طب من عضو جديد مستجد مع الماتريكس

**nourhassanien** · 29-09-2008 12:32 PM

بسم الله الرحمن الرحيم
الأخوة الكرام
السلام عليكم ورحمة الله وبركاته

ان من عشاق الماتريكس .. وان شاء الله اليومين دول او بعد العيد ح استلم العربية بتاعتى من المعرض
الموضوع ياجماعة . انا من هواة الشكل القديم .. ولما طلبت من معظم المعارض سيارة ماتريكس 2008 شكل قديم.. قالوا انها مش موجودة والموجودة فقط 2009 الشكل الجديد... وبصراحة الشكل دا .. مش عاطفى معاى
المهم
فى احد المعارض قالى ان عنده الشكل القديم موديل 2009 .... 2009 ياجماعة مش 2008
وقالى انها خليجى ( على فكرة هيا تقفيل تركي ) لانى لاحظت الكلام دا ..من شكل التابلوه والدريكسون
فياجماعة .. هل فعلا فى ماتريكس موديل 2009 الشكل القديم ولا لا .... ؟؟؟؟؟

وازاى أتاكد انها موديل 2009 مش 2008 ؟؟؟؟؟؟؟؟؟؟
وهل فعلا هي خليجى ولا ايه نظامها وازاى اتاكد من الكلام دا ؟؟؟؟؟؟؟؟؟

على فكرة ياجماعة سعر العربية 95 الف ( اتوماتيك جميع الكماليات )
وسعر الماتريكس الشكل الجديد 100 الف ( اتوماتيك جيمع الكماليات )
والمعرض دا عندنا فى المنصورة

افيدوني افادكم الله
وشكرا لكم
والسلام عليكم ورحمة الله وبركاته

**telatfy** · 29-09-2008 01:22 PM

اشترى لانسر احسن أو تويوتا

**AHMEDCAR** · 29-09-2008 01:46 PM

احب اقولك انه مافيش منها خليجى و دى معلوماتى الشخصيه و كمان لو عايز تعرف العربيه دى 2009 و لا 2008 هاتعرف من التخليص الجمركى اللى بيجى معها بيبقى باين فيه موديل العربيه

**osamaelbaz** · 29-09-2008 02:10 PM

الاخ ال بينصحة انة يجيب تويوتا ولا لانسر هو بيقول انة بيحب الماتريكس ونفسة يشتريها ومرتاحلها نفسيا تيجى انت وتخلية يركب لانسر او تويوتا عشان انت بتحبهم يا جماعة الراجل سؤالة واضح مش عيزين نشتتة .....عامتا الماتريكس من اكتر العربيات الى اثبتت وجودها من هيونداى كبيرة وعائلية ومن الاخر ملاكى ونص نقل ربنا يباركلك فيها ...بالنسبة لموضوع 2008 ولا 2009 بتلاقى فى الافراج الجمركى بتاعها وورقها ....انا من المنصورة ممكن تقولى انت جيبها من عند مين فى المنصورة

**nourhassanien** · 29-09-2008 10:15 PM

بسم الله الرحمن الرحيم
الأخوة الكرام
السلام عليكم ورحمة الله وبركاته

شكرا .. لكل من كلف نفسه ورد على إستفسارى
الأخ telatfy
انا عارف ان التويويا احسن .. لكن انا بحب الماتريكس وبعدين الحمد لله انا طويل القامة وتخين شويتن فالماتريكس مريحة جدا بالنسبة ليا فى الركوب والنزول من السيارة وكمان مريحة جدا بالنسبة ليا فى الجلوس فى العربية

الأخ AHMEDCAR
عفوا .. العربيات دى فعلا منها خليجى . وانا عرفت الموضوع دا .. النهاردة من خلال المنتدى ... ولو هناك اى عضو يعرف معلومات اكثر ..ياريت يشترك معانا مع الموضوع

الأخ osamaelbaz

الف شكرا على كلامك ..والحمد لله انا كمان من المنصورة
والمعرض اسمه شاهر تريد .. عنوانه بالظبط
بجوار المرور
مقابل معرض الغلبان ..

فياترى انت تعرفه ...؟
والسلام عليكم ورحمة الله وبركاته

**osamaelbaz** · 30-09-2008 02:49 AM

على فكرة معرض شاهر دول ناس محترميين جدا ومش هيضحكوا عليك انا اتعملت معاهم فى شرا عربية لانوس بتاعة واحد زميلى وكانوا ناس قمة فى الزوق وتأكد مدام قالولك انها خليجى و 2009 هتبقى إن شاء الله زى مقالوا بس تأكد بردو من الورق وربنا يباركلك فيها على فكرة انا طويل وبردو لما كنت بتفرج عى الماتريكس عند صلاح فهمى فى طلخا اول مركبت الماتريكس وانا اصلا مكنتش رايح اشتريها ارتحتلها فى النزول والدخول والجلوس بجد مصممة للطوال ....وإن شاء الله لما تستلمها ابقى اعملنا تقييم عنها كدة وهل هى تختلف عن التركى ولا لاالى بتنزل مصر

**nourhassanien** · 30-09-2008 03:00 AM

بسم الله الرحمن الرحيم
الأخوة الكرام
السلام عليكم ورحمة الله وبركاته

الأخ osamaelbaz
الف شكرا على ردك
والحمدلله انت طمنت قلبي ...
لكن بالنسبة للسعر ايه رايك فيه 95 الف ( اتوماتيك جميع الكماليات ) ؟؟؟؟؟
وان شاء الله نكون على إتصال .. علشان ان شاء الله لما استلمها بعد العيد
تبقي تشرفنى .. وتشوف العربية وتقولى رايك فيها ايه
والسلام عليكم

**bassam nagy** · 30-09-2008 10:35 AM

بالنسبة للسعر كتيير
والعربية بينزل منها خليجى وشوفت الشكل الجديد خليجى بالايرباج والجنوط وفتحة السقف والاسبويلر
اما الشكل القديم امبارح وانا فى شارع فيصل شوفت واحدة معروضة
بس لو حضرتك عاوز الشكل القديم يبقى اتكل على الله واشترى والف مبروك مقدما

**osamaelbaz** · 30-09-2008 06:21 PM

هو زايد فعلا لاكن لو نازل فيها حجات زيادة زى اليرباج والجنوط وفتحة السقف تبقى تستاهل ويمكن عشان 2009 يبقى السعر زايد شوية على العموم إن شاء الله لما تستلمها اجيلك بأذن الله وتفرجنا عليها وإن شاء الله ربنا يباركلك فيها ويديك خيرها ويكفيك شرها

**bassam nagy** · 01-10-2008 01:06 PM

غبور فى اعلاناتة فى الجرايد كاتب انوا بينزلها فى اربع موديلات فا لو نزلها بافتحة سقف وجنوط وايرباج مش هايقل تمنها عن 110000 بس هاتبقى ممتازة وبالذات فتحة السقف بتاعتها كبيرة