الموضوع: استفسارات عن فيكترا c 2007

صباح الخير
الحمد لله انضميت لرابطة ملاك فيكترا c مانيوال اخيرا
معلش عندى شوية استفسارات كده
اولا :الولاعات الاتنين مش شغالين واتوقع انه يكون فيوز هل حد عنده خريطة الفيوزات بتاعة العربية وازاى اغيرها او حد يعرف كهربائى كويس ؟؟؟

ثانيا : حد يعرف ازاى ممكن افك فوانيس الشبورة علشان اغير اللمبات بتاعتها لان الاتنين محروقين وماعرفتش افكهم بصراحة ؟؟

ثالثا : هى صيانات ال 100000 فيها ايه وتتكلف كام واعملها فين فى التوكيل ولا مركز معتمد ولا صابر ولا فين ؟؟

معلش صدعتكم اصلى مستجد :)

المشاركة الأصلية كتبت بواسطة abdo taha

اولا الف مبروك

ثانياً موضوع الولاعات ده خلي كهربائي يبصلك على الفيوزات و خلي الكهربائي يظبطلك الفوجات معاهم و يركبهم كويس عشان رخمين و اي خبطة فيهم تلاقي اللمض فصلت و اللي ممكن يعملك الكلام ده منصور اللي عند صابر هو ده الكهربائي اللي اعرفه فاهم في الفيكترا سي او ممكن تروح لأستاذ طناني يعملهالك و بالنسبة للصيانة ال 100000 معرفش والدي يعتبر مش بيعمل الصيانة في معادها يوم ما تتوفر سيولة او العربية تحتاج تغير حاجة و خلاص جابت اخرها بتتغير يعني مثلا السيور و طلمبة المية بتتغير عند 60 الف لأ ده مغير السيور عند 100000 و الطلمبة لسة شغالة متغيرتش الحمد لله ممكن تسأل في التوكيل بيتعمل فيها ايه و لو الاسعار عندهم غالية عليك يبقى روح لمركز استاذ طناني و شوف عنده قطع الغيار و لا لأ و لو معندوش ممكن تحاول تجبهم او هو هيقلك على حد تجيبهم منه و شوف العربية محتاجة ايه يتغير فيها ايه و غيره بالتوفيق ان شاء الله .

شكرا يا باشا دايما اجاباتى عندك خبرة خبرة مفيش كلام