الموضوع: تقرير مفصل عن الفلوانس 2014

المشاركة الأصلية كتبت بواسطة هانى القناوى

معلشى ياباشا يعنى ايه كاتوجرى ؟؟؟؟
اصل كان معايا بيجو 505 موديل 90 وكانت معايا لمده 3 سنين فالبالنسبالى نقله كبيره سواء كانت مرسيدس او اى عربيه زيرو بس
فابدور على احسن الحلوين
سواء زلموكه 94 او عيون e200 موديل 99 او c180 موديل 2005
bmw 532 موديل 2002
ثم العظيمه الشبح s320 موديلات 96 الى 98

فهل الفلوانس احسن ومش هاتحس بالفروووق الكبيره ولا مش هاتكون فيه فروق ضخمه
يعنى الارتفاع عن الارض كويس وحلو اصل المطبات دى مش مطبات دى جباااااااال ؟؟


حضرتك شايف ان افضل عربيه زيروا فى الفئه السعريه هى الفلوانس ؟
مع ان ال esp بيزغلل العيون
وبرضوا ارتفاع والوسع الداخلى ليه اهميه
فامش عارف اعمل ايه

بص ياباشا هقولك
متعتبرش ان السيارة اللي هتشتريها دي أخر المطاااااف
وانا كنت بفكر فنفس تفكيرك مرسيدس او بي ام مستعمل
لكن صدقني الزيرو ريحته حلوه بجد وبتقا عارف كل حاجة فالعربية من بدايتها
وتبقا عارف العربية من استخدامك كلت بيها كام مطب وهنتها كام مرة
انا عاشق للسيارات والفلوانس مش هي العربية ألاخيرة
واكيد بعدها هحرب فئة تانية من العربيات الله اعلم ممكن تكون رينوو
بس أكيد هطلع عن الفئة دي واختار فئة أعلى
لكن انا لقيت الفلوانس أحسن اللي موجود من وجهه نظري فقط
وكان فبالي إني مدفعش أكثر من 200.000 جنيه
ياجدعان احنا هيجي علينا اليوم اللي هندفع 300.000 فعربية c segment
موضوع ال esp يطول شرحه
ويختلف عن احتياجه من حد للتاني
بره مصر مهم جداااااااااا نظرا لاختلاف الطقس والاسطح
لكن جوه مصر قولي فين الطريق اللي هيسمحلك بالكلام ده وتمشي على سرعات عاليه وانك تتحكم في اتزان السيارة
شوف احتياجاتك وارتياحك النفسي لإنهي سيارة
ولو عاوز رأيي روح اركب العربيات اللي عجباك وشوف انت هترتاح لمين