تجاربكم مع انواع الكاوتش المختلفه؟

**mohamedway** · 29-09-2008 10:55 AM

فى اختلاف ملحوظ بين انواع الكاوتش المختلفه و ماركاته و موديلاته و نقشاته المختلفه وكمان اختاتف بلد الصنع للماركه الواحده و انا اكتر حاجه بتهمنى هى تماسك الفرده فى الأرض و الملفات ولما بحب اشترى فرده كاوتش عشان اضمن انها هتدينى الثبات المرضى بالنسبالى بحاول اجيبها ماركه معروفه و بلد منشأ مشهور بجوده منتجاته و بتبقه غاليه و كمن بابقه قلقان ما تطلعش بالمستوى اللى كنت متوقعه لغايه ما أجرب بنفسى بس لو طلعت و حشه هبقه اتدبست فيها و خلاص و هستنى كتير لحد ما عمرهم الافتراضى يخلص عشان اعيد التجربه مع ماركه و موديل جديد و بردو يا صابت يا خابت وعشان كده باقترح ان كل واحد يقول تجربه الثبات بتاعته مع كل فرده كاوتش جربها و يذكرلنا مقاسها و نوعها و بلد منشأها و يحاول على قد ما يقدر يوصفلنا نقشتها لتعم الفائده على كل من يريد شراء كاوتش لسيارته و يكون متجرب بالنسباله عن طريق هذا الموضوع..... و هبتدى بنفسى

انا معايا لانسر 1600 موديل 2006 و الكاوتش الأصلى بتاعها 195/60/r15 و نوعه بريدجستون يابانى موديل Er30 Turanza

بصراحه ثابتين جدا و كنت قلقان لما أغيرهم بأى حاجه تانيه ثبات العربيه يقل و كان المقاس شاحح فى السوق بس كان متوفر فى الماركات الكورى اللى عمرى ما سمعت عنها و مردتش اجيبها وقعدت الف على المقاس ده كتير فى البريدجستون ما لقتهوش لغايه ما لقيت فرده بريللى صناعه أوروبيه اسم موديلها Dragon ولقيت المقاس مضبوط و توسمت فيها انها رياضيه و ثابته جدا و خامتها قويه جدا لما تدوس خليها بأيدك وكانت الفرده بحوالى 550 جنيه و اتشجعت انى اجربهم و فوجئت بأن العربيه بقت ثباتها رهييييييييب و بالذات فى الملفات و بقيت اخد بيها ملفات مكنتش باقدر اخدها بالبريدجستون وفاقت كل توقعاتى بس واضح ان موديل الفرده ده رياضى اكتر من البريدجستون اللى كان فيها و العربيه بقت انشف فى المطبات بزياده بس مش مهم بالنسبالى لأنى بدور على الثبات.

ياريت كل واحد يقولنا على تجاربه مع انواع و موديلات الكاوتش الختلفه

**mohamedway** · 29-09-2008 06:31 PM

ايه الحكايه محدش بيعرف فى الكاوتش ؟! ايه الحكايه هو الناس بتركب اى حاجه وخلاص ولا أنا بس اللى شاغل نفسى بالموضوع ده؟!!!!

**مدحت منيب** · 29-09-2008 06:53 PM

غيرت الاربع فرد بتاريخ 9-4-2008

من بيريللى بى 6000 الروعه الفرنسى و كان ماشى 50 الف

و لكن احدى الفرد عملت انبعاج جانبى ،

بعد بحث مطول على النت اشتريت ميشلان انرجى15-70-215

.. الاصلى كان 15-65-205

البياع كانش عايز يديهمللى بسبب تغيير المقاس ، بس انا صممت عشان كنت عايز ارفع العربيه شويه عن الارض ( ليجانزا -دايوو )

القديم كان ممتاز .. و الجديد ممتاز و المستوى متقارب جدا.. الجديد مليته
هيدروجين .. و من ساعتها مش محتاج اى تزويد .. راااحه

ال4 فرد عملوا2300 جنيه

و اتصدقت بالقدام و الحمد لله رب العالمين

**Nour_Peugeot** · 29-09-2008 07:20 PM

حنا كان راكب في العربية gt ماليزي مقاس 175/70

و غيرنا و جبنا نانككانج nankang مقاس 185/65 تايواني احنا مكناش عيزين نجيب الكاوتش ده بس

صاحب المحل صديق والدي و حلف ان الكاوتش ده تحفة

وعن تجربة هي مشكلته الوحيده انه نقوشه بارزه شوية مش اووي يعني حاجة بسيطه

بس مريحنا جدا و ثابته كان كويس علي الملفات علي سرعة 190

والعربية نعها بيجو 405 بس عيز اضيف حاجة قبل مجيب الكاوتش ده كان اقصي سرعه هي 180 و الثبات مكنش اد كده يعني كانت ثابه و كل حاجة بس مش للدرجة العلي العليها بعد الكاوتش الجديد

بجد انصحكم تجبوها و سعرها حلو 4 فرد عملين 1400 جنية

**Ramy.Gamal** · 29-09-2008 10:30 PM

كان راكب فى العربيه عندى دانلوب يابانى 185/14/65 غيرت وجبت بريدجستون GR-80 195/60/14 يابانى نقشه رياضيه rotation & super silent طبعا اداء روعه وتحفه حتى فى الملفات مع الرمله والميه وثبات اعلى بكتير من الدانلوب وفعلا الغالى تمنه فيه

**Sherif Khalifa** · 30-09-2008 12:14 AM

هوا دا شكلة ؟؟

http://www.motorcyclephilippines.com...ANZA_GR_80.jpg

ممكن اعرف حضرتك جبتة بكام ؟

**Sherif Khalifa** · 02-10-2008 03:59 PM

moving up
...................

**Amr_Moh** · 02-10-2008 05:02 PM

mechlan 215/55/16
7elween bas 3`alieen 3alfadi 4x1000

wa7da bazet ba3d 5000km

**Mosso** · 02-10-2008 05:54 PM

كان راكب عندي ميشلان مقاس 195\60\15 بس كانوا ناشفين و بيصرخوا جامد مع الفرمله بس ثباتهم كويس,
واحده منهم اتقطعت فسألت عشان اغيرها لقيتها ب980 و مش موجوده في السوق و بتيجي (اوقات يعني مش اكيد) بالطلب
فطبعا غالي قوي,
فغيرت اتنين ببريدجستون Turanza زي الي في الصوره الي استاذ شريف خليفه حاططها فوق بس 15 مش 14
هما مقاس 195\60\15 بـ 608 للفرده من بريدجستون الي في كلتكس اخر عباس العقاد,

الملاحظات: اهدي على الطريق , ناعمه , مبتصرخش في الملفات و الثبات نفس الي كان في الميشلان محستش بفرق