وولف ممتاز
عرض للطباعة
وولف ممتاز
زيت شيل موجود في السوق بس عند الموززعين المعتمدين
لو عاوز بديل فيه توتال كوارتز 5000 ده كويس جدااا
ولازم تحط زيت معدني مينفعش لاتحط زيت تخليقي ولا نص تخليقي لان عربيتك خلاص اخدت زيت معدني كذا مرة فمينفعش حاجة غير زيت معدني
المسألة مش بتتقاس بكذا مرة معدني وكذا مرة تخليقي
الزيت التخليقي مشكلته إنه فيه مواد مذيبة بتشيل الترسبات اللي جوه الموتور.. وبالتالي لو فيه أي ترسبات على الجوانات والأويلسيلات اللي فيه حتتشال وتبقى الجوانات دي اتعرت قدام الزيت التخليقي
المشكلة الأساسية اللي بتحصل إن الجوانات والأويلسيلات بتبدأ تسرب ... بالذات لو عدا عمرها 5 سنين
عموما.. التغيير من معدني إلى تخليقي محتاج شوية احتياطات
لو عايز معلومات أوسع عن الموضوع ده.. ادخل على اللينك دي:
http://www.nilemotors.net/Nile/341680-a.html
...
شكرا لكل الردود يا رجاله وبالاخص gazar عشان عشره فى المنتدى :)
بس يارجاله انا دماغي لفت ..مش بفهم اوى فموضوع المعدنى والتخليقي...ما علينا
يعنى مثلا هل زيوت ولف كويسه ؟
موزعها المعتمد فى المعادى جنب شغلى
ولو كويسه ...ايه انسب زيت للعربيه عندى من ولف؟؟؟
كاسترول والحجات دى مشكلتها انها نادره وتقعدد تلف عليها ولو لايتها فى شارع دمشق مثلا ..هتلاقى صاحب المحل بيضربلك اسعار فلكيه فى الجركن
بالظبط و الله يا باشا
و لأن ليس كل ما يعرف يقال كنت قولت شركات أيه مين اللي بيخلطلها
لكن هاقول لحضرتك حاجه تاني
شركات البترول المصريه مش بس بتعمل زيت عربيات لشركات اجنبيه
دي بتعمل زيوت طائرات مدنيه
و طائرات حربيه
و قاطرات سكه حديد
و مولدات كهربا عملاقه
و دبابات
و زيوت بحريه خدمه شاقه تعمل بالمازوت او السولار أو كلاهما
لو حضرتك قريت الموضوع ده... مش هيبقى عندك اللخبطة دي
http://www.nilemotors.net/Nile/341680-a.html
عايزين نطلع من دوامة أنهي ماركة زيت أحسن... لإن على أرض الواقع كلهم قريبين من بعض... وتكاد الفروق تكون غير محسوسة
والموضوع أسهل من كل اللخبطة دي... والخطوات بكل سهولة كالآتي:
1- افهم الكتالوج بيقول إيه
2- اشتري أي زيت يوفي المتطلبات بتاعت الكتالوج .. وبقول تاني .. أي زيت.
...
زيت شيل موجود زي ما هو
توتال اشترت المحطات فقط وبالتالي مبقاش فيها زيت شيل لأن المحطة نفسها بقت بتاع توتال
لكن انتاج شيل في الزيت شغال زي ما هو وهتلاقية موجود عند أي محل أو موزع
اللي بيستهبلو العمال في المحطة كانو بيشتغلوني بيقولي انهم بقو ينزلو زيت شيل بإسم توتال لكن نفس الزيت ونفس السعر علشان اشتريه ! بس مشتريتوش طبعا وعرفت ده بعدها
بعد تجربة لأنواع كتير شيل الأصفر افضل زيت اشتغل في العربية عاملة 240,000 كم وشغال بيه من كذا سنة واخر مرة مغيرة علي 4500 كم وكان لسه لزوجتة كويسة ، بس في الصيف مبيستحملش زي الشتا 3000 او 3500 كم مثلا