عودة ظهور اللوحات المعدنيه القديمه من جديد على السيارات .مصر رجعت 30 سنه ولا ايه !!

**amrelsaqqa** · 23-02-2014 02:19 PM

حسب معلوماتى المتواضعة ان الرادار والكاميرات بتقرا الشريط اللى في النص ده

**michohat** · 23-02-2014 02:23 PM

النمر القديمة شياكه وليها ميزة انك ممكن تغمز اللي ماسك المخزن يضبط ليك نمره حلوه و يطلعها لك تاخدها تظبطها عند خطاط
النمر الجديده شكلها عندي زي الفسيخ كده مش بقرب ناحيته

نرجع بقى عندي نمره مميزة متعلقة على عربيتي القديمة ( لسه صاحبها مش نقل ملكية ) بس الرخصه باسم ورثة
هل ينفع لو اتفاهمت مع اللي اشترى مني العربية اني ارجع اخد النمره على العربية اللي معايا حاليا؟

**Abo_Mazen** · 23-02-2014 03:20 PM

أنا اللي أعرفه إن العربيات اللي معلقة نمر قديمة بيبقى حاجه من إثنين ...إما العربية ناقله ملكية جديد في المرور ..يعني العربية داخله على المرور جديد ومفيش نمر جديده ..أو العربية زيرو وبرضه مفيش نمر جديده في المرور ..وفي كلا الحالتين اللي معلق النمر بياخد تصريح مؤقت لمدة 3 شهور أو 6 شهور أو 8 شهور عشان يروح يستلم نمر جديدة برخص جديدة ..ده اللي أعرفه لإنها حصلت مع واحد صديقي كان شاري عربية زيرو

ممنوع استخدام اللون الأحمر فى الكتابة حيث انه مخصص للمداخلات الإدارية فقط
م2أ

**michohat** · 23-02-2014 03:37 PM

المرور اللي تابع لمنطقتي (محافظة الشرقية الزقازيق) العربيات الزيرو كلها بتعلق نمر من النظام القديم بس شكل اللوحات لسه جديد (بمعنى لسه جايه من مصنع الاسكندرية جديد ) وتراخيص مش تصريح سير
اعتقد ان سبب المشكله اني سمعت ان لما العربيه اللي معلقه نمره من النظام الجديد تتباع وتروح لمرور تاني وتغير نمر ان النمر القديمة المتعلقة بتعتبر اعدمت ( مش بيطلعوها لعربيه تانيه جايه ترخص )
يعني النمره بتنزل من المصنع علشان تتعلق على عربية واحده ولو العربية غيرت النمر تعتبر كده النمره القديمه اعدمت

ده حسب كلام واحد معرفه في شهر عقاري المرور

**kazamodia** · 23-02-2014 06:23 PM

القاهرة الكبرى كلها واسكندرية مفيهاش لوح قديمة نهائي
مرور المحافظات هو اللي لسه بيصرف لوح قديمة تقريبا بسبب ان اللوحات الجديدة خلصانة وبتبقى برخصة سنة واحدة بس عشان تيجي تغير بنمر جديدة