كهربا من غير كهربا ..؟؟!!

**ميرو اسامه** · 22-02-2014 08:56 PM

ببساطة أنا عاوز أوصل كهربا لماكينه صغيرة محتاجه 3 فاز من غير ماأتكهرب أنا .. يعنى حكاية الترخيص للمشروع عاوزة انى اسيب المشروع واستعداداته ويبقى الترخيص فى حد ذاته هدفى فى الحياة ده بالاضافة انه مش هيوافق على اى مكان .. ناس قالتلى أخد من السلك ( أه ..سرقه ) وأبلغ انا مباحث الكهربا فور التوصيل واخد غرامه ومقايسة تدفع كل 3 شهور بس مش عارف تكلفتها هاتكون كام ومشاكلها لحد فين وشغل الشمال ده اخاف منه.. عاوز منكم مشورة ورأى اللى ........ فاهم . ولكم الشكر ..متابع

**mohamed salhin** · 22-02-2014 09:11 PM

هو ايه المشروع ؟

**midoabdeen** · 22-02-2014 09:25 PM

نصيحه
بلااااااااااش
ابعد عن الشر وغنيه
لانه حرام دا اولا
ثانيا كل يوم هتلاقى حد نازلك وهيبقى مكسبك كله فى جيب غيرك
وكمان غير ان الراشى والمرتشى فى النار لان الفلوس اللى هتدفعها دى انت كمان هتتحاسب عليها

**ميرو اسامه** · 22-02-2014 09:43 PM

المشاركة الأصلية كتبت بواسطة midoabdeen

نصيحه
بلااااااااااش
ابعد عن الشر وغنيه
لانه حرام دا اولا
ثانيا كل يوم هتلاقى حد نازلك وهيبقى مكسبك كله فى جيب غيرك
وكمان غير ان الراشى والمرتشى فى النار لان الفلوس اللى هتدفعها دى انت كمان هتتحاسب عليها

أنا أسف يبدو حضرتك فهمت غلط !! أنا لايمكن أقبل حاجه حرام .. كل الحكايه اللى قاللى قصده ان في يوم التوصيل أبلغ عن نفسى ( شوفت الحلاوه !! ) فيبقى التقدير مختلف يراعى فيه حسن السير والسلوك .. قصدى يراعى فيه انه لم يتم الاستفاده من التيار بدون دفع التكلفه قبل ذلك شهور او سنوات مثلا وان كل الغرض التوصيل بدون ترخيص المحليات .

**ayam7** · 22-02-2014 10:32 PM

شوف يا صديقى بدون التعرض لسرقة 3 فاز لتشغيل الماكينة
ممكن بالتيار العادى للمنازل فاز ونيترول تشغل الماكينة بس هتشترى جهاز ي يسمى Inverter
دخل واحد فاز خرج 3 فاز

**طارق _عبد السلام** · 22-02-2014 10:40 PM

انا عامل الموضوع ده عندى على ماكينات تريكو دائرى من سنتين
وبردوا ماشى فى الترخبيص من سنتين وهانت وبمجرد استلامى الرخصه يدينا ويديلكوا طول العمر (تعقيد بدون لازمه) هركب ال3 فاز ان شاء الله
لو محتاج اى مساعده انا تحت امرك

**طارق _عبد السلام** · 22-02-2014 10:51 PM

اللى شار عليك بحكايه انك تاخد كهرباء شمال وتبلغ عن نفسك ده بجد عايز يضيعك الحد الادنى لمخالفه ال 3 فاز 3 الاف جنيه لو كررتها مشاكل لاحصر لها مفيش الكلام ده ياريت لو الماكينه اللى عندك نسيج دائرى تعتبر الموضوع ده اتحل ان شاء الله وهتشغلها لوهى 20 حصان على فيشه الكهرباء العاديه

**طارق _عبد السلام** · 22-02-2014 11:02 PM

المشاركة الأصلية كتبت بواسطة ميرو اسامه

أستاذ طارق .. النجدة .. ممكن تقوللى ازاى هيا الماكينه خاصة بتقطيع الورق ومحتاجة 11 حصان

اعتبر الموضوع منتهى استاذ ميدو
ان شاء الله
لو فعلا الماكينه بها انفيرتر واصلا بتشتغل على 3 فاز
انا عامل تعديل بسيط خارج الماكينه
ملوش علاقه نهائى بالماكينه يعنى دائره الكهرباء عندك فى المكنه زى ماهى
وهبعتك للى يعمل التعديل ده هو فى ابو راضى عندنا فى المحله هبعتلك رقمى ع الخاص
وتحت امرك ان شاء الله