تقرير مفصل عن الفلوانس 2014

**miceg** · 22-02-2014 11:07 AM

المشاركة الأصلية كتبت بواسطة ramymechanics

كنت هات سيراتو ولا النترا احسن

معلش اصل الراجل بتاع الكورى مدخلش النهاردة فقلت احط التاتش بتاعى

هههههههههههههههههههههههه
حبيبي يارامي باشااا
والله ياعم الشعب المصري لا يحكمه عقل ولا منطق
ناس كتير بتفكر فبيع العربية قبل ماتجيبها والصيانات عاوز يصيّن بره عشان ميدفعش فلوس
وانت عارف التكنولوجي كل ماتزيد كل مألاسطة بلية بيعجز
هو عاوز يتعامل مع ألاسطة بلية

**miceg** · 22-02-2014 11:14 AM

المشاركة الأصلية كتبت بواسطة devil_storm

تقرير جميل و مبروك عليك الجميله فلوينس
طبعا مفيش مقارنه بين الصني و الفلوينس و اكيد الفلوينس افضل في كل حاجه و اشيك بكتير

بس انا كنت عايز اسال حضرتك عن العفشه و التسارع تحت ١٠٠ كم للفلوينس مقارنتا بالصني ... يعني مين اريح و اسرع داخل البلد و في الزحمه؟؟؟

خلاف التسارع و العفشه مفيش وجه مقارنه طبعا بين الفلوينس و الصني و الصني مينفعش تتحط في جمله مفيده مع الفلوينس ده السوند سيستم لوحده بالصني هاهاها

الله يبارك فيك ياجيمل
موضوع التسارع مختلف نسبيا
فالصني الموضوع مختلف من ناحية التسارع لانك بتتحكم في الغيارات ومحسوسة قدامك وبتبقا عارف انت بتعمل إيه
فالفلوانس التسارع ممتاز لكن لازم يبقا عندك سينس للفتيس ال cvt
ومش سهل إنك تتعود عليه
انا اعرف ناس كتير باعت قاشقاي وجوك بسبب عدم راحتهم للفتيس
انما صدقني اول ماتضغط على البنزين ضغطة مستمرة متواصلة بتلاقي السرعه عدت ال 100
وكان فيه فيديو رافعو اخونا رامي عن تسارع السيارة من 0 الى 100 في 11 ثانية تقريبا
اللي انا مفتقده فالصني ان مكنش حد يعرف يرازيني أو يصدر عربيته قدامي
انما الناس بتستغل ان العربية مش مركبة نمر وبيقولك ياعم ده هيخاف عليهااااا

**Hany Saad** · 22-02-2014 12:17 PM

ألف مبروك على الفئة و اللون الجميل....ربنا يباركلك فيها يارب و يكفيك شرها و منتظرين التقارير الجامدة....مبروك

**هانى القناوى** · 22-02-2014 04:37 PM

المشاركة الأصلية كتبت بواسطة miceg

الله يبارك فيك
اللي أقصده ان لو واحد كان معاه فيات 128 او 131 ولسه جديد فالسواقة وجاب فيرنا او لوجان وخلافه
هيحس بنقلة رهيبه جدااااااااا وهيقعد يقول كلام عاطفي عن سيارته بشكل يخلي غيره يقتنع
الشخص اللي ممكن يقتنع يحيب العربية وبعدين يلاقي صاحبنا أداله وصف وحجم للسيارة أكبر من حجمها الطبيعي لانه مكنش بادىء من الصفر زي الراجل ألاولاني . وهكذا
نفس الكلام كلامنا ده ممكن يشوفه ناس فقسم مرسيدس أو bm وجوه نفسه يقول الناس دي غلابه
يارب تكون وجهه نظري وصلتك

معلشى ياباشا انا تهت شويه هههههههههههههه
انا معاك ان لو واحد كان راكب فيات 128 وجاب فيرنا هيحس طبعا بنقله كبيره ويمدح فى الفيرنا ويقول اشعار
بس حته المرسيدس والبى ام مش فاهمها شويه

حضرتك انا فى حيره من شهووووور بين
مرسيدس عيون e200 من اول موديل لحد 2000 ودخل معاها ال c200 و c180 موديلات من 2004 الى 2007
وبعد كده دخلت على ال s320 موديل من 96 الى 98 ( الشبح )
وبعد كده دخلت على البى ام الفئه الخامسه 523 موديلات 2001 الى 2002
وبعد كده عرفت الفلوانس الشكل الجديد وعجبتنى
وبعدها عرفت الاوبل كوزمو وبرضوا عجبتنى
وبعدها الكورولا وبرضوا عجبتنى
وفى الاخر ماعرفتش اختار كل عربيه ليه ميزه وعجبانى ومش عارف اختار

(يعنى دلوقتى اللى راكب المرسيدس والبى ام يجى يغير ويركب الفلوانس هايحس انها اقل من المرسيدس والبى ام ؟؟ ولا ايه ؟؟)

والف مبروك للمره التانيه وربنا يبعد عنك العين (الحاقده والحاسده )

**miceg** · 22-02-2014 04:53 PM

المشاركة الأصلية كتبت بواسطة هانى القناوى

معلشى ياباشا انا تهت شويه هههههههههههههه
انا معاك ان لو واحد كان راكب فيات 128 وجاب فيرنا هيحس طبعا بنقله كبيره ويمدح فى الفيرنا ويقول اشعار
بس حته المرسيدس والبى ام مش فاهمها شويه

حضرتك انا فى حيره من شهووووور بين
مرسيدس عيون e200 من اول موديل لحد 2000 ودخل معاها ال c200 و c180 موديلات من 2004 الى 2007
وبعد كده دخلت على ال s320 موديل من 96 الى 98 ( الشبح )
وبعد كده دخلت على البى ام الفئه الخامسه 523 موديلات 2001 الى 2002
وبعد كده عرفت الفلوانس الشكل الجديد وعجبتنى
وبعدها عرفت الاوبل كوزمو وبرضوا عجبتنى
وبعدها الكورولا وبرضوا عجبتنى
وفى الاخر ماعرفتش اختار كل عربيه ليه ميزه وعجبانى ومش عارف اختار

(يعنى دلوقتى اللى راكب المرسيدس والبى ام يجى يغير ويركب الفلوانس هايحس انها اقل من المرسيدس والبى ام ؟؟ ولا ايه ؟؟)

والف مبروك للمره التانيه وربنا يبعد عنك العين (الحاقده والحاسده )

ولا يهمك ياهاني باشاااااا
بص ياريس هل شعورك لما تركب مرسيدس وبعدين تركيب كاتوجري أقل زي ماتبدأ بالكاتوجري ألاقل وبعدين تركب المرسيدس
هو ده إللي أقصده
إنما الفلوانس رائعه بمعنى الكلمة
بتجذب إلانتباه بشكل خطير ومش قارد أقولك القعده عاليه ومريحة
لغايت دلوقتي مش قادر أخد راحتى فالسواقة لغايت ما أرخص
وأول مارخص هنزل الصعيد وتحديدا أسيوط
كي أعيش التجربة بشكل أكبر وأجرب التسارع والمناورات وإستهلاك البنزين الخ
بس صدقني لو بتفكر في النقلة بجد الثلاث عربيات اللي انت ذكرتهم هيحسسوك بالنقلة
وإن كنت بفضل الفلوانس لعلوها الغير عادي عن ألارض عن الموديلين اللي انت ذكرتهم

**heeshooheeshoo** · 22-02-2014 08:31 PM

ألف ألف مبروك .. وربنا يزيدك ويباركلك ويحفظك من كل شر وسوء ويجعل قدمها قدم سعد بإذن الله
أنا طالب منك خدمة لى ولإخوتك المحتارين فى إختيار اللون المناسب لأنى تقريبا إتفرجت على كل ألوانها : الأسود - سن الفيل أو الأوف وايت - الشامبين - الجراى - الأحمر
ألوانها كلها جميله وتحير .. كل لون وله جمال مختلف وبيظهر مفاتن وخطوط السيارة بشكل متفرد عن الآخر
اللون الوحيد إللى ماإتفرجتش عليه هو الموكا لأنه بيصادف عدم وجوده فى أكثر من معرض
أرجو تتكرم على وعلى باقى الزملاء بعدة صور من عدة زوايا لإيضاح اللون وتأثيره على خطوط السيارة تحت ضوء الشمس وفى الظل ، ولك جزيل الشكر مقدما .

وتقبل خالص تحياتى ،،،،