ف ىالنص.

انا رايي الشخصي.....لازم تغيير الزجاج ..هات زجاج يكون وسط..مش غالي ومش رخيص...........ليه؟؟؟.. لانك ببساطة في مصر....يعني لو طالع على الدائري وعربية نقل طوبة تخيب كده او كده هتعملك نقرة في الزجاج وهتظطر تغييره تاني .....وربنا يسلم الجميع