سؤال فى الباور بتاع السيراتو

**princemady** · 29-09-2008 04:49 PM

أنا عايز أشترى عربية سيراتو2008 مانيوال ولاحظت لما ركبتها فى المعرض إن الدريكسيون تقيل جداً لدرجة إنى ماقدرتش ألفه يمين أو شمال .. ياترى ده ليه علاقة بإن العربية واقفة والمفتاح مش فيها ولا فعلاً الباور بتاعها تقيل قوى كده .. ودى حاتبقى مشكلة جامدة جداً فى الركن !!!

**limo** · 29-09-2008 05:54 PM

مجرد احتمال لانى مجربتش العربيه قبل كده
ان ضغط الكاوتش يكون عالى علشان الشحن
انا كان عندى كده فى الانسر اول ما جبتها كان ضغط العجل فوق ال50 والدركسيون كان تقيل جدا
فحتمال يكون علشان ضغط الكاوتش عالى
هوه على ما اعتقد انا الباور بتاع السيراتو زيت مش كهراباء فطبعا الزيت فيكون اتقل من الكهرباء
فانت لو بتقارن قارن باور زيت بزيت وكهرباء بكهرباء

**Noha.M** · 29-09-2008 05:58 PM

الباور فى السيراتو معقوول جدااا و احسن من غيره بس موضوع ان الباور كان تقيل و هو واقف دى انا موش عارفة بس هجربو اقولك بس عامة هو كويس مش تقيل ولا خفيف لو هتقارنه بالباور الكهربا بس الحمد لله مفيش اى مشاكل لا فى الركن ولا فى اى حاجة بالعكس انا مستريحة معاه جداااا
ا

**ethan82** · 29-09-2008 06:28 PM

شوف يا سيدي انا كنت زيك كده بس الحمد لله اشتريت العربية من 5 ايام

بالنسبة للباور طبعا هيكون تقيل والعربية مبطله لكن لما تشغلها بيكون حاجه تانية دي أول حاجه تاني حاجه ان الباور بتاعها مش في خفه الأكسنت (نيو) او الألنترا لكن بجد وعن تجربة ده أفيد في القياده لأن تحكمك في العربية بيكون افضل خصوصا علي السرعات العالية بمعني اصح في السيراتو كل حركة في الدريكسون علي أد الحركة لكن في الأنترا تودييك في داهية حساس جدا الباور وكنت هتقلب بيها وانا رايح اسكندرية.

بالنسبة للركن مفيش مشكلة تمام متقلقش واتكل علي الله.

**ethan82** · 29-09-2008 06:37 PM

كنت هتقلب بالأنترا علشان محدش يفهم غلط ههههههههههههههه

**ahmed_su** · 29-09-2008 08:50 PM

مش عارف انا فهمتك صح بان المفتاح مش فيها يعنى مفتاح الكونتكت؟؟؟!!!!

انت بتقول حاجة ان المفتاح مش فيها يعنى فيه حاجتين الاول ان الموتور مش داير يعنى بالتالى مفيش باور خالص يعنى العربية هتبقى ذى الداهية

والتانى ان المفتاح مش فيها يعنى الدريكسيون موسوجر يعنى عمره ماهيتحرك