الموضوع: الباور بتاع الشاهين ؟

المشاركة الأصلية كتبت بواسطة mrghost

السلام عليكم ورحمة الله وبركاته
لو سمحتوا ياجماعه اللى معاه شاهين او دوجان باور ستيرنج ممكن يقولى فارق معاه ولا لا يعنى كويس ولا لا لانى عاوز اركبه عندى بس خايف ليكون تأثيره ضعيف وادفع فلوس على الفاضى
وياريت لو حد يكون جرب شاهين بباور وشاهين بدون باور ياترى الفرق كبير ولا لا (يعنى زى العربيات الكورى واليابانى وكده) وشكرا ليكم ياجماعه

أنا إتعلمت على شاهين باور ..
بس كانت هاف باور .. و مكنش فارق قوى ..
و إتقللى إنن الشاهين كله كده ..
فشوف يعنى لو هاف ولا لأ

الهاف باور هو فكره لتقليل ثقل الدركسيون و زياده عزم دوران العجل عند لف الدركسيون مما يعطى شبه بسهوله حركه الدركسيون الباور

الفكره هى تغيير علبه الدركسيون بعلبه اخرى من نوع معين و تغيير حاجه اسمها المناول و اضافه قطعه تشبه القنطره

اما بالنسبه للباور فهو فكر مختلف تماما تعتمد على اضافات ميكانيكيه مصنعه فى السياره من المصنع نفسه و لا تضاف او تركب و اهمها طلمبه زيت الباور و اكسات خاصه و علبه دركسيون مختلفه تماما
و لكن انا اسمع (و العهده على المهندس سبعاوى) ان اجزاء الباور الكامل تباع و يمكن تركيبها

انا حضرت سنه 2006 مع صديق لى تركيب هاف باور لسيارته (دوجان موديل 1993)

قمنا بشراء الحاجات من محل فى شارع شامبليون بجوار ابوطارق بتاع الكشرى لا اذكر اسمه حاليا و لكن التكلفه كانت حوالى 400 جنيه

و التركيب كان عند ميكانيكى فى عابدين (الورشه الفنيه الحديثه) فى شارع الشيخ ريحان

اتمنى ان اكون قد افدتك

المشاركة الأصلية كتبت بواسطة مواطن مصرى

و لكن انا اسمع (و العهده على المهندس سبعاوى) ان اجزاء الباور الكامل تباع و يمكن تركيبها

يا عم انا سددت العهدة اللى عندى كلها :)

زى ما الأعضاء افادوا كدة ان الباور بيتركب للشاهين عادى، لأان فيه منها باور

والباور يشمل علبة الديريكسيون الباور، والطرمبة ، والخراطيم، والخزان، والسير، والطنبورة الأضافية، الحاجات دى لو جديدة هتعمل لها بتاع 2500 جنيه، وممكن تجيبها ارخص استيراد من عند الراجل بتاع شارع معروف اللى قصاد ابو طارق بتاع الكشرى بس مش عارف هتبقى بكام

الباور نعمه لا يعرف قيمتها إلا اللى ركب العادى بعد عربيه كانت باور