الله ينور عليك يا باشا
اول لما اشتريت عربيتى عملتها برضو - بس الموضوع كان رايح من دماغى
وفعلا باشكر حضرتك على المشاركه ديه
كل الاقسام شغاله واحنا قاعدين نتفرج ونقول الله ينور
:shyy:
عايزين حاجه تبقى علامه مميزه للقسم
عرض للطباعة
تركيب الفوانيس و اللمض المحترقة و تغيير الكلاكس
تغيير او تنضيف فلتر الهوا و البنزين
تغيير البوجيهات
تغيير طقم سلوك البوجيهات
تنضيف الإسبراتير
و الخ الخ بس الواحد بيزهق والله
حضرتك بتزهق
لكن فعلا انا باستمتع بشغلى فى العربيه
قبل اى حاجه طبعا انا باشكر محمد ممدوح باشا - فعلا انا اتعلمت على ايده كتير - وخصوصا ازاى ادور على المعلومه وابعد عن الناس اللى بتقول اى كلام
كان معايا قبل كده دايو لانوس - عملت فيها كل حاجه
غيرت فيها حاجات كتييييييييييير
وعدلت فيها بإيدى حاجات بسيطه لكن كانت ممتعه
صلحت عوامة البنزين ولما باظت غيرتها
ركبت عداد فيه rpm مع العلم ان العربيه مكنتش مجهزه لكده
غيرت الرشاشات وركبت رشاشات bmw
كابلات وبوجيهات وموبينه
خراطيم مياه بايظه
الاضاءه الداخليه بالكامل وتغيير الوانها
الاضاءه الخارجيه وتقوية الكابلات
ضبط الكهرباء بتاعت الساعه الداخليه اللى كانت بتفصل خاااااالص
ضبط مفتاح الشبوره
بجد كنت ببقى مبسوط جدا فى كل مره الحاجه تشتغل وتطلع حلوه
الحمد لله خلال شغل تقريبا 6 سنين فى اللانوس كل اللى باظ منى كابل بوجيهات
نفسى اوصل للمرحله ديه فى اللالنترا
انا عربيتى نيو اكسنت 2010 الحمد لله اى حاجه كهربا تقريبا بعرف اعملها
تركيب فوجات العربيه من الالف للياء بالضفيره بالمفتاح
تركيب جهاز انذار جديد
تركيب فتح الشنطه بالريموت
تركيب وحدات رفع الزجاج
تغيير الفلات والبوجيهات ( ماعدا فلتر البنزين بصراحه ) مقلق اعمله بس بغيره فى الفيرنا
اصلاح السنتر لوك وتغيير ماكينه الزجاج الكهرباء العطلانه
تغيير جوان غطا التاكيهات
تغيير تيل الفرامل والطنابير وتغيير زيت الفرامل بالكامل
تغيير السيور ماعدا سير الكاتينه
قمت بتغيير بارات الدركسيون ودراعات الميزان
تركيب الزينون وفك وتركيب الفوانيس
تغيير الكلاكس وتغيير موتور مياه المساحات
تركيب الكاسيت والسماعات
طبعا كل ده مش فى عربيتى بس لكن اخواتى وقرايبى واصحابى اللى بيعوز يحط بنزين بيكلمنى الاول هههههههههه ( اصلها هوايه بعيد عنكم وبنسى الوقت معاها وعملتلى مشاكل كتير مع !!!!!!!!!!!!!!!!!!!)
بقولكم ايه , انا كان فيه اقتراح كده كان مع المهندس عاصم والمهندس سمير الشهاوى وهما رحبوا بالفكره جداً , والحقيقه انى الفكره ديه فكرة عاصم نفسه ,
هانعملها للعربيات الهيونداى اولا , و خصوصا الفيرنا , انا عندى 2 مهندسين غيرى فى المركز , وانا دلوقتى بعمل معادلة شهادتى (Masters) فى النمسا لميكانيكا سيارات ,
ايه رأيكم لو نبتدى نعمل كورسات مجانيه فى المركز عندى كل يوم جمعه ساعتين , نعلمكم ازاى تعملوا الصيانات المبدأيه للسيارات الهيونداى ,
و كل مره حد يكون كويس فى كتابة التقارير يعمل تقرير على المنتدى باللى اخدناه , و كلنا هانستفيد من بعض, لى الفكره عاجباكم ابعتولى , وانا هابتدى معاكم من الجمعه القادمه اللى جايه انشاء الله تعالى
وكمان هانخلى صنايعى محترف من عندى يورينا الفك والتركيب وكله عملى , وده مجانا تانى بكرر ,
فيما سبق كان معايا 131 لمده 15 سنه
كنت بفك العدادات بصلحها انظفها
افك الفوانيس اغسلها واظبطها
افك عوامه البنزين اصلحها
صالون العربية ومكن الازاز
شغل خفافي كده مش دخلت في تغيير اي حاجه ميكانيكه او من التقايل بس بكون جنب الصنايعي بقوله وبعلق على شغله ( وده بيخليه يزهق مني كزبون )
ده كله قبل الجواز التاني ( اصلي متجوز مراتي على شغلي زي ما بيقولوا عليا)
حاليا معايا نيو اكسنت 2008 اوتوماتيك وبحاول لسه استكشف فيها
الحاجه الوحيده اللي عملتها فيها هي تشغيل لمبه التشك انجن
وطبعا مفيش وقت لاني اهرش
أخي الفاضل / أبو مروان
أولا.. أنا بأشكرك جدا جدا جدا علي الموضوع اللي طلبت اكثر من مرة بعمله من عدد من الاعضاء لأنه كان ناقصنا فعلا داخل قسم هيونداي
ثانيا .. أسمح لي أننا ننظم الموضوع مع بعض بشكل أفضل بحيث يكون موسوعة كاملة تحتوي روابط لموضوعات السادة الاعضاء و التي تحوي أعمال الصيانة و الاصلاح و التعديل التي نفذوها بأيديهم في كل موديل
كما أرجو من السادة الاعضاء الكرام المزيد من التفاعل معنا بالموضوع