الأفضل تستخدم زيت تخليقى أى نوع يعجبك وحتحس بفرق كبير
اللانوس بتاخد بالفلتر 3.75
حتحط زيت تخليقى وتغير فلتر وتنسى سنه كامله موضوع الزيت مجرد بس انك تتأكد من مستوى الزيت كل فتره يعنى الكشف المعتاد
عرض للطباعة
انا جربت ولف غيروهولي عند الشغل و عملولي خصم عشان نايل موتورز مع اني معيش الاستيكر والنتيجة تحسن بسيط ف النعومة و السحب
السلام عليكم ...
انا جربت فى عربيتى الجديدة موديل 2011 من شاعة ماجبتها 3 أنواع من الزيوت .. لكن لقيت احسنهم من وجهة نظرى زيوت مصنوعة وعبأة خارج مصر .. وانا بصراحة لقيت الزيت الممتاز فى زيوت فالفولين وهى زييت نوعه هولندى ومعبأ فى هولندا وممتاز معايا جدا ماشاء الله وهو بيعمل 15000كم لكن انا بغيره عند 12000كم وجربته مرتين بعد مويل وشل ... وهناك زيت اخر برده ممتاز هى ليكوى مولى انا ماجربتهوش بس فيه ناس صحابى جربوه وبيشكروا فيه اوى وهو زيت المانى.
ده رايى المتواضع جدا ولك ان تختار والفرق بان عندى جدا فى سحب العربية ... والله الموفق
مع احترامي لكلامك
عرفت منين ان الفرق في الأضافات ؟
للعلم
نفس الأضافات
نفس ال Base Oil
نفس نسب الخلط
نفس الBatch يا راجل بتتقسم طبقا للحصص
لو كلام حضرتك صح مكانتش الشركات الأجنبيه وافقت تحط زيتها مع اضافاتها مع الشركات المصريه في نفس الخلاط و يتقسم المنتج النهائي طبقا للحصص
و مثال توضيحي بسيط
في أضافه اسمها Anti-Foam و الزيت قبل الأضافه دي بيعمل رغوه لو أتقلب
هات احسن و أسوأ زيت من وجهه نظرك و قلبهم و انقلنا التجربه
و الكلام ده كله مش رأي شخصي دي حقائق لا تقبل الجدل
ولو قلتلك أسماء شركات تاني هاتتصدم
يعنى على كلامك كده ان الموبيل ال xhp الى كان ب 120 هوه هوه نفس الزيت الشل الاصفر ابو 120 برضه لانهم نفس السعر
بس نلاقى ان الشل بيقعد 5 الاف كيلو و الموبيل كبيره 3 و صوت الموتور يبقى اهدى فى الشل يبقى اكيد فى فرق فى حاجة اضافات خلطة سلطة فى فرق فى حاجة و الاتنين بنفس السعر و الاتنين شركات اجنبية و عريقة جدا فى الزيوت
فرق السعر بين الزيوت اكيد ليه سبب لما يكون الفرق 10 : 20 جنية يبقى ده فرق اسم شركة لكن لما الفرق يوصل ل 50 جنية يبقى كده فى حاجة تانية غير اسم الشركة فى فرق اضافات
علما بانى جربت زيت موبيل و شل اصفر و فيسكو 3000 و فالفولين و و شل احمر و امارات مصر و كلهم الا اخر اتنين ايام ما كنت بجيبهم كانوا ب 120 : 125 و فى فروقات جامده بينهم و طبعا الموبيل اسوأهم فى الموتور عندى لدرجة ان الشل الاحمر الى بنص تمنة تقريبا احسن منه
و لو كل الزيوت اضافاتها واحده و الزيت نفسه واحد يبقى ايه الفرق بين شل و موبيل و التعاون و احساس الواحد بموتور عربيته مع الزيت ده بيجى منين و متقوليش تهيأت لان الموضوع بيفرق فيه استهلاك بنزين و صوت موتور و سرعه و تسارع
مع تحياتى
https://encrypted-tbn3.gstatic.com/i...BdgSlj_tE6tyDG
دى صورة الكاسترول ماجنتك
و ممكن تدخل على صفحتهم على الفيس بوك و تعرف اقرب موزع ليك فين و هما عندهم توصيل مجانى للزيت
و نصحتك بالماجنتك مش بالايدج لانك بتستخدم معدنى بقالك فتره فلازم تعلى بالزيت تدريجى عشان تعرف الموتور خلوصاته وسعت فمينفعش معاها التخليقى ولا لا و ده بيبقى عن طريق النصف تخليقى و تشوف معدل بخرة و النقص بتاعه علما بان الماجنتك اول استعمال ليه هينقص حوالى ربع لنص كيلو اول 3 الاف كيلو و بعد كده هيفضل ثابت معاك
فالفولين فعلا ممتاز انا مغيره من شهر 8 اللى فات ومشيت حوالى 10000 والحمد لله لغاية دلوقتى أداءه معايا ممتاز
وحضرتك سيبه فى العربيه سنه كامله متخفش منه حتى لو تجاوزت ال15000 كيلو
طالما مش بينقص (بيتحرق يعنى) ولسه لونه فيه اللون الذهبى ولو بسيط
وعلى فكره ده كان كلام الوكيل بتاعهم وانا بشترى منه وفعلا كلامه طلع صحيح
- الفروق بين الأسعار لأسباب تجاريه
- بجد مش تهكم و الله انا معرفش ايه زيت شل الاصفر ولا مصر الاحمر ولا التعاون الازرق انا ببص على API Grade و اللزوجه لكن ناس كتير بتقارن مستوى أداء لشركه بمستوى أداء مختلف لشركه أخرى و بعدين تقولك ده أحسن من ده و المقارنه دي غلط بالظبط زي لما تقول الأرنب أسرع ولا الزرافه أطول
- هاعيد لحضرتك تاني ان كل الكلام ده حقيقه لا تقبل الجدل و ادخل قسم الزيوت هتلاقي ناس شغاله في شركات بترول و معامل خلط و هتأكدلك الكلام ده
- لو ينفع ادخلك موقع كنت دعوتك تشوف بعينك و مينفعش اذكرلك أسامي شركات لكن تأكد ان معظم الزيوت اللي في السوق انتاج مصر للبترول و التعاون