مش شرط أن مهندسي التوكيل يقولوا حاجة أنها تكون صح : معظمهم فاهم بس مش الكل
Why you don't install HID(xenon) in to your car?
أتفرجوا علي الفيديو ده وقلوللي ايه رايكم:
http://www.youtube.com/watch?v=-p9gQvzOLog
أنا رأيي أن مصنعي السيارات بيوفروا في الخامات علشان يكون سعر العربية مش غالي قوي ولو تويوتا كانت مجهزة الفوانيس للزينون كانت الكورولا نزلت بيهم بالفعل بمعني أن فوانيس الكورولا فيها reflectors والزينون محتاج projectors.
تنبيه عام:محدش ياخد كلام قسم الصيانة أو الاكسسوارات علي انه سليم 100%(ليه تجارب كتير معاهم بعضها في الكورولا 2014 وأكترها في الكورولا 2004)
تجارب الكورولا 2014: المهندسين قالو:
1- مينفعش تعلي صوت الكلاكس علشان هو فردة واحدة : (تم تركيبة في التوكيل)
2- مينفعش تركب لمبة 55 وات في الفوجات علشان مقاسهم مختلف عن ال 19 وات (تم تركيبة في التوكيل)
3- انذار الكوبرا أحسن من سيمفوني الايطالي : ركبوا الكوبرا وطلع بيركب علي الcenter lock مش الاشارات (يعتي اي حد يفتح باب العربية بمفك الانذار ميشتغلش)وخليتهم يغيروه للانذار الايطالي اللي بيشتغل علي الاشارات ومش بيفصل الا بالريموت.
4-مينفعش تعدل مسوجر الدركسيون (كان بيلف نص لفة كاملة شمال علشان يقفل): سألت مهندس تاني في التوكيل و فعلا فك الدركسيون وظبط المسوجر وبقي يقفل علي ربع لفة يمين زي باقي العربيات. (تم تعديله في التوكيل)
أحد تجارب الكورولا 2004: المهندسين قالو:
يجب تغيير العددات ب 6000 جنيه علشان العدادات كانت بتفصل وتشتغل تاني لوحدها : بعد كلام كتير و3 زيارات للتوكيل اقتنعوا بكلامي وفكوا العدادات وثبتوا فيشة العدادات واشتغل زي الفل.
بمسي علي الكل ومستني أرائكم