-
كابريس كلاسيك
العربية دى بسم الله ماشاء الله تحفة تحفة تحفة
كان عندنا واحدة موديل 1990
وللاسف مش عارف اعوضها لغاية النهاردة مفيش عربية قدرت تملا دماغى زى العربية دى
على فكرة بالنسبة للموتور هى معظمها موتور 8 سلندر 5700 سى سى وفى منها 8500 سى سى بس دى قليلة
العداد كان اخره 200 بس فعلا ممكن تكمل بعد العداد عادى جدا وحتى على سرعة 200 تحس انك ماشى على 60 بسم الله ماشاء الله من كتر اتزان العربية
كماليات العربية مش موجودة فى عربيات كتير النهاردة كراسى كهرباء 10 اوضاع
مثبت السرعة
حتى حزام الامان كهرباء بيشتغل مع الفرامل يعنى مهما حاولت تشد الحزام عشان يعشق مش هيعشق معاك لكن فى حالة الفرملة القوية هيعشق.
بصراحة انا بعشق العربية دى
-
'طب الكابريس كلاسيك 1987 سعرها كام اليوميين دول لو حالتها نظيفة و هل قطع غيارها متوفرة
-
-
شكرا على التقييم
العربية دي في السعودية 2000 ريال بتكون جايبها
ولو نظيفة اخر حاجة ممكن 5000
انا بحب الميركوري 1989 كمان
واحسن حاجة بتعجبني فيهم
انها وااااااااسعة +متحسش بالمطبات نهائي
بس متنفعش في شوارع مصر الضيقة لانها كبيرة
-
العربيات دى كانت منتشره جدا ايام ما كنت فى السعوديه و كانت تاكسى هناك غالبا
انا سوقت عربيه زى دول مره واحده بس كانت طيااااااره العربيه بتجمع سرعه بطريقه غريبه بس كانت 2800cc
6 سلندر 210 حصان
-
العربيه دى فى مصر يا جماعه سعرها رخيص جدا جدا لانها قطع غيارها اسعارها نار والترخيص بتاعها ناااااار .. سعرها حوالى 25 الف جنيه ده كان اخر مره شفته من اكتر من شهرين .. ومش معقول سعرها يكون بقى اغلى ...
لو حد عاوز يشوف العربيه دى يروح الشارع اللى بين غمره ورمسيس " شارع رمسيس " .. ويجى عند كوبرى السبع يقف هيكون اول شارع على ايدك الشمال .. اركن عربيتك وانزل اتمشى على رجليك هتلاقيها مرميه هناك بالهبل .. انا كنت بروح لواحد صحبى هناك وامشى الشارع غايت اخره كلها عربيات امريكى وفى بعضها للبيع وانا مستغرب كميتها هناك كتير كده ليه وبعضها التراب غطاها من كتر الركنه !!!
-
طيب بالنسبة لو تم تحويلها لغاز هل ذلك يؤثر علي كفاءة موتور السيارة , مع العلم اني اعرف ناس بيشغلوها ببنزين 80 هل ذلك له تأثير علي الموتور
-
انا بحب العربيه دى بس مشكلتها البنزين
-
العربيه دي فعلا محترمه من كل حاجه ثبات و قوه و راحه و اتحس انا ملك فيها
-
شكرا للتقييم , الكابريس كانت عربية والدى الله يرحمه من سنة 84 الى 2002 كانت موديل 79 فى الكويت , وياما سافرنا بها من الكويت الى مصر ومن الكويت الى العمرة وصدقت المقولة : -
إذا أردت السفر فعليك بالشفر
Content Relevant URLs by
vBSEO 3.6.0 PL2