رابطة ملاك byd (استفسار - مشكلات- قطع غيار -...) ادخل هنا

**moh_rag_abd** · 22-02-2014 03:15 PM

الحمد لله رخصت النهارده فهقولكو الاسعار لو حد هيرخص قريب

ملف الفحص 10 جنية من الشباك
ملف فحص لاول مرة من الخزنة ب 25 جنية
تأمين اجباري 120
طفاية حريق 128
ضريبة 460 جنية سنة
30 جنية تعليق النمر
وفيه حوالي 200 جنية اكراميات للي شغالين في المرور ومندوب البنك

**hugan** · 22-02-2014 03:19 PM

فكره ممتازه
وتكون مرجع لاءي استفسار عن العربيه

**moh_rag_abd** · 23-02-2014 10:57 PM

فعلا الموضوع ده هيكون مفيد جدا لكل الاعضاء
علشان كدا لازم كلنا نشارك فيه مشاركات ايجابية علشان نستفاد كلنا
انا مش شوية كنت بدور علي الموضوع اللي كانت بيتكلم عن عضة الفتيس
بقيت ادور في صفحة صفحة ومتوسط عدد المواضيع اللي بفتحها في الصفحة 5 مواضيع
لقيت الموضوع في الصفحة رقم 8 يعني فتحت 40 موضوع علشان ادور علي الموضوع اللي انا عايز
بس منكرشي اني استفدت كتير من المواضيع اللي فتحتها
فعلشان كدا الموضوع ده هيكون مهم وهيريحنا وهنستفاد منها
المهم لينك الموضوع اهوا علشان محدش يدور عليه :D
http://www.nilemotors.net/Nile/379330-a-2.html

**morabet8** · 24-02-2014 12:28 AM

عندي صوت صفارة مع دوران الدريكسيون بسمعه الصبح بعد الدوارة وبعد كده خلاص مش عارف ده ايه
العربية عاملة 2700 كم

**captainahmed** · 24-02-2014 11:54 PM

المشاركة الأصلية كتبت بواسطة moh_rag_abd

ابتدي انا باول استفسار عن العربية
بما اني لسه مستلم العربية امبارح BYD f3 مانيوال
فكنت عايز اعرف شوية حاجات
اولا العربية فيها حساسات ركن؟
وبالنسبة للانذار ايه امكانيتو ؟ انا جربت موضوع الاخ melsheshtawy
عن طريقة ظبط حساسية الانذار بس مظبطتشي معايا هحاول معاه تاني النهارده
بس برضك عايز اعرف لو ظبطو علي اعلي حساسية ايه اللي هيتم؟

واخيرا في زرار الشبورة اللي جنب زراير المرايا الكهربة والتاني اللي تحت الانتظار
ايه الفرق بينهم؟

واخير ادعولي ان العربية تكون كويسة واعرف اتقلم مع الفتيس المانيوال بسرعه
علشان العربية اللي كانت معايا قبل كدا كانت اوتوماتيك

بالنسبة للحساسات بتاعت الركن للاسف مفيش في المانيوال رغم ان في بروشور العربية اللي شركة الامل بتوزعه نازل فيه و انا حقدم فيهم شكوي في جهاز حمايه المستهلك عشان الموضوع ده + الالوان اللي في البروشور مش هي اللي موجوده للبيع زي مثلا ال Recife Blue

بالنسبة للانظار انا لسه مجربتش الموضوع حجرب و اقولك

زرار الشبورة انا برده عندي نفس الاستفسار و يا ريت حد يفيدنا و يقول الفرق ايه !
لان في حد لسه منزل موضوع انه ركب الفوج لايتس لقدام و ليها نور تاني في التابلوه غير بتوع ورا اللي هو الزرار اللي علي الشمال !

تقريبا و انا غير متاكد ان اللي علي اليمين ده تحت الانتظار ده تسخين الزجاج الخلفي و تاني بكرر اني غير متاكد

ربنا يكرمنا جميعا لاني برده لسه مستلم من اسبوع تقريبا و يادوب حروح اعمل كمان يومين صيانه ال 1000

**Patrickologyy** · 28-02-2014 09:18 PM

النهارده كنت فى شارع دمشق الصبح .. سعر موتور قربه مياه المساحات 35 جنيه .. سعر القربه كلها 80 جنيه .. سعر كاوتش الابواب المتر ب 75 جنيه .. و لو حد فمره عرف سعر حاجه يقولنا عليها هنا علشان اللى يعوز الحاجه دى يعرف سعرها فى حدود كام بس :)

**ELKHOLY22** · 14-03-2014 01:23 AM

متابع والله الموفق

**Ahmed_BYD_F0** · 17-03-2014 04:38 PM

فعلا موضوع الغيار التقيل ده موضوع رخم قوى
انا قولتلهم عليه فى التوكيل وانا بعمل صيانة f0 الخمستلاف
ولما سلمولى العربية بعد الصيانة لقيت المشكلة اتحلت بانهم رفعوا الدبرياج فوق شوية مش كتير
فبقى الفيتيش بينقل بسرعة بدون اى مشاكل