تجربة زيت Mobil 1 ESP formula 5w30

**Karim_Monir** · 24-02-2014 09:54 AM

مشكلتي مع ال 5-30 مش مشكلة صوت خالص
انا بجرب في عربيتي كل انواع الزيوت اللي بتنزل في مصر
توكيلها بيبعتلي عينة اجربها
زادو (هولندي اوكراني
وولف بلجيكي
بيزول الماني
ميجوين (الشركة الام ل ليكوي موللي) الماني
وولفر (جاري تجربته وبدايتة مبشرة بقالي 3 الاف كم الماني

كل الزيوت دي بجربها ورا بعض وبكتب التقرير وانطباعي عن كل زيت وببعته للشركة

مشكلتة الخاصة مع 5-30 مش عارف اوصفها ازاي لكن هي باختصار لما تمشي مشوار طويل بحمولة تقيلة وجو حر وتكييف
بعد 200 او 300 كم تلاقي سحب العربية مش حلو رغم لمبه الحرارة منورتش
ولازم تقف شوية تبرد العربية حاجة عشر دقايق
يسحب شوية كويسيسن تاني ويرجع السحب يبقي وحش
انت بتدوس بنزين والعربية مبتسبش معاك ومش فايقة

المشكلة دي بتحصل دايما معايا في 5-30 بس
5-40 لاء
بمختلف درجات الحرارة لحد 48 وانا خارج من شرم الشيخ الساعه 12 الضهر

المشكلة التانية ان كمبيوتر العربية بيقولي غير الزيت كدة ال 13 الف خلصو
مع ال 5-40 بكون عملت بين 11 الي 12 الف
مع ال 5-30 بيكون عمل من 8 الي 9 الاف كم
عارف انه حسب ظروف القايدة
لكنها حصلت في 4 مرات اللي حطيت فيهم 5-30
علما بان توصيات اللزوجه بعربيتي 5-30 مع ll04

**Karim_Monir** · 24-02-2014 11:12 AM

مقدرش اقول كدة طبعا لان المفروض صانع السيارة جربها في مختلف الطرق والظروق والاجواء
لكن يمكن سبيكة الموتور عندي حامية شوية
ووزن العربية تقيل علي الموتور لاني اقل موتور في افلئة دي مع وزن سيارة تقيل
وكمان حمولة وحر ومسافة اكيد يهلك اي زيت

**borio1704** · 24-02-2014 11:24 AM

المشاركة الأصلية كتبت بواسطة akmm

استاذ كريم ... كده ووفق كلامك وتجربتك لعده انواع من الزيوت ان اى زيت منهم على درجه 5w30 فيه في النهايه مشكله من نوع ما مع ذات السياره خاصه في الصيف يعنى درجات حراره مرتفعه ... ولكن المشكله دى بتختفى مع الدرجه 5w40 .... اذن الدرجه الاخيره دى هى المناسبه لسياراتنا تقريبا في الصيف كده صح ولا راى حضرتك ايه ؟

حضرتك أخدت حالة معينة وعممتها على جميع السيارات الأخرى

وده مع احترامي الشديد لحضرتك... مش صح

مفيش درجة لزوجة مناسبة لحرارة جو على الإطلاق

إنما فيه درجة لزوجة مناسبة لحرارة جو في موتور معيّن

يعني لازم التلاتة مع بعض

ببساطة كده.. تصميم كل موتور مختلف عن التاني... والموتور اللي محتاج زيت تقيل عادة بتبقى خلوصاته واسعة

عمرك شفت زيت موتور ديزل لزوجته 5w-30؟؟؟؟
استحالة.... لإن خلوصات مواتير الديزل أوسع بكتير من مواتير البنزين

عشان كده دايما بنقول: القاعدة الذهبية... ارجع لكتالوج العربية

...

**borio1704** · 24-02-2014 11:46 AM

المشاركة الأصلية كتبت بواسطة akmm

كلام جميل .............. ولما كتالوج العربيه بيذكر ثلاثه انواع من الزيوت وهى 10w30 - 10w40 - 5w40 ده معناه ايه ؟ وانهى منهم ممكن نستعمله ... مع جزيل الشكر .

ممتاز...

هنا بقى عندك كذا خيار

أول حاجة.. إيه اللي متوفر منهم في السوق

تاني حاجة.. القاعدة التانية من القواعد الذهبية بتقول.. لو الجو حر روح على اللزوجة الأعلى .. والعكس صحيح.

بس فيه حاجة مهمة... كل واحد من دول ينفع للجو الحار... والجو الحر اللي بنتكلم عليه يعني درجة الحرارة ما تقلش عن صفر مئوية في الشتا.

القاعدة التالتة من القواعد الذهبية بتقول.. الزيت التقيل بيحمي الموتور أكتر بس بيزود استهلاك البنزين.. والعكس صحيح

وفي الآخر.. شوف إيه اللي يناسبك منهم بناء على القواعد دي.

...

**Dr_Moustafa** · 24-02-2014 12:00 PM

المشاركة الأصلية كتبت بواسطة akmm

استاذ كريم ... كده ووفق كلامك وتجربتك لعده انواع من الزيوت ان اى زيت منهم على درجه 5w30 فيه في النهايه مشكله من نوع ما مع ذات السياره خاصه في الصيف يعنى درجات حراره مرتفعه ... ولكن المشكله دى بتختفى مع الدرجه 5w40 .... اذن الدرجه الاخيره دى هى المناسبه لسياراتنا تقريبا في الصيف كده صح ولا راى حضرتك ايه ؟

انا رديت على الاستاذ كريم
الموضوع مش 5W-30 وبس ، لأ
الـ bmw ليها مواصفات زيت معينه بالاضافه الى درجة اللزوجه

المشاركة الأصلية كتبت بواسطة Dr_Moustafa

كريم باشا
توصية اللزوجه LL-04 خاصه بأوروبا ( موضوع متعلق بالبنزين )
المواصفه المناسبه خارج أوروبا هى LL-01

الزيوت 5W-30 اللى انت جربتها زى wolf مواصفتها LL-04
يعنى المشكله ليست فى 5w-30
لازم الزيت يكون LL-01

تحياتى

**Karim_Monir** · 24-02-2014 01:39 PM

ال لونج لايف ليه علاقة اكثر بانبعثات العادم
اوربا 04
امريكا 04 وبعض الولايات 07

لكن المشكلة الاساسية وده في كل الزيوت ال 5-30 اللي حطيبتها في عربيتي
فالفولين وولف وغيرها انها زفت اول مالحر يزيد تقع مني
الميكانيكة بيسموها السبيكة بتحن
لو في العربية مقاس ضغط الزيت كان ساعدني كتير عشان اعرف المشكلة جاية منين
بس اللي متاكد منه ان مواتير البي ام بالذات مواتير حامية وبتتعب الزيت

-

-

-

الموضوع: تجربة زيت Mobil 1 ESP formula 5w30

LinkBack

أدوات الموضوع

عرض

-

-

-

-

-

المواضيع المتشابهه

لخبراء الزيوت أسأل عن درجة 5w30

-هيونداي أكسنت rb و زيت الموتور () 5w30 ( في التوكيل(محتاج رأيكم)

فواعليه1 Formula One ...!!

Formula 1

الكلمات الدلالية لهذا الموضوع

المفضلات

المفضلات

ضوابط المشاركة