هل من افكار اخرى ؟؟؟؟؟؟؟

**midoabdeen** · 21-02-2014 01:25 PM

السلام عليكم ورحمة الله وبركاته

كلكم طبعا شايفين حال اللد بقى عامل ازاى

كل حاجه غليت والعيشه بقت صعبه الى حد كبير

ومن اكتر الفئه اللى متاثره بحال البلد دا الشباب اللى زينا

عايزين نبدا حياتنا فى ظروف صعبه

المهم انا محاسب فى شركة ما وبفكر اعمل مشروع لى بعد شغلى

امان ليا لو حسلت اى ظروف وسيبت الشغل وكمان زياده دخل ليا

الافكار اللى فكرت فيها

1- تعبئه السكر

كنت شغال فيه مع واحد صاحبى قبل كده بس صفينا بسبب مشاكل

الموضوع مربح وله مستقبل كويس بس المشكله فى راس المال الموضوع مبدائيا كده عايز فى حدود 30-40 الف ج كبدايه علشان تعرف تشتغل وتبدا صح ويبقى ليك سوق وعملت دراسه جدوى بس المشكله فى التراخيص وكمان راس المال غير متاح

2- الاكسسوارات

اننا نعمل اكسسوارات انا و مجموعه من اصحابى بيفكروا فى نفس الفكره بس المشكله فى التوزيع لان الموضوع دا كتتتتتتتر جداااا اليومين دول هو المشروع مكسبه كبير جدااااااااا لان ممكن حاجه تبقى واقفه عليك ب 6-7ج وتبيعها انت ب 60 -70 ج عادى جدا

3- فكرت فى تاكسى

بس طبعا اول مشكله وهى الاهم الفلوس لان عايز باردوا فلوس كتتير وكمان ومخاطره فى الظروف اللى البلد فيها وانعدام الامان فى الشوارع زى ما اغلبنا شايف

هل من افكار اخرى تصلح لنا كشباب لزياده دخلنا ويكون ليها مستقبل كويس ومبشر

علما بان راس المال مش كبير الى حد ما

لسه شباب بقى فى بدايه حياتنا

**midoabdeen** · 21-02-2014 04:33 PM

يا نهاااااار ابيض
ايه الصحراء دى يا جدعان

**MaZaGAngeE** · 21-02-2014 04:42 PM

انت ممكن تعمل تسويق بين المصانع و المحلات

**subhimust** · 21-02-2014 05:33 PM

طب ممكن تدي لاخونك في المنتدى فكرة عن موضوع لسكر

**punisher** · 21-02-2014 06:12 PM

بص انا بصراحة معنديش فكرة افيدك بيها بس انا شاب زيك ( 27 سنة ) وطبعا مشكلة الفلوس والسيولة دى اول حاجة كانت تعبانى وانا شغال فى الاستيراد بعنى السيولة اهم حاجة ليا

انا هقولك انا عملت ايه ممكن يفيدك

أولا أوعى تفكر خالص فى انك تاخد قرض من البنك بحجة انك مضطر عشان ربنا يباركلك

ثانيا وده اللى انا عملته لميت فلوس العيلة ( أخويا اللى فى دبى واللى فى مصر ووالدتى وخالتى وكان معايا شبكة بعتها ومبلغ صغير كنت شايله ) المهم الحجات دى لما اتجمعت وصلنا 80000 وبدأت رحلة الكفاح والحمدلله ربنا مبارك

ثالثا حاول لما يجيلك ربح تطلع منه جزء صدقة ولو نسبة بسيطة ( ما نقص مال من صدقة )

تحياتى

**midoabdeen** · 28-02-2014 10:23 AM

المشاركة الأصلية كتبت بواسطة subhimust

طب ممكن تدي لاخونك في المنتدى فكرة عن موضوع لسكر

والله بص الموضوع كبير وحتاج كلام كتير
بس مبدائيا كده انت محتاج راس مال كبير الى حدا ما علشان تعرف تكمل
محتاج مبدائيا مكان كويس ووسيله توزيع عربيه ربع نقل مثلا او تروسيكل ومحتاج فلوس للخامات اللى هتششغلك وكمان محتاج مبلغ على جنب لان هيبقى عندك شغل اجل كتييير جداااا ودى اكبر عقبه هتقابلك فى المشروع دا

المشاركة الأصلية كتبت بواسطة punisher

بص انا بصراحة معنديش فكرة افيدك بيها بس انا شاب زيك ( 27 سنة ) وطبعا مشكلة الفلوس والسيولة دى اول حاجة كانت تعبانى وانا شغال فى الاستيراد بعنى السيولة اهم حاجة ليا

انا هقولك انا عملت ايه ممكن يفيدك

أولا أوعى تفكر خالص فى انك تاخد قرض من البنك بحجة انك مضطر عشان ربنا يباركلك

ثانيا وده اللى انا عملته لميت فلوس العيلة ( أخويا اللى فى دبى واللى فى مصر ووالدتى وخالتى وكان معايا شبكة بعتها ومبلغ صغير كنت شايله ) المهم الحجات دى لما اتجمعت وصلنا 80000 وبدأت رحلة الكفاح والحمدلله ربنا مبارك

ثالثا حاول لما يجيلك ربح تطلع منه جزء صدقة ولو نسبة بسيطة ( ما نقص مال من صدقة )

تحياتى

طبعا موضوع القرض دا لا يمكن افكر فيه من الاساس

ممكن تدينا فكره عن مجال عملك ياعنى تستورد ايه وطريقه التسويق وكمان اقل مبلغ ممكن الواحد يبدا بيه كام وايه السلع اللى الواحد ممكن يستوردها يكون السوق فى احتياج ليها من خبرتك فى المجال دا